Thailand’s long-running political crisis: Lawmakers to Choose Prime Minister After Samak Sundaravej Forced Out

தாய்லாந்துப் பிரதமர் பதவி விலக நீதிமன்றம் கெடு

	பிரதமர் சமக் சுந்தரவெஜ்ஜும்

தாய்லாந்துப் பிரதமர் சமக் சுந்தரவெஜ்ஜும் அவரது அமைச்சரவையும் அடுத்த முப்பது நாட்களுக்குள் பதவி விலக வேண்டும், ஏனெனில் நாட்டின் அரசியல் சாசன விதிமுறையை பிரதமர் மீறியுள்ளார் என்று அந்நாட்டின் அரசியல் சாசன நீதிமன்றம் உத்தரவிட்டுள்ளது.

பிரதமரான பின்னரும் ஒரு தொலைக்காட்சி சமையல்கலை நிகழ்ச்சியில் அவர் தொடர்ந்து தோன்றிவந்ததன் காரணமாக, வெளி வியாபார நலன்களைத் தொடரக்கூடாது என்ற பிரதமருக்கான அரசியல் சாசன விதிமுறையை அவர் மீறிவிட்டார் என ஒன்பது நீதிபதிகளைக் கொண்ட பென்ச் தீர்மானித்துள்ளது.

இத்தீர்ப்பு குறித்து கருத்து வெளியிட்ட ஆளும் கூட்டணிக்குத் தலைமை ஏற்றுள்ள மக்கள் அதிகாரக் கட்சியின் அதிகாரிகள், தாங்கள் சமக் அவர்களையே மீண்டும் அதிபராக மீண்டும் தெரிவுசெய்யப்போவதாகக் கூறியுள்ளனர்.

---

Japan’s PM quits post after less than a year: Taro Aso confirms bid to replace Yasuo Fukuda

ஜப்பானிய பிரதமர் பதவி விலகுவதாக அறிவிப்பு

ஜப்பானியப் பிரதமர் யசுஒ ஃபகுடா தான் பதவி விலகுவதாக அறிவித்துள்ளார். அவர் பதவியேற்று ஒரு ஆண்டு கூட நிறைவடைந்திருக்கவில்லை.

எதிர்க்கட்சியினரின் கட்டுப்பாட்டிலுள்ள நாடாளுமன்ற மேலவையில் முட்டுக்கட்டை நிலை ஏற்பட்டுள்ளதன் காரணமாகவே தான் பதவி விலகுவதாகவும், அணிக்கு ஒரு புதிய தலைமை தேவையென்றும் அவர் கூறியுள்ளார்.

ஆளும் தாராளவாத ஜனநாயகக் கட்சி ஒரு உட்கட்சித் தேர்தலை நடத்தி அடுத்த தலைவரைத் தேர்ந்தெடுக்க வேண்டும் என்று அவர் கூறினார்.

கடந்த சில ஆண்டுகளாக இக்கட்சியின் செல்வாக்கு வேகமாக சரிவடைந்துவருகிறது கட்சியைச் சரிவிலிருந்து மீட்க ஃபகுடா தவறியுள்ளார்.

வழமைக்கு முன்பாக பொதுத் தேர்தல்கள் நடத்தப்பட வேண்டுமென எதிர்கட்சியினர் கோரியுள்ளனர்.