Tamil Cinema 2007 – Incidents, Gossips, Kisu Kisu, People, Movies, Flashback, Stars: Dinamalar

2007ம் ஆண்டில் தமிழ் சினிமா உலகில் நடந்த முக்கிய நிகழ்வுகள், சாதனைகளின் தொகுப்பு வருமாறு :

ஜனவரி

112007 : தமிழக தியேட்டர்களில் அரசின் டிக்கெட் கட்டணம் கட்டுப்பாடு அமலுக்கு வந்தது.

312007 : நடிகர் பிரசாந்திடம் மாதம் ரூ.1 லட்சம் ஜீவானாம்சம் கேட்டு அவருடை<ய மனைவி கிரகலட்சுமி வழக்கு தொடர்ந்தார்.

812007 : கவிஞர் வைரமுத்துவுக்கு டாக்டர் பட்டம் வழங்கவிருப்பதாக தமிழ்நாடு திறந்தநிலை பல்கலைக்கழகம் அறிவித்தது.

* நடிகர் பிரசாந்த் விவகாரம் தொடர்பாக பேச்சுவார்த்தை நடத்தப்பட்டது. பிரசாந்த்தும், கிரகலட்சுமியும் சுமார் இரண்டு மணி நேரம் பேச்சுவார்த்தை நடத்தினர். ஆனால் முடிவு எதுவும் ஏற்படவில்லை.

912007 : பண மோசடி வழக்கில் சிக்கிய நடிகை குஷ்பு முன் ஜாமீன் வழங்க சென்னை கோர்ட்டில் வழக்கு தொடர்ந்தாம். அவருக்கு நிபந்தனை ஜாமீன் வழங்கப்பட்டது.

1012007 : நடிகர் பிரசாந்தின் மனைவி கிரஹலட்சுமி தனது கணவருடன் சேர்ந்து வாழ விரும்புவதாக குடும்ப நல கோர்ட்டில் மனு தாக்கல் செய்தார்.

* கோ<யம்பேட்டில் மேம்பாலம் கட்டும் பணிக்காக எங்கள் திருமண மண்டபத்தை இடிக்கக்கூடாது என்று தே.மு.தி.க தலைவர் விஜ<யகாந்த் மனைவி பிரேமலதா சென்னை ஐகோர்ட்டில் மனு தாக்கல் செய்தார்.

* ரூ.1 லட்சம் மோசடி தொடர்பான வழக்கில் நடிகர் பாண்டி<யன் கைது செய்யப்பட்டு சிறையில் அடைக்கப்பட்டார்.

2012007 : கமல்ஹாசனின் தசாவதாரம் படத்தின் கதை தொடர்பான வழக்கில் அப்படத்துக்கு இடைக்கால தடை விதிக்கப்பட்டது. (தசாவதாரம் படத்தின் கதை என்னுடையது என்று உதவி இயக்குனர் ஒருவர் உரிமை கொண்டாடினார்).

2412007 : நடிகர் விஜயகாந்தின் வீட்டில் வருமான வரித்துறை அதிகாரிகள் திடீர் ரெய்டு நடத்தினார்கள்.

* கிராபிக்ஸ் மூலம் எனது முகத்துடன் வேறு பெண்ணின் உடலை இணைத்து புளூ பிலிம் தயாரித்தவர்கள் மீது நடவடிக்கை எடுக்க வேண்டும், என்று போலீஸ் கமிஷனரிடம் கவர்ச்சி நடிகை பாபிலோனா புகார் கொடுத்தார்.

2612007 : சென்னைக்கு வந்த ஸ்ரீ சத்ய சாய்பாபாவிடம் சூப்பர் ஸ்டார் ரஜினிகாந்த் குடும்பத்தோடு நேரில் சென்று ஆசி பெற்றார்.

* கவிஞர் வாலிக்கு பத்மஸ்ரீ விருது வழங்கப்படும் என்று மத்தி<ய அரசு அறிவித்துள்ளது.

* சூப்பர் ஸ்டார் ரஜினியில் சிவாஜி பட சூட்டிங் திருநள்ளாறில் நடந்தது. நடிகை ஸ்ரேயா எண்ணெய் தேய்த்து நளதீர்த்த குளத்தில் குளித்தார். சூட்டிங்கிற்கு ரஜினி வந்திருப்பதாக தகவல் பரவியதால் ரசிகர்கள் திரண்டு விட்டனர். இதனால் பரபரப்பு ஏற்பட்டது.

பிப்ரவரி

122007 : தனது வீட்டில் வருமான வரி ரெய்டு நடத்த காரணம் முதல்வர் கருணாநிதிதான் என்று பேட்டியளித்த விஜயகாந்த் மீது தி.மு.க. சார்பில் அவதூறு வழக்கு தொடரப்பட்டது.

222007 : பத்மஸ்ரீ விருது பெற்ற கவிஞர் வாலி, அந்த விருதுடன் முதல்வர் கருணாநிதியை சந்தித்து ஆசி பெற்றார்.

322007 : தமிழ் திரைப்பட விருது தேர்வுக்குழுவின் முதல் கூட்டம் சென்னையில் நடந்தது.

522007 : கிரீடம் பட சூட்டிங் விசாகப்பட்டினத்தில் நடந்தது. சண்டைக்காட்சியில் நடித்த நடிகர் அஜித்தின் முதுகில் பலமான அடிபட்டது. இதை<யடுத்து அவர் படப்படிப்பு ரத்து செய்யப்பட்டது

* காரில் சென்றபோது நடிகை கிரண் விபத்தில் சிக்கினார். அவரது கை எலும்பில் முறிவு ஏற்பட்டது. 20 தை<யல்கள் போடப்பட்டன.

1522007 : ரஜினிகாந்த் நடித்த சிவாஜி படத்தின் படப்பிடிப்பு முடிந்தது. அமெரிக்காவில் நடந்த இறுதிக்கட்ட படப்பிடிப்பில் பங்கேற்ற ரஜினி சென்னை திரும்பினார்.

2122007 : டைரக்டர் அமீர் இ<யக்கி<ய பருத்திவீரன் படத்தின் சிறப்பு காட்சியை முதல்வர் கருணாநிதி பார்த்தார். அவர் புதுமுக நடிகர் கார்த்தியை பாராட்டினார்.

2222007 : மகாத்மா காந்தியின் கொள்ளு பேரன் துஷார்காந்தி எழுதி<ய லெட்ஸ் கில் காந்தி என்ற நூலை நடிகர் கமல்ஹாசன் வெளியிட்டார்.

மார்ச்

0232007 : பெண்ணுக்கு கொலை மிரட்டல் விடுத்ததாக தொடரப்பட்ட வழக்கில் நடிகை தேவிபிரியா மற்றும் அவரது காதலன் ஐசக்குடன் சைதாப்பேட்டை கோர்ட்டில் சரண் அடைந்தனர்.

0732007 : முதல்வர் கருணாநிதியை அவதூறாக பேசியதாக தொடரப்பட்ட வழக்கில் தே.மு.தி.க. தலைவர் விஜயகாந்த் எழும்பூர் கோர்ட்டில் ஆஜரானார்.

1632007 : கணவர் முகேஷிடம் இருந்து விவாகரத்து கேட்டு விண்ணப்பித்திருந்த நடிகை சரிதா குடும்ப நல கோர்ட்டில் ஆஜரானார்.

2532006 : தசாவதாரம் படப்பிடிப்பில் ரஜினிகமல் இருவரும் சந்தித்தார்கள். சுமார் ஒரு மணிநேரம் அவர்கள் இருவரும் பேசிக்கொண்டிருந்தார்கள்.

2632007 : சென்னை குடும்ப நல கோர்ட்டில் நடிகர் முகேஷ்சரிதா இருவரும் ஆஜரானார்கள். ஏப்ரல் 23ந் தேதி அவர்கள் இருவரும் மீண்டும் ஆஜராகும்படி நீதிபதி உத்தரவிட்டார்.

2832007 : ஒன்றரை மாதங்களாக காணாமல் போயிருந்த நடிகை ப்ரீத்திவர்மா சென்னை எழும்பூர் நீதிமன்றத்தில் ஆஜரானார். பெற்றோர் விபசாரத்தில் ஈடுபடுத்த முயன்றதால் வீட்டை விட்டு சென்றதாக அவர் தெரிவித்தார்.

* தசாவதாரம் படத்துக்கு விதிக்கப்பட்ட தடையை நீக்கக் கோரி, சென்னை ஐகோர்ட்டில் நடிகர் கமல் பதில் மனு தாக்கல் செய்தார்.

ஏப்ரல்

01042007 : இயக்குனர் சங்கர் தயாரித்த வெயில் திரைப்படம் கேன்ஸ் உலக திரைப்பட விழாவில் திரையிட தேர்வு செய்யப்பட்டது.

09042007 : :நடிகை மும்தாஜ் நடித்த மோனிஷா என் மோனலிசா படத்துக்காக வழங்கப்பட்ட உத்தரவாதப்படி ரூ.31 லட்சத்தை தர தயாரிப்பாளர் விஜய ராஜேந்தருக்கு உத்தரவிட கோரி சென்னை ஐகோர்ட்டில் மனு தாக்கல் செய்யப்பட்டது.

10042007 : :நடிகர் கமலஹாசன் நடிக்கும் தசாவதாரம் படத்துக்கு விதிக்கப்பட்ட தடையை சென்னை ஐகோர்ட் நீக்கியது.

19042007 : டப்பிங் பேச நடிகர் தனுஷ் மறுத்ததால் பரட்டை என்கிற அழகுசுந்தரம் படம் மீண்டும் சர்ச்சையில் சிக்கியுள்ளது.

2042007 : முன்னாள் உலக அழகியும் நடிகையுமான ஐஸ்வர்யா ராய்க்கும், பிரபல இந்தி நடிகர் அமிதாப் பச்சனின் மகன் அபிஷேக் பச்சனுக்கும் மும்பையில் திருமணம் நடந்தது.

* பரட்டை என்கிற அழகுசுந்தரம் பட நிறுவனம் தரவேண்டிய சம்பள பாக்கித் தொகையை கேட்டு சென்னை சிவில் கோர்ட்டில் நடிகர் தனுஷ் மனு தாக்கல் செய்தார்.

21042007 : சம்பள பாக்கித் தொகை கேட்டு கோர்ட்டில் தாக்கல் செய்த மனுவை நடிகர் தனுஷ் வாபஸ் பெற்றார்.

