Tamil News

BBC, Dinamani, Dinamalar, Maalai Malar et al

Archive for the ‘Thamizh’ Category

‘Oli’ Yuga Chirpi passes away – Anjali

Posted by Snapjudge மேல் நவம்பர் 20, 2006

காலமானார் கவிஞர் யுகசிற்பி

நாகப்பட்டினம், நவ. 20: கவிஞர் யுகசிற்பி (சுரேந்திரன்) (53) நாகப்பட்டினத்தில் மாரடைப்பால் சனிக்கிழமை இரவு காலமானார்.

  • மின்னல் விதைகள்,
  • ரதி சம்ஹாரம்,
  • எழுதாச் சிலம்பு,
  • காலச்சிறகுகள் ஆகிய கவிதை நூல்களும்
  • உயிர்வேலி சிறுகதை நூலும்,
  • இனி ஒரு விதி செய்வோம்,
  • இந்திய வாழ்க்கையும் ஆன்மிகமும்,
  • தியான பூமி ஆகிய கட்டுரை நூல்களும் எழுதியுள்ளார்.

தமிழ், ஆங்கிலம், மலையாளம் ஆகிய மொழிகளில் புலமைமிக்கவர். ஆன்மிகப் பொதுவுடைமை சார்ந்த கருத்தியல் கொண்ட “ஒளி‘ என்னும் இதழை நடத்தி வந்தார்.

இவருக்கு மனைவி, 2 பெண் குழந்தைகள் உள்ளனர். அவரது இறுதிச்சடங்கு நாகையில் ஞாயிற்றுக்கிழமை நடைபெற்றது.

Posted in Anjali, Biosketch, Lifesketch, Memoirs, Oli, Surendiran, Tamil Literature, Thamizh, Yugachirpi | Leave a Comment »

‘All Movies which have Tamil names need not pay any Taxes to the Exchequer’

Posted by Snapjudge மேல் நவம்பர் 20, 2006

தமிழில் பெயர் சூட்டப்பட்ட பழைய திரைப்படங்களுக்கு வரி விலக்கு: முதல்வர்

சென்னை, நவ. 20: தமிழில் பெயர் சூட்டப்பட்ட பழைய திரைப்படங்களுக்கும் கேளிக்கை வரி விலக்கு அளிக்கப்படும் என்று முதலமைச்சர் கருணாநிதி தெரிவித்துள்ளார்.

இது தொடர்பாக ஞாயிற்றுக்கிழமை அரசு வெளியிட்ட அறிக்கை விவரம்:

2006-07-ம் ஆண்டுக்கான நிதி நிலை அறிக்கையில், தமிழிலே பெயர் சூட்டப்படும் புதிய திரைப்படங்களுக்கு கேளிக்கை வரி விலக்கு அளிக்கப்படும் என முதலமைச்சர் அறிவித்திருந்தார்.

இதைத் தொடர்ந்து கடந்த ஜூலை 22-ம் தேதி இதற்கான அரசாணை பிறப்பிக்கப்பட்டது.

இந்த ஆண்டு அரசின் அறிவிப்புக்குப் பிறகு வெளியாகும் தமிழில் பெயர் வைக்கப்படும் திரைப்படங்களுக்கு மட்டும் கேளிக்கை வரி விலக்கு சலுகை அளிப்பதோடு, ஏற்கெனவே தமிழில் பெயர் வைக்கப்பட்ட பழைய திரைப்படங்களுக்கும் அளிக்க வேண்டும் என திரைப்படத் துறையினர் முதலமைச்சரிடம் கோரிக்கை வைத்தனர்.

திரைப்படத் துறையினரின் கோரிக்கையை ஏற்ற முதலமைச்சர், இனி தமிழ் பெயர் வைக்கப்பட்ட பழைய திரைப்படங்களுக்கும் கேளிக்கை வரி விலக்கு அளிக்கப்படும் என அறிவித்துள்ளார்.

இருப்பினும், படத்தின் தலைப்பு தமிழில்தான் வைக்கப்பட்டுள்ளது என்பதற்கான அனுமதியை அரசின் வணிக வரித்துறை ஆணையரிடமிருந்து தயாரிப்பாளர் பெற்றால் வரி விலக்கு அளிக்கப்படும் என முதலமைச்சர் கருணாநிதி குறிப்பிட்டுள்ளார்.

Posted in Budget, CM, Economics, Entertainment Tax, Finance, Income, Karunanidhi, Karunanidhy, Karunanidi, Karunanithi, Kollywood, Movie Names, Mu Ka, Mu Karunanidhi, Mu Karunanidhy, Tamil Cinema, Tamil Movies, Tamil Nadu, Tax-free, Thamizh | Leave a Comment »

Ilaiyaraja starts a Tamil Ilakkiya Manram with Jeyaganthan as Head

Posted by Snapjudge மேல் நவம்பர் 7, 2006

தமிழ் அறிஞர்களைக் கௌரவிக்க புதிய இலக்கிய மன்றம்- இளையராஜா தொடங்குகிறார்

சென்னை, நவ.7: சிறந்த தமிழ் அறிஞர்களைக் கெüரவிப்பதற்காக இசையமைப்பாளர் இளையராஜா புதிய இலக்கிய மன்றத்தை தொடங்குகிறார்.

இதுகுறித்து இளையராஜா செய்தியாளர்களிடம் திங்கள்கிழமை தெரிவித்ததாவது:

தமிழ் மொழியின் வளர்ச்சிக்குப் பாடுபட்டு வரும் அறிஞர்களை கெüரவிக்க வேண்டும் என்பது நீண்ட நாள் கனவு. அதன்படி பலருடன் கலந்தாலோசித்து ஓர் இலக்கிய மன்றத்தை உருவாக்கியிருக்கிறோம்.

இந்த மன்றத்துக்கு அனைவரின் வேண்டுகோளுக்கிணங்க “இசைஞானி இலக்கிய மன்றம்‘ என பெயரிடப்பட்டுள்ளது. இந்த மன்றத்தின் தொடக்க விழா வரும் டிசம்பர் 2-ம் தேதி மதுரை தமுக்கம் மைதானத்தில் நடைபெறுகிறது.

