Tamil News

BBC, Dinamani, Dinamalar, Maalai Malar et al

Posts Tagged ‘Ilangovan’

Tirupur or Namakkal: EVKS Ilangovan

Posted by Snapjudge மேல் மார்ச் 11, 2009

“பனியன்’ நகரில் களமிறங்குகிறார் ஜவுளி அமைச்சர்?

புதிதாக உருவாக்கப்பட்டுள்ள திருப்பூர் தொகுதியில், மத்திய ஜவுளித் துறை இணை அமைச்சர் ஈ.வி.கே.எஸ்.இளங்கோவன் போட்டியிடுவார் எனத் தெரிகிறது.

ஈரோடு மாவட்டத்தின் கோபி மக்களவையில் இருந்து தேர்வு செய்யப்பட்ட இளங்கோவன், மத்திய அமைச்சரவையில் முதலில் வர்த்தக இணை அமைச்சராக இருந்தார். தற்போது ஜவுளித் துறை இணை அமைச்சராக உள்ளார்.

தொகுதி சீரமைப்புக்குப் பிறகு கோபி மக்களவையில் இருந்த

  • பெருந்துறை,
  • பவானி,
  • அந்தியூர்,
  • கோபிசெட்டிப்பாளையம்,
  • திருப்பூர் வடக்கு,
  • திருப்பூர் தெற்கு

பேரவைத் தொகுதிகளை இணைத்து புதிதாக திருப்பூர் மக்களவைத் தொகுதி உருவாக்கப்பட்டுள்ளது.
ஏற்கெனவே இருந்த கோபி தொகுதியில் அதிமுக 7 முறையும், காங்கிரஸ் 4 முறையும், திமுக ஒரு முறையும் வென்றுள்ளன.

காங்கிரஸýடன் முதல் முறையாக எம்ஜிஆர் கூட்டணி அமைத்து 1980-ல் மக்களவைத் தேர்தலைச் சந்தித்தபோது தமிழகத்தில் 2 தொகுதிகளில் மட்டுமே இந்த அணி வெற்றி பெற்றது. அப்போது கோபி தொகுதியில் அதிமுக சார்பில் போட்டியிட்ட ஜி.சின்னசாமி வெற்றி பெற்றார்.

அதைத் தொடர்ந்து காங்கிரஸýக்கு வலுவான அடித்தளம் உள்ள தொகுதிகளின் பட்டியலில் கோபியும் இருந்து வருகிறது.

2004-ல் அதிமுக வேட்பாளரை 2 லட்சம் வாக்குகள் வித்தியாசத்தில் இளங்கோவன் வென்றார். அதிக வாக்கு வித்தியாசத்தில் வெற்றி பெற்ற தமிழக எம்.பி.க்களில் இளங்கோவனும் ஒருவர்.

தொகுதி சீரமைப்பில் கோபி மக்களவை நீக்கப்பட்டுள்ளதால் வேறு தொகுதிக்கு மாற வேண்டிய நிலையில் உள்ளார். ஈரோடு, நாமக்கல், திருப்பூர் ஆகிய தொகுதிகளுக்கு வாய்ப்பு இருந்தாலும் அவரது விருப்பம் திருப்பூராகவே உள்ளது. ஈரோடு தொகுதியை திமுக கேட்டு வருவதால், அத் தொகுதியில் போட்டியிட வாய்ப்பு குறைவு.

முக்கியமாக, திருப்பூரில் இளங்கோவன் போட்டியிட காங்கிரஸýக்குள் எதிர்ப்பு இருக்காது. அதேபோல அதிமுக வாக்கு வங்கி அதிகமாக இருப்பதால், இத்தொகுதியில் போட்டியிட திமுகவும் விரும்பாது.

“திருப்பூர் தொகுதியில் இடம்பெற்றுள்ள 6 பேரவைத் தொகுதிகளில் 2 தொகுதி மட்டுமே புதியவை. மற்றவை அவருக்கு வெற்றியை அளித்தவைதான். ஆகவே, திருப்பூரில் போட்டியிடவே விரும்புகிறார்’ என்கின்றனர் இளங்கோவனின் ஆதரவாளர்கள்.

திருப்பூர் மக்களவையில் திருப்பூர் வடக்கு, திருப்பூர் தெற்கு ஆகிய தொகுதிகள் மட்டுமே காங்கிரஸýக்கு வாய்ப்புக் குறைந்தவை. இருப்பினும் பிற 4 தொகுதிகளில் காங்கிரஸ், திமுகவுக்கு வாய்ப்பு அதிகம் என்பதால் இளங்கோவன் இத் தொகுதியை விரும்புவதாகவும் அக் கட்சியினர் கூறுகின்றனர்.

திருப்பூர் தொகுதி கிடைக்காதபட்சத்தில் நாமக்கல்லில் போட்டியிடுவார் என்றும் அவர்கள் தெரிவிக்கின்றனர்.

Posted in Tamil Nadu | குறிச்சொல்லிடப்பட்டது: , , , , , , , , , , , , , , , , | Leave a Comment »