2442007 : நடிகர் சூர்யாவை காதலித்து திருமணம் செய்துகொண்ட நடிகை ஜோதிகாவுக்கு வளைகாப்பு நிகழ்ச்சி நடந்தது.

27042007 : அருணாசலம் படத்துக்கு பிறகு ரசிகர்களை நேரில் சந்திக்காமல் இருந்த ரஜினி, திடீரென ரசிகர் மன்ற நிர்வாகிகளை சென்னையில் சந்தித்தார். ரஜினியுடன் அவர்கள் போட்டோ எடுத்துக் கொண்டனர்.

மே

02122007 : பொது மேடையில் ஹாலிவுட் நடிகர் ரிச்சர்டு கியர் முத்தமிட்டு சர்ச்சை ஏற்படுத்திய விவகாரம் தொடர்பாக கோர்ட்டில் ஆஜராகுமாறு நடிகை ஷில்பா ஷெட்டிக்கு சம்மன் அனுப்பப்பட்டது.

0652007 : தமிழக முதல்வர் கருணாநிதி தலைமையில் கவிஞர் பா.விஜய் எழுதி<ய பத்து நூல்கள் வெளியிடப்பட்டன.

09052007 : விவாகரத்து வழக்கு தொடர்பாக நடிகர் பிரசாந்த், கிரகலட்சுமி இருவரும் வரும் 30ம் தேதி ஆஜராக சென்னை முதன்மை செசன்ஸ் கோர்ட் உத்தரவிட்டது.

10052007 : நடிகர்கள் சிம்பு, ஜெயம் ரவி, நடிகைகள் த்ரிஷா, நவ்யா நாயர், கவிஞர் பா.விஜய் உட்பட 60 பேருக்கு தமிழக அரசின் கலைமாமணி விருது அறிவிக்கப்பட்டது.

14052007 : முத்தம் தொடர்பாக பாலிவுட் நடிகை ஷில்பா ஷெட்டிக்கு எதிராக தொடரப்பட்ட வழக்குகளுக்கு சுப்ரீம் கோர்ட் தடை விதித்தது.

17052007 : போலி பாஸ்போர்ட் வழக்கில் கைது செய்யப்பட்ட பாலிவுட் நடிகை மோனிகா பேடிக்கு சுப்ரீம் கோர்ட் ஜாமீன் வழங்கியது.

18052007 : வீட்டின் முன் சிலர் டீக்கடை நடத்தி இடையூறு செய்வதாக நடிகை ஷோபனா சென்னை போலீஸ் கமிஷனரை சந்தித்து புகார் அளித்தார்.

21052007 : சிவாஜி படத்தில் ஸ்ரேயாவின் கவர்ச்சி நடன காட்சியையும் விவேக்கின் இரட்டை அர்த்த வசன காட்சியையும் சென்சார் போர்டு அதிகாரிகள் கட் செய்தனர்.

22052007 : நடிகை ராதிகா தமிழக முதல்வர் கருணாநிதியை அவரது இல்லத்தில் சந்தித்தார். தனது தந்தை எம்.ஆர்.ராதாவின் நூற்றாண்டு விழாவில் கலந்து கொள்ள வேண்டும் என்று அப்போது முதல்வருக்கு ராதிகா அழைப்பு விடுத்தார்.

28052007 : ரஜினி நடித்த சிவாஜி படத்தின் டி.வி. உரிமை மூன்று வருடங்களுக்கு பிறகு ஒளிபரப்ப வேண்டும் என்ற ஒப்பந்தத்தின் அடிப்படையில் கலைஞர் டிவி’க்கு விற்கப்பட்டிருப்பதாக ஏவி.எம்.சரவணன் தெரிவித்தார்.

ஜுன்

0562007 : வருமான வரித்துறை சார்பில் நடிகை வெண்ணிறாடை நிர்மலா மீது தொடரப்பட்ட வழக்கில் அவர் விடுதலை செய்<யப்பட்டார். ஆனால் அவருக்கு அபராதமாக 4 லட்சத்து 65 ஆயிரம் விதிக்கப்பட்டது.

* சிவாஜி படத்துக்கு முழு வரி விலக்கு அளித்து தமிழக அரசு உத்தரவிட்டது.

10062007 : நடிகர் ரஜினிகாந்தின் சிவாஜி பட டிக்கெட் முன்பதிவு துவங்கியது. முதல் நாளிலேயே ஒரு வாரத்திற்கான டிக்கெட்கள் அனைத்தும் முன்பதிவாயின.

* தமிழக முதல்வர் கருணாநிதி தன் குடும்பத்தினருடன் ரஜினி நடித்த சிவாஜி படத்தின் சிறப்பு காட்சியை பார்த்து ரசித்தார். ஏ.வி.எம். ஸ்டுடியோவில் உள்ள திரை<யரங்கத்தில் இந்த படம் திரையிடப்பட்டது.

13062007 : அழகிய தமிழ் மகன் படத்துக்கு விதிக்கப்பட்ட தடையை சென்னை ஐகோர்ட் நீக்கியது.

14062007 : ஐதராபாத்தில் இருந்து சென்னை வந்த நடிகர் ரஜினி விமான நிலையத்தில் அளித்த பேட்டியின்போது சொன்னா அதிருதுல்ல என்று சிவாஜி பட வசனத்தை பேசி காட்டி அசத்தினார்.

15062007 : இரண்டு ஆண்டுகள் இடைவெளிக்கு பிறகு ரஜினிகாந்த் நடித்த சிவாஜி திரைப்படம் உலகம் முழுவதும் ரீலிஸ் ஆனது. படத்தை பார்க்க ஏராளமான ரசிகர்கள் திரண்டனர். ரஜினி கட்அவுட்டுக்கு பீர், பால் அபிஷேகம் செய்து மகிழ்ந்தனர். ஆந்திராவில் 350 தியேட்டர்களில் படம் திரையிடப்பட்டது. மதுரையில் மட்டும் தியேட்டர் பிரச்னையால் சிவாஜியை திரையிட கோர்ட் தடை விதித்தது.

* நானும் வந்தனாவும் பதிவு திருமணம் செய்து கொண்டாலும், கணவன்மனைவியாக வாழ்ந்தது கிடையாது. இப்பிரச்னையை சட்டப்படி சந்திப்பேன் என நடிகர் ஸ்ரீகாந்த் சென்னையில் நிருபர்களிடம் தெரிவித்தார்.

* எனது மனைவி ஏற்கனவே திருமணமானவள். திருமணமான பெண்ணை ஏமாற்றி என் தலையில் கட்டி விட்டனர், என நடிகர் பிரசாந்த் தனது மனைவி கிரகலட்சுமி மீது திடுக்கிடும் புகார் தெரிவித்தார்,

19062007 : :மதுரையில் சிவாஜி சினிமாவை கூடுதல் தியேட்டர்களில் வெளியிடக் கூடாது எனக் கோரி முதன்மை சப் கோர்ட்டில் தொடரப்பட்ட வழக்கு வாபஸ் பெறப்பட்டது.

* செக்ஸ் விழிப்புணர்வு குறித்து அரசின் கருத்துகளையே நான் தெரிவித்தேன். அரசியல் கட்சிகள் மூலம் எனக்கு அநீதி இழைக்கப்பட்டு விட்டது என சென்னையில் நடந்த நிகழ்ச்சியொன்றில் நடிகை குஷ்பூ பேசினார்.

* நீதித் துறையை விமர்சித்ததற்காக பகிரங்க மன்னிப்பு கேட்காவிட்டால் கோர்ட் அவமதிப்பு வழக்கு தொடரப்படும் என நடிகை குஷ்புக்கு வக்கீல் நோட்டீஸ் அனுப்பப்பட்டது.

2062007 : நடிகர் ஸ்ரீகாந்த்வந்தனா திருமண பிரச்சனையில் ஸ்ரீகாந்த், வந்தனா ஆகியோருக்கு முன் ஜாமீன் வழங்கப்பட்டது. ஸ்ரீகாந்த்தின் பாஸ்போர்ட்டை நீதிமன்றத்தில் ஒப்படைக்கும்படி நீதிபதி உத்தரவிட்டார்.

23062007 : திருமணம் செய்ய நினைப்பவர்கள் முன்கூட்டியே நன்றாக விசாரித்து அதன்பிறகு திருமணம் செய்யுங்கள். இல்லாவிடில் எனக்கு ஏற்பட்ட நிலைமைதான் ஏற்படும் என்று சென்னையில் நடந்த நிழ்ச்சியில் பேசிய நடிகர் பிரசாந்த் அறிவுரை கூறினார்.

24062007 : தென்னிந்திய சின்னத்திரை தயாரிப்பாளர் சங்க தலைவராக நடிகை ராதிகா சரத்குமார் ஒரு மனதாக தேர்வு செய்யப்பட்டார்.

25062007 : சந்திரமுகி திரைப்படத்தின் 804வது நாள் வெற்றி விழா சென்னையில் நேற்று நடந்தது. இதில் பங்கேற்று பேசிய முதல்வர் கருணாநிதி, நடிகர் ரஜினி மிகப்பெரிய வெற்றி பெற்று, புகழுடன் விளங்குவதற்கு காரணம் அவருடைய அடக்கம்தான் என்று பாராட்டினார்.

* வாழ்க்கையில் சில நேரங்களில் செவிடர்களாக இருக்க வேண்டும். அப்போதுதான் வெற்றி பெற முடியும். இல்லையென்றால் வாழ்க்கை வீணாகி விடும், என்று சந்திரமுகி விழாவில் நடிகர் ரஜினி பேசினார்.

ஜீலை

13072007 : பாடகர் டி.எம்.சௌந்தர்ராஜனுக்கு கலை மற்றும் கலாச்சார விழாவில் எம்.எஸ்.விஸ்வநாதன் விருது அளிக்கப்பட்டது.

26072007 : சினிமாதுறையில் பெண்களுக்கு ஏற்படும் பாலி<யல் கொடுமைகளை தடுக்க பாதுகாப்பு குழு அமைக்க இருப்பதாக அனைத்திந்தி<ய ஜனநா<யக மாதர் சங்கம் அறிவித்தது.

30072007 : டில்லியில் நடந்த திரைப்பட விழாவில் சிறந்த திரைப்படத்துக்கான விருது பருத்திவீரனுக்கும், சிறந்த நடிகைக்கான விருது ப்ரியாமணிக்கும் கிடைத்தது.