  • இதற்கு எழுத்தாளர் ஜெயகாந்தன் தலைவராகவும்,
  • ஆறு அழகப்பன் செயலாளராகவும் இருப்பார்கள்.
  • அப்துல் ரகுமான்,
  • வாலி,
  • மு.மேத்தா,
  • முத்துலிங்கம்,
  • ஞானசுந்தரம்,
  • திருப்பூர் கிருஷ்ணன்,
  • ரவி சுப்ரமணியம் உள்ளிட்டோர் செயற்குழு உறுப்பினர்களாக செயல்படுவார்கள்.

சிறந்த படைப்புகளைப் படைக்கும் அறிஞர்களுக்கும், புதியவர்களுக்கும் இந்த மன்றத்தின் பெயரில் ரொக்கப் பணமும், பரிசுகளும் வழங்கப்படும்.

இவை “பாவலர் வரதராஜன் நினைவுப் பரிசு’ என்ற பெயரில் வழங்கப்படும்.

என்னுடைய இசையில் தமிழ், தெலுங்கு, மலையாளம், கன்னடம் ஆகிய நான்கு மொழிகளில் ஒரே நேரத்தில் உருவாகும் “அஜந்தா‘ படத்தின் பாடல் வெளியீட்டு விழாவும் அதே நாளில் பொதுமக்கள் முன்னிலையில் மதுரை தமுக்கம் மைதானத்தில் நடைபெறவுள்ளது.

இந்தப் படத்தின் மூலம் வரும் லாபத்தை ஏழைக் குழந்தைகளின் கல்வி வளர்ச்சிக்காக அளிக்கவிருக்கிறார் படத்தின் தயாரிப்பாளர் ராஜ்பா ரவிசங்கர். அவருக்கு என்னுடைய மனமார்ந்த பாராட்டுக்கள் என்றார் இளையராஜா.

Posted in Abdul Rehman, Ajantha, Charity, Ilaiyaraja, Ilakkiya Manram, Isainjaani, Jeyaganthan, Jeyakanthan, Kavikko, Literature, Madurai, Mu Mehtha, Muthulingam, Paavalar, Pavalar Varadarajan, Ravi Subramaniam, Tamil Poets, Thamizh, Thamukkam, Thiruppur Krishnan, Vaali | Leave a Comment »

Rajarajan awards for Thamizh Scholars

Posted by Snapjudge மேல் நவம்பர் 2, 2006

ராஜராஜ சோழன் சதயவிழா: தமிழறிஞர்கள் இருவருக்கு ராஜராஜன் விருது

தஞ்சாவூர், நவ. 3: தஞ்சையில் மாமன்னர் ராஜராஜ சோழன் சதயவிழாவையொட்டி தஞ்சாவூரைச் சேர்ந்த தமிழறிஞர்கள் இருவருக்கு மாமன்னர் ராஜராஜன் விருது புதன்கிழமை வழங்கப்பட்டது.

தஞ்சாவூர் அருள்மிகு பெருவுடையார் கோயிலை நிர்மாணித்த மாமன்னன் ராஜராஜ சோழனின் 1,021 ஆண்டு சதய விழா பெரியகோயில் வளாகத்தில் நடைபெற்றது.

புதன்கிழமை நடைபெற்ற நிறைவு விழாவில்

  • மத்திய நிதித்துறை இணை அமைச்சர் எஸ்.எஸ். பழநிமாணிக்கம்.
  • தமிழக அமைச்சர்கள் சி.நா.மீ. உபயதுல்லா,
  • கோ.சி.மணி,
  • அரண்மனை தேவஸ்தான பரம்பரை அறங்காவலர் பாபாஜி ராஜா பான்ஸ்லே,
  • மாவட்ட ஆட்சியர் சி. விஜயராஜ் குமார் பங்கேற்றனர்.

விழாவில் தமிழறிஞர்கள் பாவலரேறு பாலசுந்தரம், லியோ ராமலிங்கம் ஆகியோருக்கு மாமன்னர் ராஜராஜன் விருதுகளை அமைச்சர்கள் வழங்கிப் பாராட்டினர்.

Posted in Leo Ramalingam, Literature, Paavalarezhu Balasundaram, Rajarajan, Recognition, Scholars, Tanjore, Thamizh, Thanjavur | 2 Comments »

Dr Ramadas speech in PMK’s 50th anniversary of Tamil Nadu state creation

Posted by Snapjudge மேல் நவம்பர் 1, 2006

எங்கும் தமிழ் எதிலும் தமிழ் என்ற நிலை வர வேண்டும்: டாக்டர் ராமதாஸ் பேச்சு 

தமிழ்நாடு உருவான 50-வது ஆண்டு விழா பா.ம.க. சார்பில் இன்று கொண்டாடப்பட்டது. சென்னை தி.நகரில் நடந்த இந்த விழாவுக்கு ஜி.கே.மணி தலைமை தாங்கினார். ஏ.கே.மூர்த்தி எம்.பி. வரவேற்றார்.

பா.ம.க. நிறுவனர் டாக்டர் ராமதாஸ் இதில் கலந்து கொண்டு பேசியதாவது:-

தமிழ்நாடு உருவான 25-வது ஆண்டு கொண்டாடிய பிறகு 50-வது ஆண்டில்தான் மீண்டும் கொண்டாடுகிறோம். ஆனால் அண்டை மாநிலங்களான ஆந்திரா, கர்நாடகா, கேரளா மாநிலங்கள் ஆண்டு தோறும் விழா நடத்துகிறது.

அடுத்த ஆண்டு முதல் பா.ம.க. ஒவ்வொரு ஆண்டும் இதை விழாவாக கொண்டாடும். தமிழ்நாடு உருவான பொன் விழாவை அரசு விழாவாக கொண்டாட வேண்டும் என்று முதல்-அமைச்சர் கருணாநிதியிடம் கோரிக்கை வைத் தேன். அதை அவர் ஏற்று கொண்டு அரசு விழாவாக கொண்டாட ஏற்பாடு செய்து இருக்கிறார். அதற்கு நன்றி தெரிவித்துக் கொள்கிறேன்.

