Tamil News

BBC, Dinamani, Dinamalar, Maalai Malar et al

Archive for the ‘Union Minister’ Category

Sunil Dutt’s home in illegal occupation list

Posted by Snapjudge மேல் திசெம்பர் 14, 2006

பதவி போன பிறகும் அரசு வீட்டை காலி செய்ய மறுக்கும் “மாஜி’க்கள்: மாநிலங்களவையில் அமைச்சர் தகவல்

புதுதில்லி, டிச. 15: முன்னாள் மத்திய அமைச்சர்கள் உள்ளிட்டோருக்கு ஒதுக்கப்பட்டவற்றில் 298 வீடுகள் இன்னும் காலி செய்யப்படாமல் இருக்கின்றன.

இறப்பு அல்லது பதவிக்காலம் முடிந்த பிறகு அரசு வீட்டில் சட்டவிரோதமாக ஆக்கிரமித்திருப்போர் பட்டியலை மத்திய அரசு தயாரித்துள்ளது. இதில்

  • முன்னாள் மத்திய அமைச்சர் சுனில் தத்,
  • அமைச்சராக இருந்த தெலங்கானா ராஷ்ட்ரிய சமிதி தலைவர் கே. சந்திர சேகர் ராவ் ஆகியோரது பெயர்கள் இடம்பெற்றுள்ளன.

சுனில் தத் இறந்த பிறகும் அவருக்கு வழங்கப்பட்ட வீடு சட்ட விரோதமாக ஆக்கிரமிக்கப்பட்டுள்ளது. அதேபோல் சந்திர சேகர் ராவ் பதவியில் இருந்து விலகிய பிறகும் அவரது அரசு வீடு காலி செய்யப்படவில்லை.

இது குறித்து மாநிலங்களவையில் கேள்வி நேரத்தின் போது மத்திய நகர்ப்புற வளர்ச்சித்துறை இணை அமைச்சர் அஜய் மகான் பேசியது:

சட்ட விரோதமாக அரசு வீடுகள் ஆக்கிரமிக்கப்பட்டுள்ளது குறித்து இதுவரை 9 புகார்கள் அரசுக்கு வந்திருக்கின்றன. இவ்வீடுகளை விரைவில் காலி செய்யுமாறு அவற்றில் குடியிருப்போரைக் கேட்டுள்ளோம். சட்டவிரோதமாக குடியிருப்போரை வெளியேற்றும் உத்தரவுக்கு எதிராக மேல்முறையீடு செய்வதற்கு சட்டத்தில் வழியிருப்பதால் ஒரு குறிப்பிட்ட காலக்கெடுவை நிர்ணயிக்க முடியவில்லை என்றார் அமைச்சர்.

Posted in Ajay Maken, Cabinet, Directorate of Estates, encroachment, Eviction of Unauthorised Occupants, Government, Indian MPs, K Chandra Shekhar Rao, MP, Public Premises, Sunil Dutt, Tamil, TRS, Tughlak Road, Union Minister, Urban Development | Leave a Comment »

Give relief to farmers: Dharia – Manmohan invites for talks

Posted by Snapjudge மேல் ஒக்ரோபர் 26, 2006

விவசாயிகள் தற்கொலையைக் கண்டித்து மோகன் தாரியா உண்ணாவிரத திட்டம்

புணே, அக். 27: மகாராஷ்டிரத்தில் கடன் சுமை தாளாமல் விவசாயிகள் தொடர்ந்து தற்கொலை செய்துகொள்வதைத் தடுக்க அரசு தலையிடக் கோரி, காலவரம்பற்ற உண்ணாவிரதம் மேற்கொள்ள முன்னாள் மத்திய அமைச்சர் மோகன் தாரியா (82) திட்டமிட்டிருக்கிறார்.

நேரு பிறந்த நாளான நவம்பர் 14 முதல் இக்கிளர்ச்சியை அவர் தொடங்கவிருக்கிறார்.

எனவே அதற்கு முன்னதாக, இம் மாதம் 30-ம் தேதி தில்லிக்கு வருமாறு தாரியாவுக்கு அழைப்பு விடுத்திருக்கிறார் மன்மோகன்.