ஆகஸ்ட்

02082007 : ஆந்திர தொழிலதிபரை மயக்கி வலையில் விழ வைத்து ஆபாச படம் எடுத்து ரூ.10 கோடி கேட்டு மிரட்டிய நடிகை பத்மா உள்ளிட்ட நான்கு பேரை போலீசார் கைது செய்தனர்.

03122007 : கோர்ட்டில் தாக்கல் செய்யப்பட்ட தசாவதாரம் படத்தின் கதை தொடர்பாக நடிகர் கமலும், தயாரிப்பாளரும் பிரமாணப் பத்திரம் தாக்கல் செய்ய வேண்டும் என சென்னை ஐகோர்ட் உத்தரவிட்டுள்ளது.

08082007 : பெரியார் திரைப்பட 100வது நாள் விழா கலைவானர் அரங்கில் முதலமைச்சர் கருணாநிதி தலைமையில் நடைப்பெற்றது.

* நடிகர் ரஜினி நடித்து வெளியாகிய சிவாஜி படத்தை டப்பிங் செய்யவும், பிற மொழிகளில் எடுக்கவும் தடை விதிக்கக் கோரி சென்னை சிட்டி சிவில் நீதிமன்றத்தில் வழக்கு தொடரப்பட்டது.

10082007 : நடிகை ஜோதிகாவுக்கு அழகான பெண் குழந்தை பிறந்தது.

13082007 : நடிகர் ஸ்ரீகாந்த்  வந்தனா இடையே சமரசம் ஏற்பட்டதை தொடர்ந்து இருவரும் சேர்ந்து வாழ முடிவு எடுத்தனர்.

18082007 : செங்கல்பட்டு அருகேயுள்ள பாலூர் அரசு ஆதிதிராவிடர் நலப்பள்ளியை நடிகர் சூர்யா தத்தெடுத்தார்.

22082007 : தமிழில் பெ<யர் கொண்ட கோரிக்கை வரி விலக்கு அளிக்கப்பட்டது. தமிழ்திரைப்பட பெ<யர்களை ஆரா<ய தமிழக அரசின் சார்பில் குழு அமைக்கப்பட்டது.

* நடிகர் சரத்குமார் அகில இந்தி<ய சமத்துவ மக்கள் கட்சியை துவங்கினார்.

24082007 : தேசிய கீதத்தை அவமதித்ததாக இசையமைப்பாளர் ஏ.ஆர்.ரகுமானுக்கு எதிராக தொடரப்பட்ட வழக்கை சென்னை ஐகோர்ட் தள்ளுபடி செய்தது.

* சாதனையாளர்களாக தேர்ந்தெடுக்கப்பட்ட நடிகை மனோரமா, கர்நாடக இசைப் பாடகி சுதா ரகுநாதன் உட்பட 9 பேருக்கு ராஜிவ்காந்தி, மூப்பனார் நினைவு விருதுகள் வழங்கப்பட்டன.

28082007 : பைனான்சியர் மாதேஷ் வழக்கு தொடர்ந்ததையடுத்து டைரக்டர் லிங்குசாமி இயக்கத்தில் நடிகர் விக்ரம், த்ரிஷா நடிக்கும் பீமா படத்தை திரையிட சென்னை ஐகோர்ட் இடைக்கால தடை விதிக்கப்பட்டது.

செப்டம்பர்

04092007 : நடிகை லட்சுமியின் தாயார் நடிகை ருக்மணி தனது 84வது வயதில் காலமானார்.

06092007 : சொந்த கட்சி துவங்கி<யதைத் தொடர்ந்து நடிகர் சங்க தலைவர் பதவியை சரத்குமார் ராஜினாமா செய்தார்.

07092007 : பருத்திவீரன் பட வழக்கிலிருந்து நடிகர்கள் சிவகுமார், சூர்யா, கார்த்தி ஆகியோர் விடுவிக்கப்பட்டனர்.

* நடிகர் ஸ்ரீகாந்த்  வந்தனா திருமண வரவேற்பு சென்னையில் நடந்தது.

10092007 : சிவாஜி திரைப்பட வெற்றிக்காக நடிகர் ரஜினிகாந்த் திருப்பதி ஏழுமலையான் கோயிலில் தரிசனம் செய்தார்.

15092007 : தமிழக முதல்வர் கருணாநிதியின் கலைஞர் டிவி ஒளிபரப்பை துவங்கி<யது.

17092007 : மோசர் ப<யர் நிறுவனம் தமிழகத்தில் ரூ.2000 கோடி செலவில் டிவிடி தயாரிக்கும் தொழிற்சாலை நிறுவவிருப்பதாக அறிவித்தது.

21092007 : தமிழ் எம்.ஏ திரைப்பட பாடல் உரிமையை எடுத்த நிறுவனம் வணிகப் படுத்தாததை கண்டித்து சென்னையில் போராட்டம் நடந்தது.

அக்டோபர்

02102007 : பெரியார் திரைப்படத்தை தொடர்ந்து திருப்பூர் குமரன் திரைப்படத்திற்கும் அரசு சலுகைகள் அளிக்கப்பட வேண்டுமென கோரிக்கை விடுக்கப்பட்டது.

06102007 : :நடிகர் ஆர்யா நடித்த, ஓரம்போ படத்தை வெளியிட சென்னை சிவில் கோர்ட் இடைக்கால தடை விதித்தது.

16102007 : தமிழக அரசின் திரைப்பட விருதுகளை முதல்வர் கருணாநிதி வழங்கினார். சிறந்த நடிகருக்கான விருது ரஜினிக்கு வழங்கப்பட்டது.

17102007 : கதாநாயகி பத்மப்பிரியாவின் கன்னத்தில் டைரக்டர் சாமி அறைந்தால் நிறுத்தப்பட்ட மிருகம் படத்தின் படப்பிடிப்பு மீண்டும் துவங்கியது.

21102007 : நடிகை பூமிகா தன் காதலன் யோகா மாஸ்டர் பரத் தாகூரை திருமணம் செய்தார்.

* கலைஞர் வெள்ளித்திரை நிறுவனம் தயாரிக்கும் தாய்காவி<யம் திரைப்பட விழாவில் முதல்வர் கருணாநிதி கலந்து கொண்டார். திரைப்பட பாடலாசிரி<யர் பா.விஜய் இத்திரைப்படத்தில் கதாநா<யகனாக நடிக்கிறார்.

23102007 : ஸ்டண்ட் மாஸ்டர் கனல்கண்ணன் தன் எதிர்வீட்டில் நாயை சுட்டுக்கொன்றதாக சென்னை மதுரவாயல் காவல் நிலை<யத்தில் புகார் செய்<யப்பட்டது.

27102007 : எம்.ஜி.ஆரின் அடிமைப்பெண் திரைப்படத்திற்கு தடையை நீக்கி சென்னை நீதிமன்றம் உத்தரவு பிறப்பித்ததால் படம் ரிலீஸானது.

நவம்பர்

01112007 : தனியார் பல்கலைக்கழகங்கள் நடிகர் , நடிகைகளுக்கு கவுரவ டாக்டர் பட்டம் வழங்கி பல்கலைக்கழக கல்வியின் கவுரவத்தை குறைத்துவிட்டார் என தமிழக உ<யர்கல்வி மன்ற துணைத்தலைவர் ராமசாமி தெரிவித்தார்.

* நடிகை ஐஸ்வர்யாராய் தன் பிறந்த தினத்தை ஆக்ராவிலுள்ள தாஜ்மஹாலில் கொண்டாடினார்.

02112007 : நடிகர்திலகம் சிவாஜிகணேசன் மனைவி கமலாம்மாள் சென்னையில் காலமானார்.

03112007 : பாலிவுட் நடிகை மோனிகாபேடி மீண்டும் சினிமாவில் நடிப்பதற்கு சுப்ரீம் கோர்ட் அனுமதி வழங்கியது.

* சிவாஜிகணேசன் மனைவி கமலாம்மாள் உடல் தகனம் நடந்தது. இறுதி ஊர்வலத்தில் ஏராளமான நடிகர், நடிகைகள் கலந்துகொண்டனர்.

07122007 : தசாவதாரம் கதை குறித்த உதவி இயக்குனரின் புகாரை போலீசார் விசாரணை நடத்தி அறிக்கை சமர்ப்பிக்க வேண்டும் என்று தாம்பரம் மாஜிஸ்திரேட் கோர்ட் உத்தரவிட்டது.

09112007 : திரைப்படத்துறையை வளர்க்க தங்கர்பச்சனின் 9 ரூபாய் நோட்டு திரைப்படம் தமிழகம் முழுவதும் காலை 11 மணி காட்சி இலவசமாக திரையிடப்பட்டது.

12112007 : நடிகர் பிரபுதேவாவின் தம்பியும், நடிகருமான நாகேந்திர பிரசாத்துக்கும், மைசூரை சேர்ந்த ஹேமலதாவுக்கும் திருமண வரவேற்பு நிகழ்ச்சி சென்னையில் நடந்தது.

14122007 : சென்னை வளசரவாக்கம் ஒயிட் அவுசில் நடந்த அரசாங்கர் பட சூட்டிங்கின்போது தே.மு.தி.க., தலைவர் விஜயகாந்த்திடம் பொதுமக்கள் கோரிக்கை மனு கொடுத்தனர்.

15112007 : காமெடி நடிகர் பாண்டு மகன் பிரபுவுக்கும் பிரி<யதர்ஷினிக்கும் கோவையில் திருமணம் நடந்தது.

17112007 : நடிகரும், அகில இந்திய சமத்துவ மக்கள் கட்சித் தலைவருமான சரத்குமார் தனது மனைவி ராதிகாவுடன் திருப்பதியில் சாமி கும்பிட்டார்.

19112007 : ஆஸ்திரேலி<ய பட விழாவில் தமிழக படத்துக்கு முதல் பரிசு.

21112007 : நடிகர் ஜீவா சுப்ரியா திருமணம் டில்லியில் நடந்தது.

* நடிகை ஆர்த்தி அகர்வால், அவரது உறவினர் உஜ்வல் குமார் திருமணம் ஐதராபாத்தில் நடந்தது.

23112007 : திருநள்ளாறு சனீஸ்வரர் கோவிலில் நடிகர் அர்ஜூன், குடும்பத்துடன் சுவாமி தரிசனம் செய்தார். மனைவியுடன் மாலை மாற்றி தோஷ நிவர்த்தி செய்தார்.