தமிழக எல்லையை காக்க நேசமணி, மா.பொ.சிவஞானம் போன்ற எத்தனையோ தலைவர்கள் போராடினார்கள். ராஜாஜியால்தான் சென்னை நமக்கு கிடைத்தது. தமிழ்நாட் டில் மட்டுமல்ல மத்தியிலும் தமிழ் ஆட்சி மொழியாக வர வேண்டும் என்று குரல் கொடுத்தோம்.

50 ஆண்டுகளுக்கு முன்பு தமிழ்நாட்டில் தமிழை ஆட்சி மொழியாக கொண்டு வரும் தீர்மானத்தை சி.சுப்பிரமணி யம் சட்டசபையில் அறிவித்து பிறவி பயனை அடைந்ததாக கூறினார்.

ஆனால் இன்று வரை நாம் பிறவி பயனை அடைய வில்லை. எங்கும் தமிழ் எதிலும் தமிழ் என்ற கூச்சல் இடையில் தோன்றி மறைந்து விட்டது.

எங்கும் தமிழ் எதிலும் தமிழ் என்ற உண்மையான நிலை உருவாக வேண்டும். தமிழ் ஆட்சி மொழியாகவும், நீதிமன்றங்களிலும் அனைத்து நடவடிக்கைகளிலும் தமிழ் இடம் பெற வேண்டும். இதற் காக போராடும் சூழ்நிலை ஏற்பட்டாலும் போராட வேண்டும்.

தமிழை காப்பதற்காக ஆஞ்கிலம் வேலியாக அமையும் என்று கூறினார்கள். ஆனால் ஆங்கிலம் தமிழ் பயிரை மேய்கிறது. இதை சொன்னால் என் மீது பாய்கிறார்கள்.

மத்தியில் தமிழை ஆட்சி மொழியாக கொண்டு வர வற்புறுத்தி வருகிறோம். விமான அறிவிப்புகள் தமிழில் வர வேண்டும் என்று கேட்டு இருக்கிறோம்.

மத்திய அரசு தமிழ் அறிஞர்களுக்கு வழங்கும் விருதை தொல்காப்பியர் விருது, திருவள்ளுவர் விருது என்ற பெயரில் வழங்கவும் கோரிக்கை வைத்துள்ளோம். இது நிச்சயம் நிறைவேறும். அனைவரும் சேர்ந்து தமிழை வளர்ப்போம்.
இவ்வாறு அவர் கூறினார்.

விழாவில் தமிழ் அறிஞர் கள் அரு.கோபாலன், தெய்வ நாயகம் உள்பட பலர் பேசி னார்கள். திருகச்சூர் ஆறுமுகம் எம்.எல்.ஏ., தென்சென்னை மாவட்ட செயலாளர் ஜெய ராமன் உள்பட பலர் கலந்து கொண்டார்கள்.

Posted in 50, Anniversary, Creation, Dr Ramadass, Language, PMK, Ramadas, Ramadoss, Speech, State, Tamil Nadu, Thamizh | Leave a Comment »

Actress Srividya passes away – Memoirs & Condolences

Posted by Snapjudge மேல் ஒக்ரோபர் 20, 2006

அரசு மரியாதையுடன் ஸ்ரீவித்யா உடல்தகனம்: நடிகர்-நடிகைகள் அஞ்சலி

திருவனந்தபுரம், அக். 20-

தமிழ், தெலுங்கு, கன்னட மொழிகளில் 900-க்கும் மேற்பட்ட படங்களில் நடித்தவர் ஸ்ரீவித்யா அழகாகவும் வசீகர நடிப்பாலும் ரசிகர்களை கொள்ளை கொண்டார்.

புற்று நோயால் பாதிக்கப்பட்டு ஆஸ்பத்திரியில் சிகிச்சை பெற்ற அவர் நேற்று மரணம் அடைந்தார். அவருக்கு வயது 53. ஸ்ரீவித்யாவின் தாயார் பிரபல கர்நாடக இசைப் பாடகி எம்.எல்.வசந்தகுமாரி. தந்தை விக்ரம் கிருஷ்ணமூர்த்தி சிறு வயதில் பரத நாட்டியம் கற்று மேடையில் ஆடிவந்த ஸ்ரீவித்யா 13 வயதில் திருவருட்செல்வர் என்ற படத்தின் மூலம் திரையுலகில் நுழைந்தார்.

1968-ல் மூன்றெழுத்து படத்தில் `காமெடி’ பாத்திரத் தில் நடித்தார். 1970-ல் கஸ்தூரி திலகம் என்ற படத்தில் நடித் தார். கே.பாலச்சந்தர் இயக் கிய சொல்லத்தான் நினைக் கிறேன், படத்தில் நடித்து பிரபலமானார். அதன் பிறகு நடித்த அபூர்வ ராகங்கள் படம் அவருக்கு திருப்பு முனையை ஏற்படுத்தியது. இப்படத்தில் தான் ரஜினிகாந்த் திரையுலகில் அறிமுகமானார்.

மணிரத்னம் இயக்கிய தளபதி படத்தில் ரஜினியின் அம்மாவாக நடித்தார். கடந்த சில வருடங்களாக முன்னணி இளம் நடிகர்கள் பலருடன் ஸ்ரீவித்யா நடித்தார். இவரது கடைசி படம் லண்டன் ஒரு வருடத்துக்கு முன்பு இப்படம் வெளியானது. கமலஹாசனின் அம்மாவாக அபூர்வ சகோதரர்கள் படத்தில் நடித்துள்ளார்.

ஸ்ரீவித்யா மலையாள தயாரிப்பாளர் ஜார்ஜை காதலித்து திருமணம் செய்து கொண்டார். பிறகு இருவருக்கும் கருத்து வேறுபாடு ஏற்பட்டு பிரிந்தனர். சென்னை மகாலிங்க புரத்தில் உள்ள வீட்டுக்கு இருவரும் சொந்தம் கொண்டாடி வழக்கு தொடர்ந்தனர். ஸ்ரீவித்யா தனது பணத்தில் அந்த வீட்டை கட்டியதாக கூறினார். இறுதியில் சுப்ரீம் கோர்ட்டு ஸ்ரீவித்யாவுக்கு சாதகமாக தீர்ப்பு கூறியது.