இது தொடர்பாக நிருபர்களிடம் மோகன் தாரியா கூறியதாவது:

“மத்திய, மாநில அரசுகள் அறிவித்த நிவாரண உதவிகளுக்குப் பிறகும்கூட மகாராஷ்டிரத்தில் விவசாயிகள் கடன் சுமையால் தற்கொலை செய்து கொள்வது நிற்கவில்லை.

இந்தப் பிரச்சினையின் ஆழத்தைப் புரிந்துகொண்டு யாரும் நடவடிக்கை எடுப்பதைப் போலத் தெரியவில்லை.

நமது பொருளாதாரத்துக்கே அச்சாணியான விவசாயிகளின் மன உறுதி குலைந்தால் நாட்டின் எதிர்காலமே கேள்விக்குறியாகிவிடும் என்பதைச் சுட்டிக்காட்டி பிரதமர் மன்மோகன் சிங்குக்கு அக்டோபர் 7-ம் தேதி கடிதம் எழுதினேன். நவம்பர் 14 முதல் காலவரம்பற்ற உண்ணாவிரதத்தை மேற்கொள்ளும் முடிவை எடுத்திருக்கிறேன்.

அவ்வாறு செய்யவேண்டாம் என்று பிரதமர் கேட்டுக்கொண்டிருக்கிறார். ஆனால் நான் என் முடிவில் உறுதியாக இருக்கிறேன்.

கூட்டுறவுச் சங்கங்கள், அரசுடைமை வங்கிகள், தனியார் லேவாதேவிக்காரர்கள் ஆகியோரிடம் கடன் வாங்கியுள்ளனர் விவசாயிகள். இதில் தனியாரிடம் வாங்கிய கடனுக்குத்தான் அதிக வட்டி செலுத்த வேண்டியிருக்கிறது.

அவர்களின் மிரட்டல் தாங்க முடியாமல்தான் மன உளைச்சலில் தற்கொலை செய்து கொள்கின்றனர்.

இந்தக் கடன்கள் சட்ட விரோதமானவை. இவற்றை அரசு உடனே ரத்து செய்ய வேண்டும். இந்த நடவடிக்கைகளை எடுக்காதவரை, உண்ணாவிரத முடிவை மாற்றிக்கொள்ள மாட்டேன். 3 ஆயிரத்துக்கும் மேற்பட்ட தன்னார்வத் தொண்டு அமைப்புகள் எனக்கு ஆதரவாக உள்ளன’ என்றார் மோகன் தாரியா.

சிறந்த நிர்வாகி: மொரார்ஜி தேசாய் பிரதமராகப் பதவி வகித்த காலத்தில், சிவில் சப்ளை துறை அமைச்சராக இருந்தவர் மோகன் தாரியா. நிர்வாகத் திறமை மிகுந்தவர், நேர்மையாளர். அவருடைய காலத்தில்தான் சர்க்கரைக்கு இரட்டை விலைக் கொள்கை ரத்து செய்யப்பட்டது. வெளிநாடுகளுக்கு மிகக் குறைந்த விலைக்கு சர்க்கரை ஏற்றுமதி செய்தது நிறுத்தப்பட்டது. இவ்விரு காரணங்களால் ரேஷன் கடைகளைவிட மளிகைக் கடைகளில் சர்க்கரை விலை குறைவாகவும், எளிதாகவும் கிடைத்தது.

அத்துடன் உருளைக்கிழங்கு, வெங்காயம் உள்ளிட்ட காய்கறிகளின் விலை உயர்வையும் அற்புதமாக கட்டுப்படுத்தினார் அவர். ஏறத்தாழ இரண்டரை ஆண்டுகள் விலைவாசியும் பணவீக்க விகிதமும் கட்டுக்குள் இருந்தன.

Posted in Agriculture, Farmers, Fast, maharashtra, Manmohan, Mohan Dharia, Morarji Desai, Prime Minister, Suicide, Union Minister, voluntary | Leave a Comment »