* நடிகர் கமலஹாசனின் மூத்த மகள் ஸ்ருதி, நடிகர் மாதவனுடன் புதிய படத்தில் நடிக்க சம்மதம் தெரிவித்தார்.

28112007 : வல்லமை தாராயே பட பூஜையின்போது இந்து தெய்வங்களை அவமதித்த நடிகை குஷ்பு மீது குற்ற நடவடிக்கை எடுக்கக்கோரி இந்து முன்னணியினர் கோர்ட்டில் மனு தாக்கல் செய்தனர்.

டிசம்பர்

01122007 : நடிகர் ஜீவா திருமண வரவேற்பு நிகழ்ச்சி சென்னையில் நடந்தது. முதல்வர் கருணாநிதி நேரில் சென்று வாழ்த்தினார்.

05122007 : ஆபாசமாக படத்தை வெளியிட்டதாக மேக்ஸிம் பத்திரிகைக்கு எதிராக நடிகை குஷ்பு அளித்த புகாரின் அடிப்படையில் தொடரப்பட்ட வழக்கு விசாரணைக்கு ஐகோர்ட் இடைக்கால தடை விதித்தது.

06122007 : விவாகரத்து தொடர்பாக நடிகை காவேரியும், கேமராமேன் வைத்தியும் இரண்டாவது கட்டப் பேச்சு வார்த்தை நடத்த சென்னையில் உள்ள தமிழ்நாடு சமரச தீர்வு மையத்தில் ஆஜராகினர்.

* கிரகலட்சுமிக்கு ஏற்கனவே திருமணம் நடந்ததற்கான 18 ஆவணங்களை நடிகர் பிரசாந்த் கோர்ட்டில் தாக்கல் செய்தார்.

12122007 : ரஜினியின் 58வது பிறந்த நாள் விழா தமிழகம் முழுவதும் கொண்டாடப்பட்டது. முதல்வர் கருணாநிதி தொலைபேசி மூலம் ரஜினிக்கு வாழ்த்து தெரிவித்தார்.

14122007 : ரஜினிகாந்த் நடித்து, 1980களில் சக்கை போடு போட்ட பில்லா படத்தின் ரீமேக் அஜித் நடிப்பில் வெளியானது. ஹாலிவுட் ஸ்டைலில் எடுக்கப்பட்ட இந்த படத்தில் நயன்தாரா முதன் முறையாக நீச்சல் உடையில் நடித்து அசத்தினார்.

ஐந்தாவது சென்னை உலகத் திரைப்பட விழா சென்னையில் துவங்கியது. இதில் 42 நாடுகளை சேர்ந்த 126 படங்கள் திரையிடப்பட்டன.

17122007 : நடிகர் பிரசாந்தின் மனைவி கிரகலட்சுமியிடம் இருந்து விவாகரத்து கேட்டு அவரது முதல் கணவர் நாராயணன் வேணுபிரசாத் தாக்கல் செய்த மனு விசாரணை, பிப்ரவரி 6ம் தேதிக்கு தள்ளி வைக்கப்பட்டது.

20122007 : நேரம் கிடைத்து, கால்ஷீட் ஒத்து வந்தால் தமிழ் படங்களில் நடிக்க ஆவலுடன் இருக்கிறேன் என்று சென்னை வந்த பாலிவுட் நடிகை ஐஸ்வர்யா ராய் தெரிவித்தார்.

21122007 : கோலாலம்பூரில் தமிழ் சினிமா 75 என்ற பெயரில் சினிமா நட்சத்திரங்கள் பங்கேற்ற கலைநிகழ்ச்சி நடந்தது.

23122007 : சிங்கப்பூரில் தமிழ் சினிமா நட்சத்திரங்களின் கலைநிகழ்ச்சி நடந்தது.

Tamil Cinema 2007 – Top Films, Movies, Flashback, Stars: Dinamalar

Tamil Cinema 2007 – Top Films, Notable Movies, Flashback, Star Actors: Dinamani Manoj Krishna

சண்டே சினிமா

ஃப்ளாஷ் பேக் 2007

மனோஜ்கிருஷ்ணா

தமிழ் சினிமாவைப் பொருத்தவரை 2007-ம் வருடம், ஒரு கொண்டாட்ட வருடம். ஒரு மினி ஃப்ளாஷ்பேக்…     

2007-ம் ஆண்டில் 10 மொழி மாற்றுப் படங்கள் உள்பட சுமார் 107 தமிழ்ப் படங்கள் வெளியாகின. அவற்றில் 100 நாள்களைத் தாண்டிய 11 படங்களில் சில, ரசிகர்களாலும் சில, சம்பந்தப்பட்ட நடிகர்களாலும் திரையரங்குகளாலும் ஓட்டப்பட்டுள்ளன. 50 க்கும் மேற்பட்ட படங்கள் 50 நாள்களைக் கடந்து தயாரிப்பாளர்களுக்கும் நடிகர்களுக்கும் மினிமம் கியாரண்டி தந்தன.

உச்ச நட்சத்திரம்!

2007-ம் ஆண்டில் மிகப் பெரும் எதிர்பார்ப்பை உருவாக்கிய படம் ரஜினிகாந்தின் “சிவாஜி’. காஸ்ட்யூம், ஸ்டைல் என பல அம்சங்களில் ரஜினிகாந்த் மிக அழகாகத் தோற்றமளித்தப் படங்களில் இதுவும் ஒன்று. பல சர்ச்சைகளுக்கு மத்தியில் வெளிவந்த இந்தப் படம், இதுவரை தமிழ் சினிமாவில் மிக அதிக விலைக்கு விற்பனையான திரைப்படம் என்ற புகழைப் பெற்றது. இதுவரை இல்லாத அளவுக்கு அதிகத் திரையரங்குகளில் வெளியிடப்பட்ட படமும் இதுதான். “சிவாஜி’க்கு வெற்றியா அல்லது வீரமரணமா என்பது இன்னும் மர்மமாகவே உள்ளது.

உலக நட்சத்திரம்!

2007-ம் ஆண்டில் மிகவும் எதிர்பார்க்கப்பட்ட இன்னொரு படம் கமல்ஹாசனின் “தசாவதாரம்’. தமிழ் சினிமாவின் மிகப் பெரிய பட்ஜெட் படமும் இதுவே (சுமார் 70 கோடி). ஆனால் உலகத் தரத்திலான “பெர்ஃபெக்ஷன்’ இருக்க வேண்டும் என்பதற்காக படத்தின் வேலைகள் நீடித்து படம் வெளியாகவில்லை. ஒரு தமிழ் நடிகர் முதல்முறையாக 10 வித்தியாசமான வேடங்களில் நடிக்கும் இந்தப் படத்தைப் பற்றிய எதிர்பார்ப்பு இன்னும் நீடிக்கிறது. 14 மொழிகளில் வெளியாகவுள்ள இந்தப் படத்தின் வியாபாரமும் பெரிய அளவில் பேசப்பட்டு வருகிறது.

சிறப்பு நட்சத்திரம்!

“அடாவடி’, “பெரியார்’, “கண்ணாமூச்சி ஏனடா’, “ஒன்பது ரூபாய் நோட்டு’ என நான்கு படங்களிலும் வித்தியாசமாக நடித்து 2007-ம் ஆண்டில் அதிகப் படங்களில் கதாநாயகனாக நடித்தவர் என்ற பெயரைப் பெறுகிறார் சத்யராஜ். குறிப்பாக, “பெரியார்’, “ஒன்பது ரூபாய் நோட்டு’ படங்களுக்காக விருது பெற்றால் அது செய்தியல்ல; பெறாவிட்டால்தான் அது செய்தி.

சிரிப்பு நட்சத்திரம்!

கடந்த சில ஆண்டுகள் போலவே 2007-ம் ஆண்டும் அதிகப் படங்களில் நடித்த நகைச்சுவை நாயகன் வடிவேலு. எப்படிப்பட்டக் கதையாக இருந்தாலும் இவருடைய காமெடி தங்களது படத்தில் இடம்பெற்றால் போதும் படம் தப்பித்து விடும் என்று பல முன்னணி நடிகர்களும் தயாரிப்பாளர்களும் நம்பிக்கை வைத்துள்ளனர். இவருடைய கால்ஷீட் கிடைக்காததால் பல படங்களின் படப்பிடிப்பையே தள்ளி வைக்கும் அளவுக்கு 2007-ல் பிஸியாக இருந்தவர்.

நம்பிக்கை நட்சத்திரம்!

கணேசனுக்குப் பிறகு மிகப் பெரிய அளவில் வரவேற்பைப் பெற்ற ஓர் அறிமுக நடிகர் இவராகத்தான் இருக்கும். இவர் கார்த்தி. அமீரின் இயக்கத்தில் இவர் அறிமுகமான “பருத்தி வீரன்’ படத்தின் விஸ்வரூப வெற்றி இவருடைய அடுத்த படத்தைப் பற்றிய எதிர்பார்ப்பை அதிகரித்துள்ளது. 375 நாள்களை நோக்கி (சென்னையில்) ஓடிக்கொண்டிருக்கும் “பருத்தி வீரன்’ மெகா ஹிட்டுக்குப் பிறகு அவருக்கு வந்த பல பட வாய்ப்புகளை ஏற்றுக்கொள்ளாமல் உரிய கதையைத் தேர்ந்தெடுத்து நடித்துக்கொண்டிருப்பது தமிழ் சினிமாவில் அவருக்கென ஒரு நிரந்தர இடத்தைப் பிடிப்பார் என்ற நம்பிக்கையை அளிக்கிறது.

தொடர் நட்சத்திரம்!

2007-ம் ஆண்டு “ஆழ்வார்;, “கிரீடம்’, “பில்லா’ என மூன்று படங்களில் நடித்துள்ளார் அஜித். முதலாவது தோல்வியையும் இரண்டாவது மினிமம் கியாரண்டியையும் மூன்றாவது அவருக்குரிய மார்க்கெட்டையும் ஓபனிங்கையும் தொடர்ந்து தக்க வைத்துக்கொள்ளுமளவுக்கான வெற்றியையும் அடைந்துள்ளது.

சுடர் நட்சத்திரம்!

“போக்கிரி’, “அழகிய தமிழ்மகன்’ என 2007-ல் இரண்டு படங்களில் நடித்துள்ளார் விஜய். முதலாவது வெற்றியையும் இரண்டாவது ஓரளவே வரவேற்பையும் பெற்றுள்ளன. தயாரிப்பாளர்கள் விரும்பும் கமர்ஷியல் ஹீரோவாகத் திரையுலகில் தொடர்ந்து நீடித்துக்கொண்டிருப்பது அவருடைய பலம்.