கடைசியாக அம்மா தம்பு ராட்டி என்ற மலையாள டி.வி.தொடரில் ஸ்ரீவித்யா நடித்து வந்தார். 200 வார தொடராக இதை எடுக்க தயாரிப்பாளர் திட்டமிட்டார். ஆனால் 45-வது தொடர் நடித்த போது ஸ்ரீவித்யாவுக்கு உடல்நலம் பாதித்தது. அதன் பிறகு தொடரையே நிறுத்தி விட்டனர்.

ஸ்ரீவித்யாவை புற்று நோய் தாக்கியது. தெரிந்ததும் ஆஸ்பத்திரியில் சிகிச்சை பெற்று வந்தார். பின்னர் பெங்களூரில் உள்ள சத்ய சாய்பாபா ஆசிரமத்தில் தங்கி இருந்தார். அதன் பிறகு கேரளாவில் உள்ள மாதா அமிர்தானந்தமயி மடத்தில் தங்கினார்.

நோய் முற்றியதால் திரு வனந்தபுரத்தில் உள்ள ஸ்ரீஉத்திராடம் திருநாள் ஆஸ் பத்திரியில் அனுமதிக்கப்பட்டார். நடிகர் கமலஹாசன் நேரில் சென்று உடல் நலம் விசாரித்தார்.

ஸ்ரீவித்யா உடல் நிலை நாளுக்கு நாள் மோசமாகி வந்தது. நேற்று அவருக்கு, திடீர் மாரடைப்பு ஏற்பட்டு மரணம் அடைந்தார்.

ஸ்ரீவித்யாவின் உடல் திருவனந்தபுரத்தில் உள்ள வி.ஜே.டி. மண்டபத்தில் அஞ்சலிக்காக வைக்கப்பட்டது. கேரள அமைச்சர் திவாகரன் நேரில் சென்று அஞ்சலி செலுத்தினார். நடிகர்கள் பாலச்சந்திர மேனன், கலா பவன் மணி, நடிகை மேனகா, திருவனந்தபுரம் மேயர் ஜெயன்பாபு, பன்னியன் ரவீந் திரன் எம்.பி. மற்றும் நடிகர் -நடிகைகள் நேரில் அஞ்சலி செலுத்தினார்கள்.

கேரள முதல்-மந்திரி அச்சு தானந்தன், எதிர்க்கட்சித் தலைவர் உமன்சாண்டி ஆகி யோர் இரங்கல் செய்தி வெளி யிட்டனர்.

ஸ்ரீவித்யாவின் உடல் இன்று பகல் ஊர்வலமாக எடுத்துச் செல்லப்பட்டு திருவனந்த புரத்தில் உள்ள மயானத்தில் அரசு மரியாதையுடன் தகனம் செய்யப்பட்டது.

மரணம் அடைந்த நடிகை ஸ்ரீவித்யா, நடிகர் கமலஹாசனுடன் பல படங்களில் நடித்துள்ளார். 2 பேரும் நெருங்கிய நண்பர்கள். புற்றுநோயால் பாதிக்கப்பட்டு ஸ்ரீவித்யா திருவனந்தபுரம் ஆஸ்பத்திரியில் அனுமதிக்கப்பட்டு இருந்த போது கமலஹாசன் நேரில் சென்று சந்தித்து ஆறுதல் கூறினார்.

ஸ்ரீவித்யா மறைவு குறித்து கமலஹாசன் கூறியதாவது:-

`நான் மட்டுமல்ல ஸ்ரீவித்யாவும் கடந்த ஒருவருடமாக இப்படி ஒரு நிலைமையை எதிர்பார்த்து கொண்டு இருந்தோம். தைரியமாக மரணத்தை தழுவியவர் எனது தோழி ஸ்ரீவித்யா. அவரது அசாதாரணமான தைரியம் தான் இதற்கு காரணம். ஒரு நல்ல நண்பரை இழந்து தவிக்கிறேன்.”பொண்ணுக்கு தங்க மனசு” கண்ணுக்கு நூறு வயசு” என்ற கண்ணதாசன் பாடல் தான் எனக்கு நினைவுக்கு வருகிறது. இவ்வாறு அவர் கூறினார்.

கேரள முதல்-மந்திரி அச்சுதானத்தன் வெளியிட்டுள்ள இரங்கல் செய்தியில் கூறியிருப்பதாவது:-

மக்கள் மனதில் இடம் பெற்ற ஒரு நடிகை ஸ்ரீவித்யா. அவரது மரணம் கலை உலகிற்கு ஈடு செய்ய முடியாத இழப்பு. மக்களால் ஒரு போதும் மறக்க முடியாத பல கதாபாத்திரங்களுக்கு உயிர் ஊட்டியவர். இவ்வாறு அதில் கூறப் பட்டுள்ளது.

நடிகர் கலாபவன்மணி கூறுகையில் “அன்பாக உபசரித்து வரவேற்கும் அந்த சிரித்த முகம் இப்போதும் அப்படியே உள்ளது. அவர் மறந்தாலும் அவரது நினைவுகள் என் மனதில் பசுமையாக உள்ளது” என்றார்.

நடிகர் சங்கத் தலைவர் சரத்குமார், பொதுச் செயலாளர் ராதாரவி, பொருளாளர் காளை, விஜயகுமார், மனோரமா, சிம்பு, ஸ்ரீபிரியா ஆகியோர் ஸ்ரீவித்யா மறைவுக்கு அனுதாப தந்தி அனுப்பி உள்ளனர்.

`சினிமா, சீரியலை பாதிக்கும் சிகிச்சை எனக்கு வேண்டாம்’: டாக்டரிடம் அடம்பிடித்த ஸ்ரீவித்யா

நடிகை ஸ்ரீவித்யாவுக்கு சிகிச்சை அளித்த டாக்டர் எம்.கிருஷ்ணன் நாயர் கூறியதாவது:-

நடிகை ஸ்ரீவித்யாவுக்கு கேன்சர் 3 வருடத்துக்கு முன்பே பாதித்துள்ளது. அது எஸ்.டி.ï மருத்துவமனையில் பரிசோதித்த போது உறுதி செய்யப்பட்டது. முதுகு தண்டில் தான் கேன்சர் பாதிப்பு இருந்தது.

