Tamil News

BBC, Dinamani, Dinamalar, Maalai Malar et al

Archive for the ‘Tax-free’ Category

‘Tax free status makes us re-release old Tamil Movies and construct new Theaters’

Posted by Snapjudge மேல் நவம்பர் 20, 2006

தமிழ்நாடு முழுவதும் எம்.ஜி.ஆர்-சிவாஜி படங்கள் மீண்டும் `ரிலீஸ்’: தயாரிப்பாளர் சங்க தலைவர் ராம.நாராயணன் தகவல்

தமிழ் திரையுலகம் வளர்ச்சி நோக்கி செல்கிறது. வரிச்சலுகைகளால் புதுப்படங்கள் நிறைய தயாராகின்றன.

தமிழில் பெயர் சூட்டப் பட்டுள்ள பழைய படங்களுக்கும் அரசு வரி விலக்கு அளித்திருப்பதால் இனிமேல் பழைய படங்களை வைத்தி ருப்பவர்களும் பயன் பெறு வார்கள்.

பராசக்தி, பாசமலர், பாவ மன்னிப்பு என்பன போன்ற பல படங்கள் வரி விலக்கு பெறும். 3 ஆயிரம் படங்களுக்கு மேல் இந்த பயன் கிடைக்கும். இதன் மூலம் எம்.ஜி.ஆர்., சிவாஜி படங்கள் மீண்டும் ரிலீசாகும். ஏற்கனவே இப்படங்களுக்கு 15 சதவீதம் கேளிக்கை வரி செலுத்த வேண்டி இருந்ததால் முடங்கிக் கிடந்தன. இனிமேல் அவை வெளியிடப்படும். பழைய டூரிங் தியேட்டர்கள் பல மூடப்பட்டுள்ளன. இனி மேல் அவை திறக்கப்படும் என்று நம்புகிறோம்.

தமிழ்நாடு முழுவதும் இன்னும் 3 மாதத்தில் 100 புதிய தியேட்டர்கள் திறக்கப்பட உள்ளன. சென்னையில் மட்டும் 30 தியேட்டர்கள் திறக் கப்படுகிறது. டாக்டர் ராதா கிருஷ்ணன் சாலை, பூந்தமல்லி நெடுஞ்சாலை உள்ளிட்ட பல இடங்களில் புதிய தியேட்டர்கள் கட்டப்பட்டு வருகின்றன.இவ்வாறு அவர் கூறினார்.

சென்னை, காஞ்சீபுரம், திருவள்ளூர் மாவட்ட திரைப் பட விநியோகஸ்தர் சங்க தலைவர் அருள்பதி, செயலாளர் கலைப்புலி ஜி.சேகரன் ஆகியோர் வெளியிட்டுள்ள அறிக் கை யில், “பழைய படங்களுக்கு கேளிக்கை வரி ரத்து செய்ததன் மூலம் சிறிய முதலீட்டாளர்கள், தயாரிப்பாளர்கள், தியேட்டர் அதிபர்களின் வளமான வாழ் வுக்கு முதல்-அமைச்சர் அடித் தளமிட்டுள்ளார்” என்று குறிப் பிட்டுள்ளனர்.

Posted in Chennai, Construction, Entertainment, Madras, MGR, Movie Screens, New Movie Halls, Raama Narayanan, Sivaji, Tamil Cinema, Tamil Movies, Tamil Nadu, Tax-free, Theatre | Leave a Comment »

‘All Movies which have Tamil names need not pay any Taxes to the Exchequer’

Posted by Snapjudge மேல் நவம்பர் 20, 2006

தமிழில் பெயர் சூட்டப்பட்ட பழைய திரைப்படங்களுக்கு வரி விலக்கு: முதல்வர்

சென்னை, நவ. 20: தமிழில் பெயர் சூட்டப்பட்ட பழைய திரைப்படங்களுக்கும் கேளிக்கை வரி விலக்கு அளிக்கப்படும் என்று முதலமைச்சர் கருணாநிதி தெரிவித்துள்ளார்.

இது தொடர்பாக ஞாயிற்றுக்கிழமை அரசு வெளியிட்ட அறிக்கை விவரம்:

2006-07-ம் ஆண்டுக்கான நிதி நிலை அறிக்கையில், தமிழிலே பெயர் சூட்டப்படும் புதிய திரைப்படங்களுக்கு கேளிக்கை வரி விலக்கு அளிக்கப்படும் என முதலமைச்சர் அறிவித்திருந்தார்.

இதைத் தொடர்ந்து கடந்த ஜூலை 22-ம் தேதி இதற்கான அரசாணை பிறப்பிக்கப்பட்டது.

இந்த ஆண்டு அரசின் அறிவிப்புக்குப் பிறகு வெளியாகும் தமிழில் பெயர் வைக்கப்படும் திரைப்படங்களுக்கு மட்டும் கேளிக்கை வரி விலக்கு சலுகை அளிப்பதோடு, ஏற்கெனவே தமிழில் பெயர் வைக்கப்பட்ட பழைய திரைப்படங்களுக்கும் அளிக்க வேண்டும் என திரைப்படத் துறையினர் முதலமைச்சரிடம் கோரிக்கை வைத்தனர்.

திரைப்படத் துறையினரின் கோரிக்கையை ஏற்ற முதலமைச்சர், இனி தமிழ் பெயர் வைக்கப்பட்ட பழைய திரைப்படங்களுக்கும் கேளிக்கை வரி விலக்கு அளிக்கப்படும் என அறிவித்துள்ளார்.

இருப்பினும், படத்தின் தலைப்பு தமிழில்தான் வைக்கப்பட்டுள்ளது என்பதற்கான அனுமதியை அரசின் வணிக வரித்துறை ஆணையரிடமிருந்து தயாரிப்பாளர் பெற்றால் வரி விலக்கு அளிக்கப்படும் என முதலமைச்சர் கருணாநிதி குறிப்பிட்டுள்ளார்.

Posted in Budget, CM, Economics, Entertainment Tax, Finance, Income, Karunanidhi, Karunanidhy, Karunanidi, Karunanithi, Kollywood, Movie Names, Mu Ka, Mu Karunanidhi, Mu Karunanidhy, Tamil Cinema, Tamil Movies, Tamil Nadu, Tax-free, Thamizh | Leave a Comment »