துருவ நட்சத்திரம்!

“கற்றது தமிழ்’, “ராமேஸ்வரம்’ படங்களில் வித்தியாசமாக நடித்து பலருடைய பாராட்டுகளைப் பெற்றுள்ள ஜீவா, புதிய முயற்சிகளுக்கு அளிக்கும் ஆதரவைப் பாராட்டலாம். கமர்ஷியல் ஹீரோவாக வரவேண்டும் என்று கங்கணம் கட்டிக்கொண்டிருப்பவர்களின் பாணியைப் பின்பற்றாமல் தனக்கென ஒரு பாணியைத் தேர்ந்தெடுத்து வித்தியாசமான இளம் நடிகராகத் திகழ்கிறார்.

ஒளிர் நட்சத்திரம்!’

வில்லன், குணச்சிர நாயகன் என 2007-ல் ஏழு படங்களில் நடித்துள்ள பிரகாஷ்ராஜ், தான் தயாரிக்கும் படங்களின் மூலமாகவும் ரசிகர்களின் எதிர்பார்ப்புக்குரியவராக இருக்கிறார். பெரும்பாலான படங்களின் வெற்றிக்கு இவருடைய பங்களிப்பும் ஒரு காரணம். சினிமாவை நேசிக்கும் இவர், கமல்ஹாசன் போலவே தான் சம்பாதிக்கும் பணத்தைத் திரைப்படத் துறையில் முதலீடு செய்வது வரவேற்கத்தக்க சிறப்பான விஷயம்.

பெண் நட்சத்திரம்!

2007-ம் ஆண்டின் மிகச் சிறந்த நடிகை என்று ஜோதிகாவைக் குறிப்பிடலாம். “மொழி’ படத்தில் வாய் பேச இயலாத காது கேட்கும் திறன் அற்ற பெண்ணாக வந்து தன்னுடைய கண்களாலும் முகபாவனைகளாலும் அபாரமான நடிப்புத் திறனை வெளிக்காட்டியவர். திருமணத்துக்குப் பிறகு நடிக்காதது அவருடைய சொந்த விருப்பம் என்றாலும் அவரை என்றும் ஆதரிக்க ரசிகர்கள் தயாராக இருக்கும் அளவுக்கு தன்னுடைய கடைசிப் படத்தில் கலைக்கு மரியாதை செய்திருக்கிறார்.

வெள்ளி நட்சத்திரங்கள்!

விஷால் “தாமிரபரணி’, “மலைக்கோட்டை’ என இரண்டு வெற்றிப் படங்களில் நடித்து கமர்ஷியல் ஹீரோ அந்தஸ்தைத் தக்க வைத்துக்கொண்டிருக்கிறார். ஆனால் ஒரே பாணியிலான நடிப்பு, இன்னொருவரைப் போல காப்பியடிக்கும் காட்சிகள் போன்றவற்றைத் தவிர்க்காவிட்டால் திரைத்துறையில் தனித்துவம் காட்ட முடியாது.

சரத்குமார் “பச்சைக்கிளி முத்துச்சரம்’, “நம் நாடு’ அர்ஜுன் “மணிகண்டா’, “மருதமலை’, தனுஷ் “பரட்டை என்கிற அழகுசுந்தரம்’, “பொல்லாதவன்’, பரத் “கூடல் நகர்’, “சென்னைக் காதல்’ என தலா இரண்டு படங்களில் நடித்துள்ளனர்.

சூர்யா “வேல்’ படத்திலும் ஜெயம்ரவி “தீபாவளி’ படத்திலும் நடித்துள்ளனர்.

விக்ரம், சிம்பு ஆகியோர் படங்கள் எதுவும் வெளிவரவில்லை.

கடந்த ஆண்டு “தீபாவளி’, “கூடல்நகர்’, “ஆர்யா’, “ராமேஸ்வரம்’ என நான்கு படங்களில் நடித்து அதிகப் படங்களில் நடித்த கதாநாயகி என்ற பெயரைப் பெறுகிறார் பாவனா. அனைத்துப் படங்களிலும் வழக்கமான நடிப்புதான்.

“போக்கிரி’, “ஆழ்வார்’, “வேல்’ என மூன்று படங்களில் நடித்துள்ளார் அஸின். “வேல்’ படத்தில் சிறப்பான நடிப்பை வெளிப்படுத்தியிருந்தார்.

“சிவாஜி’க்குப் பிறகு ஸ்ரேயாவின் மார்க்கெட் அதிகமாகி, அவரைத் தங்களுடைய படங்களில் நடிக்க வைப்பதற்கு முன்னணி நடிகர்களும் பெரிய தயாரிப்பு நிறுவனங்களும் விரட்டிக்கொண்டிருக்கின்றன. அவர் பாலிவுட், ஹாலிவுட் அதிக சம்பளம் தந்தால் கோலிவுட் என்ற கொள்கையில் இருக்கிறார்.

நமீதா வழக்கம் போல அழகு காட்டி தன்னுடைய மார்க்கெட்டைத் தக்க வைத்திருக்கிறார். “பருத்தி வீரன்’ படத்தில் மிகச் சிறப்பான நடிப்பை வெளிப்படுத்திய ப்ரியாமணிக்கு விருதுகள் காத்திருக்கின்றன. நல்ல கதையை விட்டுவிட்டு நளினமான காஸ்ட்யூம் பக்கம் இவருடைய பார்வை திரும்பியிருக்கிறது. இயக்குநரைப் பொருத்து நடிப்பாற்றலை உயர்த்திக்கொள்ளலாம். “பில்லா’வில் ஹாலிவுட் நடிகைகள் ஏஞ்சலினா ஜோலி, ஹாலே பெர்ரி ஆகியோரைப் போல காஸ்ட்யூமில் முதல்முறையாக அளவுக்கு அதிகமாக க்ளாமர் காட்டியிருக்கிறார் நயன்தாரா. ஒரு சாரார் ரசித்ததை மட்டும் கணக்கில் கொள்ளாமல் இன்னொரு சாரார் முகம் சுளித்தைதயும் கருத்தில் கொள்ளலாம்.

இசை நட்சத்திரங்கள்!

2007-ம் ஆண்டில் 11 படங்களுக்கு இசையமைத்து முன்னணியில் இருக்கிறார் யுவன்ஷங்கர் ராஜா. அனைத்துப் படங்களிலும் ஹிட் பாடல்களைக் கொடுத்திருந்தாலும் மண்வாசனையுடன் கூடிய “பருத்தி வீரன்’ முதலிடத்தைப் பிடிக்கிறது. இவரையடுத்து ஸ்ரீகாந்த் தேவா 9 படங்களுக்கு இசையமைத்துள்ளார். தேவா 8 படங்களிலும் பரத்வாஜ், இமான், சபேஷ்முரளி ஆகியோர் தலா நான்கு படங்களிலும் இசையமைத்துள்ளனர். ஏ.ஆர்.ரஹ்மான் மூன்று படங்களுக்கு ஹிட் பாடல்களைத் தந்துள்ளார். மேடைகளில் இசை நிகழ்ச்சிகள் நடத்தி வரும் பார்வையற்ற இசைக் கலைஞர் கோமகன் “முதல்முதலாய்’ என்ற படத்துக்கு முதல்முறையாக இசையமைத்தது குறிப்பிடத்தக்கது. பிரபல கர்நாடக இசைக் கலைஞர் லால்குடி ஜெயராமன் “சிருங்காரம்’ படத்துக்கு முதல்முறையாக இசையமைத்ததும் குறிப்பிடத்தக்கது.

நட்சத்திரத் திருமணங்கள்

பரபரப்பை ஏற்படுத்திய நடிகர் ஸ்ரீகாந்த் -வந்தனா ஆகியோரின் திருமணம் மட்டுமல்லாமல், திரையுலகை மகிழ்வித்த இன்னும் சில நட்சத்திரத் திருமணங்கள்…

நடிகர் ஜீவா-சுப்ரியா, நடிகை மாளவிகா-சுமேஷ், நடிகை பூமிகா-பரத் தாகூர், பாடகர் விஜய் யேசுதாஸ்-தட்சணா, நடிகர், நடன இயக்குநர் நாகேந்திரபிரசாத்-ஹேமலதா, நடிகர் நரேன்-மஞ்சு ஹரிதாஸ்

உதிர்ந்த நட்சத்திரங்கள்!

2007 உண்மையிலேயே திரையுலகில் மிகப் பெரிய இழப்புகளையும் சந்தித்தது. நடிகர் விஜயன், நடிகை ஸ்ரீவித்யா,நடிகை ஜோதி, நடிகர் குட்டி, இயக்குநர் ஜீவா, நடிகர் ஏ.கே.சுந்தர், இசையமைப்பாளர் எல்.சுப்பிரமணியம், வீன்ஸ் பிக்சர்ஸ் நிறுவனர் கோவிந்தராஜன், விஜயம் கம்பைன்ஸ் பழனிச்சாமி, தயாரிப்பாளர் ஏ.எல்.எஸ்.கண்ணப்பன், நடிகை லட்சுமியின் தாயாரும் பழம்பெரும் நடிகையுமான ருக்மணி, நடன இயக்குநர் வாமன் என்று பல வருடங்கள் ரசிகர்களின் இதய சிம்மாசனத்தில் கோலோச்சிய பலர் உதிர்ந்தனர். திரையுலகம் வருந்தியது.

வால் நட்சத்திரம்…

ஒரு சினிமாவைப் பற்றிய முறையான மதிப்பீட்டைக் காட்டிலும் சினிமாவே மிக முக்கியமானது. சினிமாவின் தலைவிதி, மக்கள் ரசனையைப் பொருத்தே அமைகிறது. அதற்குப் பொறுப்பானவர்கள் நாம்தான்.

மக்களின் ரசனையைக் கலை வளர்க்கிறது. வளர்ந்துவிட்ட அந்த மக்கள் ரசனை, கலையின் வளர்ச்சியைக் கோருகிறது. மற்ற எந்தக் கலையைக் காட்டிலும் சினிமாவுக்கு இந்த விஷயம் பல மடங்கு பொருந்தும்.