இது தொடர்பான சிகிச்சை பற்றி அவரிடம் பேசியபோது நான் சினிமாவிலும், சீரியலிலும் பிசியாக இருக்கிறேன். அதற்கு பாதிப்பு ஏற்படும் சிகிச்சை எனக்கு வேண்டாம் எனது தலைமுடிக்கு பாதிப்பு ஏற்படும் என்றால் அந்த சிகிச்சையும் எனக்கு வேண்டாம்.

உடல்நிலைமிகவும் மோசமடைந்ததால் தன்னை பார்க்க வந்தவர்களை தவிர்த்தார். கடந்த 1 மாதத்துக்கு முன்பு கேன்சர் தீவிரமடைந்தது தெரிய வந்தது. கேன்சர் பாதிப்பு நுரையீரலையும் பாதித்தது கண்டுபிடிக்கப்பட்டது. பின்னர் பித்தப்பை பாதிப்பு, வயிற்றில் ரத்தக்கசிவு, சிறுநீரகம் பாதிப்பு இதய செயல்பாடுகளில் குறை ஏற்பட்டது.

மரணத்தை தழுவ நேரிடுமோ என்ற கவலையை விட அவருக்கு `அம்ம தம்பு ராட்டி’ சீரியல் பாதியில் நின்று விட்டதே என்ற கவலை அதிகம் இருந்தது. அந்த சீரியலில் தொடர்ந்து நடிக்க வேண்டும் என்றே அவர் அடிக்கடி கூறி வந்தார். இவ்வாறு அவர் கூறினார்.

1953 முதல் 2006வரை ஸ்ரீவித்யா

1953 ஜுலை மாதம் 24-ந்தேதி விகடன் கிருஷ்ணமூர்த்தி-வசந்த குமாரிக்கு மகளாக பிறந்தவர் ஸ்ரீவித்யா அண்ணன் சங்கரராமன்.

நடனக்கலையில் ஆர்வம் மிகுந்த ஸ்ரீவித்யா நடனம் கற்று 1964-ம் ஆண்டு 7-ந்தேதி தனது நாட்டியத்தை அரங்கேற்றம் செய்தார். ஜனாதிபதி ராதாகிருஷ்ணன் முன்பு டெல்லியில் தனது தாய் பாட 2-வது அரங்கேற்றத்தை நிகழ்த்தினார்.

பின்னர் ஸ்ரீவித்யாவுக்கு சினிமா ஆசை வந்தது. இதைத் தொடர்ந்து தனது 13-வது வயதில் `திருவருட்செல்வன்’ என்ற தமிழ் படத்தில் முதன் முதலில் நடித்தார். தொடர்ந்து `பட்டாம்பிக்கவல‘ என்ற மலையாள படத்தில் நடித்தார். இதில் சத்யன் ஹீரோ.

1979-ம் ஆண்டுகளில் இடவழிவிடு, மீன்பூச்ச ஆகிய படங்களில் ஸ்ரீவித்யா நடித்து மலையாள முன்னணி நடிகையாக திகழ்ந்தார்.

தமிழ்மொழியில் அவர் பிரபலமானது பாலச்சந்தரின் `அபூர்வராகங்கள்’ என்ற படத்தில் இந்திமொழி பங்களிலும் தலை காட்டிய ஸ்ரீவித்யா இடை இடையே சங்கீத அரங்கேற்றமும் செய்தார். சாய்பாபா பக்தரான ஸ்ரீவித்யா பஜனை பாடல்களும் பாடியுள்ளார்.

கிழிக்கூடு, இதயம், ஒரு கோயில், ஆதாமின் விலா எலும்பு, விற்பனைக்கு உண்டு, கொச்சுமுல்ல, அனியத்தி பிராவு ஆகிய படங்கள் மலையாளத்தில் ஸ்ரீவித்யா நடித்து புகழ் பெற்றது இந்தியில் ரிஷிகேஷ் முகர்ஜி தயாரித்த `அர்ஜ×ன் பாஸாயிட்டான்’ என்ற படம் தான் முதல் படம்.

1978-ம் ஆண்டு தயாரிப்பாளர் ஜார்ஜ் தாமஸ் என்பரை திருமணம் செய்தார். பெற்றோர் எதிர்ப்பை மீறி இந்த திருமணம் நடந்தது.

1999-ம் ஆண்டு கருத்து வேறுபாடு காரணமாக 2 பேரும் பிரிந்தனர். இருந்த போதிலும் தனியாக இருந்து ஸ்ரீவித்யா பல மொழி படங்களில் நடித்துள்ளார். இது வரை 6 மொழியிலும் 850 படங்களில் நடித்துள்ளார்.

கடைசியாக “அம்ம தம் புராட்டி” என்ற மலையாள சீரியலில் நடித்தார். அப்போது தான் அவருக்கு கேன்சர் நோய் தாக்கியது. எனவே அதில் நடிப்பதை நிறுத்தினார். அந்த சீரியலும் நிறுத்தப்பட்டது. 2006-ம் ஆண்டு அக்டோபர் மாதம் 19-ந்தேதி அவர் மரணம் அடைந்தார்.

Posted in Actress, Anjali, Biography, Biosketch, Cinema, Condolence, Kamalhassan, Kerala, Malayalam, Movies, people, sri vidya, srividya, thalapathy, Thamizh | Leave a Comment »

Election Results – Karunanidhi’s Kavithai

Posted by Snapjudge மேல் ஒக்ரோபர் 19, 2006

தேர்தல் வெற்றி: கருணாநிதி கவிதை

முதல்-அமைச்சர் கருணாநிதி வெளியிட்டுள்ள கவிதை வருமாறு:-

எங்குற்றார் எமது நண்பர்
பொங்குற்றுப் புயல் போல வீசுவாரே
பொல்லாத வார்த்தைகளால் ஏசுவாரே – எதிர்
நில்லாமல் போனதெங்கே; இப்போதுப

வெற்றி பெற்ற வீராப்பில்
வெகுண்டெழுந்து கேட்க மாட்டேன்.
அண்ணா கற்றுத் தந்த அரசியல் பண்பாடு;
அணுப் பொழுதும் மறக்க மாட்டேன்-

ஆனால் அவர்கள் மட்டும் இனியேனும்
அட்டியின்றி ஒன்றைக் கற்க வேண்டும்-
அறுபதாண்டுக்கு மேல் பொது வாழ்வு கண்டவனாயிற்Ú
அகவையும் எண்பதைக் கடந்தவனாயிற்றே-

ஏனோதானோ வென்றும்-எடுத்தேன் கவிழ்த்தேன் என்றும்
எதற்காகப் பேசி எழுதி அவன் இதயத்தைக் குடைய வேண்டும்;
என்றொருக் கணம் எண்ணிப் பார்த்திடின்; பகை
வென்றிடக் களம் வந்த பார்த்திபன்-

வேண்டாம் போர் என்று வில் அம்பைக்கீழே
போட்டது போல் இல்லாமல்-பின்னர் அவன்
துரோணராம் குருவினை வணங்கி விட்டுத்
தொடங்கினானே யுத்தத்தை; அந்த மரியாதைப் பண்பாடு

அரசியல் போரிலும் இரு தரப்பிடை இருக்குமானால்;
அமர்க்களத்தில் வெற்றியோ தோல்வியோ;
அவரவர்க்குரிய `புகழ்ப்பூ’ குடையாய் விரிந்து
அகலாத மணம் வீசிக் கொண்டேயிருக்கும்; வரலாற்றில்!

தனக்கு வேண்டும் தக்க மரியாதை எனத்
தலைவன் விரும்புகின்றான் என எண்ணாதீர்; உடன் பிறப்புக்காள்!
தமிழகம் பரம்பரையாய்க் காத்திட்ட பண்பாடும் மரபும்
தவறாது பாதுகாக்கப்பட வேண்டுமே பட்டுப் போகாமல்
என்பதற்கே இந்தப் பாடல்!

Posted in Campaign, Election, Karunanidhy, Kavithai, Letters, MK, Mu Karunanidhi, Results, Thamizh, Victory | 1 Comment »

Dharmupuri & Vaathiyaar : Deepavali Tamil Cinema

Posted by Snapjudge மேல் ஒக்ரோபர் 16, 2006

சினிமா
தீபாவளி திரைப்படங்கள் ஒரு முன்னோட்டம்

இந்த வருட தீபாவளிப் பண்டிகைக்கு

  1. விஜயகாந்த்,
  2. சரத்குமார்,
  3. அர்ஜுன்,
  4. அஜித்,
  5. சிம்பு,
  6. ஜீவா,
  7. ஆர்யா

ஆகியோர் நடித்த ஏழு படங்கள் திரைக்கு வருகின்றன. கமல், ரஜினி, விக்ரம், விஜய், சூர்யா, த்ரிஷா ஆகியோ ரின் படங்கள் இந்த தீபாவளிக்கு வெளிவரவில்லை. தீபாவளிக்கு வெளிவரும் ஏழு படங்களில் மூன்றில் நயன்தாரா கதாநாயகியாக நடித்துள்ளார்.

மற்ற படங்களில்

  1. அஸின்,
  2. ரீமாசென்,
  3. சந்தியா,
  4. லஷ்மிராய்,
  5. கனிகா,
  6. மல்லிகா கபூர்,
  7. கீரத், அதிசயா ஆகியோர் கதாநாயகிகளாக நடித்துள்ளனர். தீபாவளிப் படங்களைப் பற்றிய ஒரு சிறு முன்னோட்டம்…

தர்மபுரி

விஜயகாந்த், லஷ்மிராய், விஜயகுமார், மணிவண்ணன், ராஜ்கபூர், எம்.எஸ்.பாஸ்கர், பாபி, மனோபாலா, சுமித்ரா உள்ளிட்ட பலர் நடித்துள்ளனர். தர்மபுரியில் சமையல் பாத்திரங்களை வாடகைக்கு விடு பவராக நடித்துள்ளார் விஜயகாந்த். தான் உண்டு; தன் வேலையுண்டு என வாழ்ந்து வரும் அவருக்கு ஊரிலுள்ள பெரிய மனிதர்களால் சில பிரச்சினைகள் ஏற்படுகின்றன. அவற்றை தன்னுடைய வசனங்களாலும், வலுவான கால்களாலும் எதிர்கொண்டு எப்படி ஜெயிக்கிறார் என்பதே கதை.

காதல், சென்டிமெண்ட், காமெடி இவற்றினூடே சிறிது அரசியல் என அனைத்து ஜனரஞ்சக அம்சங்களோ டும் படம் உருவாக்கப்பட்டிருக்கிறது.

இசை -ஸ்ரீகாந்த் தேவா.

கதை, திரைக்கதை, வசனம், பாடல்கள், இயக்கம் – பேரரசு.

தயாரிப்பு -ஸ்ரீசூர்யா மூவிஸ் சார்பாக ஏ.எம்.ரத் னம்.

மக்கள் தொடர்பு -நெல்லை சுந்தர்ராஜன்.

வாத்தியார்
அர்ஜுன், மல் லிகா கபூர், பிரகாஷ்ராஜ், வடி வேலு, மணிவண்ணன், தலைவாசல் விஜய், முத்துக்காளை, சிங்கமுத்து, அல்வா வாசு, பிரதீப் ராவத் உள்ளிட்ட பலர் நடித்துள்ளனர். அர்ஜுன் நேர்மையான பள்ளி ஆசிரியர். ஆசிரியர் பணியை சேவையாக நினைத்து வாழ்ந்துவருகிறார். இந்த நேரத்தில் அவருக்கு சில அரசியல் குறுக் கீடுகள் ஏற்படுகின்றன. குறுக்கு வழியில் முதலமைச்சர் ஆக வேண்டும் என்ற எண்ணத்தில் அரசியல்வாதி ஒருவர் சமூகத்துக் குப் புறம்பான காரியங்களில் ஈடுபடுகிறார்.

அவருடைய முயற் சியை அர்ஜுன் புத்திசாலித்தனமாக முறியடிக்கிறார். அர்ஜுன் படங்களுக்கேயுரிய ஆக்ஷன் காட்சிகளும், வடிவேலுவின் காமெ டியும் படத்துக்கு பலம்.

கதை -அர்ஜுன்.

வசனம் -ஜி.கே.கோபி நாத்.

இசை -இமான்.

ஒளிப்பதிவு -கே.எஸ்.செல்வராஜ்.

கலை -சங் கர்பாபு.