சினிமா ஒரு கூட்டுப் படைப்பாக இருப்பதால் எவ்வளவு பெரிய மேதைகளாக இருந்தாலும் தங்களுடைய காலகட்டத்தில் நிலவும் ரசனை மற்றும் முக்கிய விஷயங்களைத் தங்களுடைய படைப்புகளில் பதிவு செய்தல் அவசியம். இல்லாவிட்டால் அந்தக் கலைஞனும் கலைப் படைப்பும் அழிந்துவிடக் கூடிய சாத்தியக்கூறுகள் அதிகம்.

“மக்கள் விரும்புகிறார்கள் நாங்கள் என்ன செய்ய’ என்று சப்பைக் காரணம் கட்டி மலிவான படங்களைத் தராமல் மக்களின் ரசனையை உயர்த்தும் படங்களின் எண்ணிக்கையை அதிகரிக்க சம்பந்தப்பட்ட கலைஞர்களும் தயாரிப்பாளர்களும் முன்வர வேண்டும்.

அதேபோல திரைத்துறையில் கடும் முயற்சிக்குப் பிறகு வாய்ப்பு கிடைக்கப் பெறும் புதியவர்கள், சமுதாயத்தில் ஒரு மாற்றத்தை நிகழ்த்தக் கூடிய வலிமைதான் தங்களுக்கு வாய்ப்பாகக் கிடைத்திருக்கிறது என்பதை உணர்ந்து தங்களது படைப்பில் கவனம் செலுத்தினால் “உலகத் தரம், உலகத் தரம்’ என்ற பதம் மறைந்து “தமிழ்த் தரம்’ என்ற வரம் வாய்க்கப் பெறும்.

மனோஜ்கிருஷ்ணா

Stars & salaries – TV, Media Ads and Promotion Prices – Compensation details

• ஷாரூக்குக்கு ரூ. 8 கோடி;
• அமிதாப்புக்கு 6 கோடி;
• சச்சினுக்கு 3 கோடி!
• ஆமீர் கான்  ரூ. 5 கோடி;
• ராகுல் டிராவிட்  ரூ. 2.5 கோடி;
• யுவராஜ் சிங்  ரூ. 2 கோடி;

டிவி’ விளம்பரங்களில் நடிக்க

இதெல்லாம், இவர்களுக்கு ஒரு படத்தில் நடிக்க ஊதியமா… ஒரு கிரிக்கெட் பந்தயத்தில் சதம் அடிக்க கிடைத்த பணமா… பத்து விநாடி வந்து போகக்கூடிய, “டிவி’ விளம்பரத்தில் நடிப்பதற்காக கிடைக்கும் ஊதியம் இது.

பாலிவுட் நடிகர்கள், நடிகைகள், கிரிக்கெட் வீரர்கள் நடித்து வெளிவரும், “டிவி’ விளம்பரங்கள், 60 சதவீதம் அதிகரித்துள்ளன. கடந்த 2005ம் ஆண்டு, கிரிக்கெட் சரிவுகளால், கிரிக்கெட் வீரர்கள் தோன்றும் விளம்பரங்கள் ஓரளவு குறைந்தாலும், பாலிவுட் நட்சத்திரங்களின் விளம்பரங்கள் அதிகரித்தன. கடந்தாண்டு, மீண்டும், கிரிக்கெட் வீரர்கள் நடித்த விளம்பரங்கள் அதிகரித்தன. முந்தைய ஆண்டை விட, கடந்தாண்டு, 60 சதவீதம் அளவுக்கு அதிகமாக கிரிக்கெட் வீரர்கள் தோன்றும் விளம்பரங்கள் வெளியாயின. இந்தாண்டு, அதை விட அதிகரிக்கும் என்று எதிர்பார்க்கப்படுகிறது. இதுகுறித்து, “டாம் மீடியா’ நிறுவனம் எடுத்த சர்வேயில் தெரியவந்துள்ள தகவல்கள்:

பேனா முதல் கார் வரை, இந்தியாவில், 9,000 பிராண்டுகளில் விற்பனை செய்யப்படுகிறது. இவற்றில், 250 பிராண்டுகள், பாலிவுட் நட்சத்திரங்கள் மற்றும் கிரிக்கெட் வீரர்களை நடிக்க வைத்து விளம்பரம் வெளியிடப்படுகிறது. கடந்தாண்டு, பாலிவுட் நட்சத்திரங்களை நடிக்கவைத்து, 53 விளம்பரங்கள் வெளிவந்தன. கிரிக்கெட் வீரர்கள் நடித்த விளம்பரங்கள் எண்ணிக்கை 191.

இவர்கள் நடித்தது எல்லா விளம்பரங்களும், பெரிய நிறுவனங்களுடையவை. இதனால், கோடிக்கணக்கில் இவர்களுக்கு ஊதியம் தரப்பட்டுள்ளது. “டிவி’ விளம்பரங்களால், பாலிவுட் நடிகர்களும், கிரிக்கெட் வீரர்கள் எக்கச்சக்கமாக அள்ளுகின்றனர். அவர்களை அடுத்து, பிரபல மாடலிங் தொழிலில் உள்ளவர்களுக்கு கிடைக்கிறது.

பிரபல மாடல் அழகி யானா குப்தா, பத்து விநாடி “டிவி’ விளம்பரத்தில் நடிக்க, ஒன்று முதல் இரண்டு கோடி வரை ஊதியம் வாங்குகிறார். மற்றவர்கள் சில ஆயிரம் முதல் மூன்று லட்சம் ரூபாய் வரை வாங்குகின்றனர். இவ்வாறு சர்வேயில் தெரியவந்துள்ளது.

Actors Activism – Is it for selfish purposes? (Dinakaran Survey)

நடிகர்களுக்கு நாட்டு மக்கள் மீதுள்ள அக்கறை…

சினிமா மீது தமிழர்களுக்கு எப்போதும் ஈர்ப்பு உண்டு. நடிகர்களுக்காக எதையும் செய்ய பலர் காத்திருக்கிறார்கள். ஆனால் பதிலுக்கு நடிகர்கள்…?

ஆம்… அதை பற்றித்தான் தமிழக மக்களிடம் கேட்கப்பட்டது. நடிகர்களுக்கு, நாட்டு மக்கள் மீதுள்ள அக்கறை எப்படி என்பதுதான் கேள்வி.

மக்களிடம் நடிகர்கள் அக்கறை கொண்டிருப்பதற்கு காரணம் தங்கள் படம் ஓட வேண்டும் என்பதற்குத்தான் என பெரும்பாலானவர்கள் கருத்துச் சொல்லியுள்ளனர். கருத்துக் கணிப்பில் பங்கேற்றவர்களில் சரியாக பாதி பேர், அதாவது 50 சதவீதம் பேர் இப்படித்தான் சொல்கிறார்கள்.

• நடிகர்களின் அக் கறையில், தங்கள் படம் ஓட வேண்டும் என்ற சுயநலம் கலந்து இருக்கிறது என்கின்றனர் மக¢கள்.
•  Ôஅரசியலுக்கு வருவதற்காகத்தான்Õ மக்கள் மீது நடிகர்கள் அக்கறையை கொட்டுகின்றனர் என்பது 31 சதவீதம் பேரின் கருத்து.

• நடிகர்களின் அக்கறை `உண்மையானது‘ என்று முழுமையாக நம்புபவர்கள் 14 சதவீதம் பேர் மட்டும்தான்.
• இந்த விஷயத்தில் கருத்து தெரிவிக்காதவர்கள¢ 5 சதவீதம் பேர்.

நடிகர்களின் அக்கறையை விளாசித் தள்ளியவர்களில் நாகர்கோவில் மக்களுக்குத்தான் முதலிடம். அங்கு 65 சதவீதம் பேர், படம் ஓடுவதற்காகத்தான் நடிகர்கள் அக்கறையாக இருக்கிறார்கள் என அதிரடியாக கூறி உள்ளனர்.

அதற்கு அடுத்தபடியாக சென்னைவாசிகள் நடிகர்களை காய்ச¢சி எடுக்கிறார்கள். 58 சதவீத சென்னைவாசிகளுக்கு நடிகர்கள் அக்கறையின் பின்னணி புரிந்திருக்கிறதாம்.

வேலூர் (55 சதவீதம்), சேலம் (52), கோவை (48), திருச்சி (52), மதுரை (51), நெல்லை (43) பகுதிகளிலும் இந்த கருத்துதான் அதிகம் நிலவுகிறது.

புதுவை மக்களில் 30 சதவீதம் பேர் படம் ஓட வேண்டும் என்பதுதான் நடிகர்களின் அக்கறைக்கு காரணம் என கூறியுள்ளனர். 39 சதவீதம் பேர், அவர்களின் அரசியல் ஆசையை காரணம் காட்டுகின்றனர்.

நடிகர்களுக்கு மக்கள் மீது உள்ள அக்கறை Ôஅரசியலுக்கு வருவதற்காகத்தான்‘ என ஒரே போடாக போடுபவர்கள் கொங்கு மண்டலத்தினர்தான். கோவைவாசிகளில் 42 சதவீதம் பேர் இவ்வாறு கூறியுள்ளனர். சென்னையில் இப்படிச் சொன்னவர்கள் 30 சதவீதம் பேர். வேலூர் (37 சதவீதம்), சேலம் (27), திருச்சி (26), மதுரை (30), நெல்லை (30), நாகர்கோவில் (21 சதவீதம்).

நடிகர்கள் அக்கறை நிஜமானதுதான் என அதிகம் நினைப்பவர்கள் நெல்லை சீமையினர்தான். அங்கு 26 சதவீதம் பேர் நடிகர்களின் அக்கறையை பார்த்து நெகிழ்கின்றனர். அதற்கு அடுத்து திருச்சி மக்களில் 18 சதவீதம் பேர் இம்மாதிரி உருகுகின்றனர். நடிகர்கள் அக்கறை உண்மையானது என¢பதில் நம¢பிக்கையில்லாதவர்களாக வேலூர், கோவைவாசிகள் உள்ளனர். இப் பகுதிகளில், 8 சதவீதம் பேர்தான் நடிகர்களின் அக்கறையை நம்புகின்றனர்.

Tamil nadu Government’s Kalaimamani Award Recipients – Announcement (2007-08)

தமிழக அரசின் கலைமாமணி விருதுகள்: பாலகுமாரன், இயக்குநர் பாலா, சிம்பு, த்ரிஷா உள்பட 60 பேருக்கு விருது அறிவிப்பு

சென்னை, மே 11: தமிழக அரசின் கலைமாமணி விருதுகள் அறிவிக்கப்பட்டுள்ளன. எழுத்தாளர் பாலகுமாரன், இயக்குநர் பாலா, நடிகர் சிம்பு, நடிகை த்ரிஷா உள்பட 60 பேர் விருதுக்கு தேர்ந்தெடுக்கப்பட்டு உள்ளனர். தமிழக அரசு வியாழக்கிழமை வெளியிட்ட செய்திக்குறிப்பு:

1. கோவைத் தம்பி-திரைப்படத் தயாரிப்பாளர்
2. சீமான்-திரைப்பட இயக்குநர்
3. சிம்பு-திரைப்பட நடிகர்
4. “ஜெயம்’ ரவி-திரைப்பட நடிகர்
5. ஜீவா-திரைப்பட நடிகர்
6. விஷால்-திரைப்பட நடிகர்
7. த்ரிஷா-திரைப்பட நடிகை
8. நவ்யா நாயர்-திரைப்பட நடிகை
9. கஞ்சா கருப்பு-நகைச்சுவை நடிகர்
10. ஆர்த்தி-நகைச்சுவை நடிகை
11. வினித்-குணசித்திர நடிகர்
12. பாலகுமாரன்-இயற்றமிழ் கலைஞர்
13. வண்ணதாசன்-இயற்றமிழ் கலைஞர்
14. கவிஞர் கலாப்பிரியா-இயற்றமிழ் கலைஞர்
15. சுப.வீரபாண்டியன்-இலக்கியப் பேச்சாளர்
16. மரபின் மைந்தன் முத்தையா-இலக்கியப் பேச்சாளர்
17. கீதா ராஜசேகர்-இசை ஆசிரியர்
18. சஞ்சய் சுப்ரமணியம்-குரலிசைக் கலைஞர்
19. ஸ்ரீவத்சவா-மிருதங்கக் கலைஞர்
20. சரஸ்வதி ராஜகோபாலன்-வீணைக் கலைஞர்
21. டாக்டர் இரா.செல்வகணபதி-சமயச் சொற்பொழிவாளர்
22. இறையன்பன் குத்தூஸ்-இறையருட்பாடகர்
23. இஞ்சிக்குடி சுப்ரமணியன்-நாதஸ்வர கலைஞர்
24. மலைக்கோட்டை எஸ்.சுப்ரமணியன்-தவில் கலைஞர்
25. கிரிஜா பக்கிரிசாமி-பரதநாட்டிய ஆசிரியர்
26. திவ்யா கஸ்தூரி-பரதநாட்டிய கலைஞர்
27. சிந்தூரி-பரதநாட்டிய கலைஞர்
28. திருநங்கை நர்த்தகி நடராஜ்-நாட்டிய நாடகக் கலைஞர்
29. ஆர்.முத்தரசி-நாட்டிய நாடகக் கலைஞர்
30. கவிஞர் இன்குலாப்-நாடக ஆசிரியர்
31. பேராசிரியர் இரா.ராஜு-நவீன நாடக இயக்குநர்
32. தங்கராஜ் என்ற எம்எல்ஏ தங்கராஜ்-நாடக நடிகர்
33. வி.மூர்த்தி-நாடக நடிகர்
34. தேவிப்பிரியா என்ற ரமணதேவி-நாடக நடிகை
35. வி.ஆர்.திலகம்-பழம்பெரும் நாடக நடிகை
36. சி.ஐ.டி.சகுந்தலா-பழம்பெரும் திரைப்பட நடிகை
37. பா.விஜய்-திரைப்பட பாடலாசிரியர்
38. நா.முத்துக்குமார்-திரைப்பட பாடலாசிரியர்
39. கபிலன்-திரைப்பட பாடலாசிரியர்
40. இயக்குநர் பாலா-திரைப்பட கதாசிரியர்
41. வித்யாசாகர்-திரைப்பட இசையமைப்பாளர்
42. மது பாலகிருஷ்ணன்-திரைப்பட பின்னணி பாடகர்
43. திப்பு-திரைப்பட பின்னணி பாடகர்
44. பாம்பே ஜெயஸ்ரீ-திரைப்பட பின்னணி பாடகி
45. எம்.வி.பன்னீர்செல்வம்-திரைப்பட ஒளிப்பதிவாளர்
46. விட்டல்-திரைப்பட எடிட்டர்
47. நேஷனல் செல்லையா-திரைப்பட புகைப்படக் கலைஞர்
48. அதிவீர பாண்டியன்-திரைப்பட பத்திரிகை ஆசிரியர்
49. கே.அம்மச்சி விராமதி-நாட்டுப்புற இசைக் கலைஞர்
50. ஆக்காட்டி ஆறுமுகம்-நாட்டுப்புற இசைக் கலைஞர்
51. டாக்டர் கே.ஏ.குணசேகரன்-நாட்டுப்புற இசை ஆய்வாளர்
52. டிராட்ஸ்கி மருது-ஓவியக் கலைஞர்
53. சி.ஜெ.பாஸ்கர்-சின்னத்திரை இயக்குநர்
54. விடுதலை-சின்னத்திரை கதை வசனகர்த்தா
55. வேணு அரவிந்த்-சின்னத்திரை நடிகர்
56. போஸ் வெங்கட்-சின்னத்திரை நடிகர்
57. மௌனிகா-சின்னத்திரை நடிகை
58. தீபா வெங்கட்-சின்னத்திரை குணச்சித்திர நடிகை
59. டி.ஜி.தியாகராஜன்-சின்னத்திரை தயாரிப்பாளர்
60. அலெக்ஸ்-தந்திரக்காட்சி கலைஞர்

CU Sooriyamoorthy: Science Column – The hidden power behind the dark energy

“இருளாற்றலை’ விளக்கும் புதிய அறிவியல் கொள்கை

சி.இ. சூரியமூர்த்தி

19-ம் நூற்றாண்டின் முடிவில், மிகச் சிறந்த கண்டுபிடிப்பார்களான மைக்கேல்சன், தாம்சன் போன்றவர்கள் அறிவியலின் புதுக்கண்டுபிடிப்புகள் அநேகமாக முடிந்துவிட்டதாகவே குறிப்பிட்டனர்.

அவர்கள் 20-ம் நூற்றாண்டில் ஒளியின் வேகம், மின்னணுவின் மின்னூட்டம் போன்ற அடிப்படைப் பண்புகள் மிகத் துல்லியமாக அளக்கப்படும் என்றும், புதிய கொள்கைகள் ஒன்றும் தோன்றாது எனவும் எண்ணினர்.

ஆனால் 20-ம் நூற்றாண்டின் ஆரம்பத்தில் அறிவியல் ஆய்வுகளில் மிகப் பெரிய புரட்சியே நடந்தது என்பது நாம் அறிந்த செய்தி. பிளாங்கின் “ஒளித்துகள்களாக’ வரும் “வெப்பக்கதிர்வீச்சுக் கொள்கையும், ஐன்ஸ்டீனின் சிறப்பு ஒப்புமைக் கொள்கையும்’ இயற்பியலின் போக்கையே மாற்றிவிட்டன. அதைத் தொடர்ந்து டென்மார்க் அறிவியலாளர் போர் அறிவித்த அணு அமைப்புக் கொள்கையும், ஷாடிஞ்சர், ஹைசன்பர்க் முதலானோர் நிறுவிய “குவாண்டா எந்திர இயலும்’ உலகப் பொருள்களை மேலும் விளக்கமாக அறிய உதவின.

இந்தப் புதுக் கொள்கையால் ஆயிரக்கணக்கான அறிவியலாளர்கள் புதிய புதிய ஆய்வுகளை உலகெங்கும் மேற்கொண்டனர். அவை இன்றும் தொடர்கின்றன.

இனி இந்தப் புதிய 21-ம் நூற்றாண்டின் அறிவியல் ஆய்வுகள் எந்த அமைப்புகளை நோக்கிச் செல்லும் என்பது நமக்குள் எழும் இயற்கையான கேள்வி. இன்றுள்ள ஆய்வுகளின் போக்கை வைத்து ஓரளவுக்கு அதைக் கணிக்கலாம். வருங்கால ஆய்வுகளுக்கு விடைகளை விட கேள்விகளே அதிகமாக உள்ளன.

அறிவியல் ஆய்வுகளில் முதல் தடுமாற்றம் 1930-ல் நிகழ்ந்தது. நட்சத்திரங்களின் நிறையை இரண்டு முறைகளில் அளக்கலாம். ஒன்று, அது வெளியிடும் ஒளியின் அளவை வைத்து அதன் நிறையைக் கணிக்கலாம். மற்றது அது சுழலும் வேகத்தை வைத்தும் கணிக்கலாம்.

ஊட் என்ற அறிவியலாளரும், ஸ்விக்கி என்பவரும், நட்சத்திர மண்டலங்களின் நிறையை இந்த இரண்டு முறைகளிலும் கணித்தார்கள். ஆனால் கணிப்புகள் மிகவும் மாறுபட்டன. அவர்கள் மிகத் துணிச்சலுடன் அண்டத்தைப் பற்றிய ஒரு புதுக் கொள்கையை அறிவித்தனர். அதன்படி நட்சத்திர மண்டலங்களில் நாம் காண முடியாத பொருள்கள் அதிகமாக உள்ளன. இவைகள் ஒளியை உமிழ்வதும் இல்லை, சிதற வைப்பதும் இல்லை. அதனால் இவை அண்டத்தில் மறைந்து உள்ளன. அதற்கு அவர்கள் “”இருள் பொருள்” என்று பெயரிட்டனர்.

இக்கொள்கையின்படி இருள் பொருள்களின் அணுக்கள் நாம் காணும் சாதாரண அணுக்களின் அமைப்பிலிருந்து மாறுபட்டு இருக்க வேண்டும். இதுவரை நாம் அறிந்த அறிவியல் கொள்கைகள் இவைகளுக்குப் பொருந்தாது. ஆனால் புவியீர்ப்பு விசை மட்டும் இவைகளைக் கட்டுப்படுத்தும்.

வானியல் ஆய்வாளர்கள் சில நட்சத்திரங்கள் சில சமயங்களில் பெரியதாகத் தெரிவதைக் கண்டனர். நட்சத்திர ஒளி, இருள் பொருள்கள் அருகில் செல்லும்போது அவைகள் வளைக்கப்படுகின்றன. அதற்குக் காரணம் இருள் பொருள்களின் ஈர்ப்புத் தன்மையே என்று ஒரு விளக்கம் தரப்பட்டது. இந்நிகழ்ச்சிக்கு “புவியீர்ப்பு ஒளிகுவிப்பு’ என்று பெயர். கடந்த 10 ஆண்டுகளில் இவ்வகை நிகழ்வுகள் ஏராளமாகப் பதிவு செய்யப்பட்டன.