படத்தொகுப்பு -வி.டி.விஜயன்.

திரைக்கதை, இயக்கம் – ஏ.வெங்கடேஷ்.

தயாரிப்பு -ஏ.பி.ஃபிலிம் கார்டன் சார்பில் வி.பழ னிவேல், ஏ.சி.ஆனந்தன்.

மக்கள் தொடர்பு -மெüனம் ரவி.

Posted in Arjun, Captain, Cinema, Deepavali, Dharmupuri, Diwali, Movies, Tamil Padam, Thamizh, Vaathiyaar, Vijayganth | 1 Comment »

Kamba Sithiram – Thamizhan TV : Ko Gopalakrishnan

Posted by Snapjudge மேல் ஒக்ரோபர் 13, 2006

தமிழன் தொலைக்காட்சியில் “கம்ப சித்திரம்’

சென்னை, அக். 13: கம்ப ராமாயணத்தை பொருத்தமான சித்திரங்களுடன் விளக்கும் “கம்ப சித்திரம்’ எனும் தொலைக்காட்சித் தொடர் நிகழ்ச்சி தமிழன் தொலைக்காட்சியில் வெள்ளி மற்றும் சனிக்கிழமைகளில் ஒளிபரப்பாகிறது.

கண்ணையும் கருத்தையும் கவரும் வகையில் இரவு 7.30 மணி முதல் 8 மணி வரை இந்தத் தொடர் நிகழ்ச்சி ஒளிபரப்பாகிறது.

ராம காதையை கம்பன் தமிழில் பற்பல மேற்கோள் கதைகளுடன் பார்த்து ரசிக்கும்படி தமிழ்துருவன் கோ. கோபாலகிருட்டிணன் இசையமைத்து நடத்துகிறார்.

Posted in Appreciation, Arts, Entertainment, Gopalakrishnan, Kamba Sithiram, Kamban, Literature, music, Ramayanam, Thamizh, Thamizhan TV | Leave a Comment »

Third quarter report on DP-PM activities

Posted by Snapjudge மேல் ஒக்ரோபர் 5, 2006

Here is an update of the Distributed Proofreading (DP) activity of
Project Madurai (PM) in the past 3 months (July – Sep., 2006).

In this quarter, we had a very active participation from our
volunteers which helped us to finish a record number of pages
and hence more books. The statistics below offers a better picture
of the progress made through Distributed Proofreading.

Although, the number of active volunteers in DP-PM has relatively
stayed the same, the few who volunteer are making an immense
contribution, through their regular participation.

Please consider joining and participating in DP-PM; completing one
page a day easily adds up to 30 pages from each volunteer. In case
you have some comments to make DP-PM even more user friendly, do let
me know.

Regards,

Anbu
PS: In case you have received this email through the Project Madurai list on
Yahoo groups, apologies for sending it again.

DP-PM website: http://www.projectmadurai.org.vt.edu/
Quarterly report on DP-PM activity – Oct. 03, 2006

Books/projects (in whole or parts)
Released : 3
Completed : 9
Ongoing : 13

Pages processed :
Jul 2006 : 156
Aug 2006 : 397
Sep 2006 : 433
(Jan 2006: 149, Feb 2006: 300, Mar 2006: 342
Apr 2006: 87, May 2006: 28, Jun 2006: 151)

We have completed 20 works on DP-PM till now and all these books have
been added to the Project Madurai collection. The recent additions are
PM243 – tiruviTai marutUr ulA – mInAkshisuntharam piLLai
PM244 – kaLLATam – kaLLATar (10 century AD)
PM247 – nallicaip pulamai melliyalArkaL – R. Raghava Iyengar
Few more completed works are in the final stages of the release
process.

Some of the books presently available on DP-PM are:
mummaNikkOvai – paTTinattAr
aRappaLIcura catakam – ampalavANak kavirAyar
maturai kOvai – cankara nAraNar
aintiLakkaNam ton2n2Ul viLakkam – tolkAppiyar

More statistics on DP-PM are available at
http://www.projectmadurai.org.vt.edu/stats/stats_central.php

Posted in Help, Literature, Project Madurai, Proofread, Tamil, Thamizh, Type, Volunteer | Leave a Comment »

CP Aathithanaar 102nd Anniversary Celebrations

Posted by Snapjudge மேல் செப்ரெம்பர் 26, 2006

சி.பா. ஆதித்தனார் 102-வது பிறந்த நாள் விழா: பேராசிரியர் மா.நன்னன், கவிஞர் முத்துலிங்கத்துக்கு ரூ.2.5 லட்சம் இலக்கியப்பரிசு நாளை வழங்கப்படுகிறது

சென்னை, செப். 26-

`தினத்தந்தி’ நிறுவனர், `தமிழர் தந்தை’ சி.பா. ஆதித்தனார் நினைவாக ஆண்டு தோறும் அவருடைய பிறந்த நாளையொட்டி ரூ.2 லட்சம் இலக்கியப்பரிசு வழங்கப்படுகிறது.

இதன்படி, மூத்த தமிழறிஞருக்கு ரூ.1 லட்சமும், சிறந்த இலக்கிய நூலுக்கு ரூ.1 லட்சமும் வழங்கப்படுகிறது.

கடந்த ஆண்டு `பெரும்புலவர்’ ப.அரங்கசாமிக்கு மூத்த தமிழறிஞர் விருதுக்கான ரூ.1 லட்சம் `பொற்கிழி’ வழங்கப்பட்டது.

டாக்டர் க.ப.அறவாணன் எழுதிய `தமிழர் அடிமையானது ஏன், எவ்வாறு‘ என்ற நூலுக்கு இலக்கியப்பரிசு ரூ.1 லட்சம் வழங்கப்பட்டது.

சுப்ரீம் கோர்ட்டு முன்னாள் நீதிபதி கே.வேங்கடசாமி இந்த பரிசுகளை வழங்கினார்.

இந்த ஆண்டுக்கான பரிசு பெறுவோர் விவரங்களை `தினத்தந்தி’ இயக்குனர் டாக்டர் பா.சிவந்தி ஆதித்தன் அறிவித்து உள்ளார்.

மூத்த தமிழறிஞர் விருது பேராசிரியர் முனைவர் மா.நன்னனுக்கு வழங்கப்படுகிறது. வெள்ளிப்பட்டயத்துடன் ரூ.1 லட்சம் ரொக்கப்பரிசும் அவருக்கு வழங்கப்படுகிறது.

மா.நன்னன்

2006ம் ஆண்டுக்கான `சி.பா.ஆதித்தனார் மூத்த தமிழறிஞர் விருது’ பெறுகிற பேராசிரியர் முனைவர் மா.நன்னன் தமிழுக்கு அருந்தொண்டாற்றியவர். கடலூர் மாவட்டம் காவனூரில் 30-7-1923ல் பிறந்தவர். பெற்றோர்: மாணிக்கம்-மீனாட்சி அம்மாள்.

அண்ணாமலை பல்கலைக்கழகத்தில் புலவர் பட்டமும், சென்னை பல்கலைக்கழகத்தில் `எம்.எல்’, `பி.எச்.டி.’ ஆகிய பட்டங்களும் பெற்றவர்.

எழுத்தறிவிக்கும் பணியை சென்னை தொலைக்காட்சியில் 17 ஆண்டுகள் நடத்தினார். மலேசியாவில் உள்ள `வானவில்’ என்னும் தொலைக்காட்சியிலும், லண்டன் தொலைக்காட்சியிலும் எழுத்தறிவிக்கும் பணியை நடத்திப் புகழ் பெற்றார்.

நூற்றுக்கும் மேற்பட்ட ஆய்வுக் கட்டுரைகள், பாட நூல்கள், துணைப் பாட நூல்கள் எழுதியவர். 1990ம் ஆண்டு முதல் 2006ம் ஆண்டு வரை 45 பல்சுவை நூல்கள் எழுதினார்.

தமிழிசைப் போராட்டம், இந்தி எதிர்ப்புப் போராட்டம் ஆகியவற்றில் கலந்து கொண்டவர்.

கவிஞர் முத்துலிங்கம்

இந்த ஆண்டுக்கான இலக்கியப் பரிசை `கலைமாமணி’ கவிஞர் முத்துலிங்கம் பெறுகிறார். `காற்றில் விதைத்த கருத்து’ என்ற இவரது நூலுக்கு `தமிழர் தந்தை’ சி.பா.ஆதித்தனாரின் இலக்கியப் பரிசு (ரூ.1 லட்சம்) வழங்கப்படுகிறது.

சிறந்த கவிஞரும், திரைப்பட பாடலாசிரியரும், முன்னாள் அரசவைக் கவிஞருமான முத்துலிங்கம், 20-3-1942ல் சிவகங்கை மாவட்டம் கடம்பக்குடியில் பிறந்தார். பெற்றோர்: சுப்பையா சேர்வை-குஞ்சரம் அம்மாள்.

இவர் பாடல் எழுதிய முதல் படம் `பொண்ணுக்கு தங்க மனசு.’ திரைப்படத்துறையில் இவரை வளர்த்து விட்டவர் முன்னாள் முதல்-அமைச்சர் எம்.ஜி.ஆர்.

கவிஞர் முத்துலிங்கம், திரைப்படங்களுக்கு ஆயிரத்துக்கு மேற்பட்ட பாடல்கள் எழுதி உள்ளார்.

`மாஞ்சோலைக் கிளிதானோ மான்தானோ’, `அன்புக்கு நான் அடிமை, தமிழ் பண்புக்கு நான் அடிமை,’ `காஞ்சிப் பட்டுடுத்தி கஸ்தூரி பொட்டு வைத்து’, `சின்னஞ்சிறு கிளியே சித்திரப்பூ விழியே’, போன்றவை, இவர் எழுதிய புகழ் பெற்ற பாடல்களில் சில.

கலைமாமணி விருது

`எம்.ஜி.ஆர். பிள்ளைத்தமிழ்’, `எம்.ஜி.ஆர். உலா’, `எம்.ஜி.ஆர். சந்ததி’, `முத்துலிங்கம் கவிதைகள்’ `காற்றில் விதைத்த கருத்து’ ஆகியவை இவர் எழுதிய நூல்கள்.

அரசவைக் கவிஞராகவும், சட்டமன்ற மேலவை உறுப்பினராகவும் பதவி வகித்து உள்ளார்.

கலைமாமணி விருது, பாவேந்தர் பாரதிதாசன் விருது, கலைத்துறை வித்தகர் விருது ஆகியவற்றை பெற்றவர். சிறந்த திரைப்பட பாடலாசிரியர் விருதை இருமுறை பெற்றுள்ளார்.

102வது பிறந்த நாள்

நாளை (புதன்கிழமை) மாலை 6 மணிக்கு சென்னை அண்ணா சாலையில் உள்ள ராணி சீதை மன்றத்தில் சி.பா.ஆதித்தனார் 102வது பிறந்த நாள் இலக்கியப் பரிசளிப்பு விழா நடைபெறுகிறது.

சுப்ரீம் கோர்ட்டு நீதிபதி ஏ.ஆர்.லட்சுமணன், விழாவுக்கு தலைமை தாங்கி, விருது மற்றும் இலக்கியப் பரிசுகளை வழங்குகிறார்.

தேர்வுக்குழு

இலக்கியப் பரிசுக்கு வந்த நூல்களைப் பரிசீலித்து பரிசுக்குரிய நூலைத் தேர்ந்து எடுக்க

  • சென்னை ஐகோர்ட்டு முன்னாள் நீதிபதி டி.வி.மாசிலாமணி,
  • `இலக்கிய ஞானி’ வல்லிக்கண்ணன் ஆகியோரைக் கொண்ட குழு அமைக்கப்பட்டு இருந்தது.

போட்டிக்கு வந்த நூல்களை அவர்கள் இருவரும் ஆய்வு செய்து கவிஞர் முத்துலிங்கம் எழுதிய `காற்றில் விதைத்த கருத்து‘ என்ற நூலை பரிசுக்குரியதாகத் தேர்வு செய்தனர்.

Posted in Aathithanaar, AR Lakshmanan, Awards, Celebrations, CP Aathithan, Daily Thanthi, Felicitation, Ka Pa Aravaanan, Literature, Ma Nannan, Maalai Malar, Muthulingam, Tamil, Thamizh, Thina Thanthi | Leave a Comment »