சிறப்பு ஒப்புமைக் கொள்கையால் இதை விளக்கலாம். இந்த நிகழ்வுக்கு, காண முடியாத “”இருள் பொருள்களே” காரணமாக இருக்க வேண்டும். இதற்குப் பிறகு அறிவியல் உலகில் இருள் பொருள்களைப் பற்றிய நம்பிக்கையும், ஆய்வுகளும் தொடங்கின. 21-ம் நூற்றாண்டின் ஆரம்பத்தில் இவ்வாராய்ச்சிகள் வேகம் பெறத் தொடங்கின.

இதுவரை தெரிந்த முடிவுகளின்படி இந்த இருள் பொருள்களின் அமைப்புகள் மூன்று வகையாக இருக்கலாம். அவைகளாவன 1. விம்ப் 2. மாக்கே 3. நியூட்ரினோ இவைகள் உலகப் பொருள்கள் வழி எந்தத் தடையுமின்றி ஊடுருவிச் செல்லும். இந்தக் கொள்கையின்படி விம்ப் துகள்கள் கோடிக்கணக்கில் ஒவ்வொரு விநாடியும், நம் உடலில் பாய்ந்து செல்கின்றன. இவைகள் சாதாரண உலகப் பொருள்களுடன் தொடர்பு கொள்ளாததால் நாம் எளிதில் உணர முடியாது.

1998-ல் ஜப்பான் நாட்டில் ஒருவகை நியூட்ரினோ இருப்பதாகக் கண்டுபிடித்துள்ளனர். இதற்காக நோபல் பரிசும் அளிக்கப்பட்டது. இந்த ஆய்வுகள் உலகின் பல நாடுகளில் சிறப்பாக நடைபெறுகின்றன.

இதற்கிடையில் மற்றொரு பெரிய கண்டுபிடிப்பும் நிகழ்ந்துள்ளது. 1919-ல் ஹப்பில் என்ற வானியலாளர் அண்டத்தின் விளிம்பில் உள்ள நட்சத்திர மண்டலங்கள் வேகமாக வெளிநோக்கி ஓடுவதைக் கண்டார். ஐன்ஸ்டீனின் சிறப்பு ஒப்புமைக் கொள்கைப்படி புவிஈர்ப்பினால் விண் பொருள்கள் மையம் நோக்கி வர வேண்டும். “”பெரு வெடிப்பினால்” ஓடும் விண் பொருள்கள் பின் ஈர்ப்பினால் அண்டத்தைச் சுருங்க வைக்கும்.

ஆனால் தொலைநோக்கி ஆய்வுகளில், அண்டத்தின் விரிவு உந்தப்படுகிறது. இதற்கு தற்போது உள்ள அறிவியல் விளக்கம் இல்லை. பல அறிஞர்கள் புதிய ஒரு கொள்கையை முன் வைத்துள்ளார்கள். அதன்படி புவியீர்ப்புக்கு எதிராக ஒரு எதிர்ப்புவிசை அண்டத்தில் உள்ளது. அது மிக வலிமை வாய்ந்தது. அதற்கு “இருளாற்றல்’ என்று பெயர். இது புதிய அறிவியல் கொள்கை.

இன்றுள்ள அறிவியலின்படி உலகை இயக்குவது நான்குவகை விசைகளே. 1. புவியீர்ப்பு விசை 2. மின்விசை 3. மெல்விசை 4. வல்விசை. கதிர் வீசலுக்கு காரணமாவது “மெல்விசை’ அணுசக்திக்கு ஆதாரம் “வல்விசை’. இந்த நான்கையும் ஒன்றிணைக்க ஐன்ஸ்டீன் தன் கடைசி 20 ஆண்டுகளில் ஆய்வுகள் செய்தார். வெற்றி பெறவில்லை.

உலகின் மிகச்சிறந்த ஆய்வாளர்கள் பல காலம் போராடி ஒரு புதுக் கொள்கையை வகுத்தனர். அதற்கு, சிறந்த இழைக்கொள்கை என்று பெயர். இதன்படி உலகில் நாம் அறிந்த பொருள்கள்யாவும் 16 வகை அடிப்படைப் பொருள்களால் ஆனவை. இந்த 16 பொருள்களும் சிறந்த இழையின் பல்வேறு ஓட்டத்தின் மூலம் உண்டாக்கப்படலாம். இதை மிகப்பெரிய அறிவியல் வெற்றியாகக் கருதினர். ஆனால் இருள் பொருள்களும், இருள் ஆற்றலும் ஓரளவு உண்மை என்று காணப்பட்டபோது, அதை விளக்க “சிறந்த இழைக்கொள்கை’ தவறிவிட்டது.

ஒரு கணிப்பின்படி நம் அண்டம் 70 விழுக்காடு இருளாற்றலாலும், 25 விழுக்காடு இருள்பொருளாலும் 5 விழுக்காடே நாம் கண்டு உணரும் பொருள்களாலும் ஆகியது. நாம் இதுவரை அறிய முடியாத 95 விழுக்காடு அண்டத்தை அறிய புதுக்கொள்கைகளும், புதுப்பரிசோதனைகளும் வேண்டும்.

ஐரோப்பாவில் மிகச் சக்தி வாய்ந்த “துகள் முடுக்கிகள்’ அமைக்கப்படுகின்றன. இன்னும் சில ஆண்டுகளில் அவை இயங்கத் தொடங்கும். அண்டம் தோன்றிய பெருவெடிப்பில் என்ன நிகழ்ந்தது என்பதை இந்த முடுக்கிகள் மூலம் அறிய முடியும். அந்தப் பரிசோதனை வெற்றிகரமாக முடிந்தால் ஒருவேளை இருள் பொருள்கள், இருள் ஆற்றல்கள் ஏன் தோன்றின? அந்த அணுக்களின் பண்புகள் என்ன? அமைப்புகள் என்ன? என்பதற்கு விடைகள் தெரியலாம்.

இன்றைய நம் நாட்டு இளம் அறிவியலாளர்கள்தான் இதில் ஆர்வத்துடன் ஈடுபட வேண்டும். ஆய்வு உலகம் அகலத் திறந்து அவர்களை எதிர்நோக்கி உள்ளது. இவைகளை விளக்க ராமன்களையும், போஸ்களையும் இந்த நாடு எதிர்நோக்கியுள்ளது. இந்த ஆய்வுகளின் முடிவுகளே அண்டத்தின் விதியை நமக்குக் காட்டும். அந்த அறிவு விரைவில் ஒளிவீச வாழ்த்துவோம்.

(கட்டுரையாளர்: மதுரை காமராசர் பல் கலைக்கழக இயற்பியல் – சூரிய ஆற்றல் துறை முன்னாள் பேராசிரியர்).

Cauvery: Kannada film industry stage protest march

காவிரி நடுவர் மன்றத் தீர்ப்புக்கு எதிர்ப்பு: பெங்களூரில் நடிகர்-நடிகைகள் ஊர்வலம்: ஆளுநரிடம் மனு

பெங்களூர், பிப். 14: காவிரி நடுவர் மன்றத் தீர்ப்பை எதிர்த்து கர்நாடக திரைப்பட வர்த்தக சபை சார்பில் பெங்களூரில் நடந்த ஊர்வலத்தில் நடிகர்-நடிகைகள் திரளாக கலந்து கொண்டனர்.

காவிரியில் தமிழகத்தக்கு 192 டிஎம்சி தண்ணீர் திறந்துவிட வேண்டும் என்று பிப்ரவரி 5-ம் தேதி நடுவர் மன்றம் தீர்ப்பளித்தது.

இதற்கு கர்நாடகத்தில் பலத்த எதிர்ப்பு கிளம்பியுள்ளது. இதனால் கடந்த 9 நாட்களாக கர்நாடகத்தில் போராட்டங்கள் நடந்து வருகின்றன. மேலும், திங்கள்கிழமை மாநிலம் முழுவதும் முழுஅடைப்பு நடந்தது. இந்நிலையில் நடுவர் மன்றத் தீர்ப்புக்கு எதிர்ப்புத் தெரிவித்து பெங்களூரில் செவ்வாய்க்கிழமை திரைப்படத் துறையினர் போராட்டம் நடத்தினர். நடிகர்-நடிகைகள், இயக்குனர்கள், தியேட்டர் உரிமையாளர்கள், தயாரிப்பாளர்கள், திரைப்பட விநியோகஸ்தர்கள், நடனக்கலைஞர்கள், சண்டைப் பயிற்சியாளர்கள் உள்ளிட்ட ஆயிரத்துக்கும் மேற்பட்ட திரைப்படக் கலைஞர்கள் பங்கேற்ற இந்தப் பேரணி குமாரபார்க்கில் உள்ள கர்நாடக திரைப்பட வர்த்தக சபையிலிருந்து தொடங்கி ஆளுநர் மாளிகையை அடைந்தது.

இப்பேரணியில் பிரபல கன்னட

• நடிகர் விஷ்ணுவர்தன்,
• மறைந்த நடிகர் ராஜ்குமாரின் மகன்கள் சிவராஜ்குமார்,
• ராகவேந்திர ராஜ்குமார்,
• புனித் ராஜ்குமார்,
• நடிகை தாரா,
• மாலாஸ்ரீ,
• ஜெயந்தி,
• ஜெயமாலா,
• அனுபிரபாகர்,
• சுதாராணி மற்றும் புதுமுக நடிகர்-நடிகைகளும் கலந்துகொண்டனர்.

திரைப்படக் கலைஞர்களின் பேரணியை முன்னிட்டு விரைவு அதிரடிப்படை உள்ளிட்ட சுமார் 2 ஆயிரம் போலீஸôர் பாதுகாப்புப் பணியில் ஈடுபட்டனர். பேரணி காரணமாக பெங்களூரில் எப்போதும் வாகன நெரிசல் இருக்கும் ரேஸ் கோர்ஸ் சாலை, குமார குருப்பா சாலை மற்றும் ராஜ்பவன் சாலை போன்ற சாலைகளில் வாகனப் போக்குவரத்து நிறுத்தப்பட்டது.

இப்பேரணியில் காவிரி நடுவர் மன்றத் தீர்ப்பை எதிர்த்தும், “காவிரி கர்நாடகத்துக்கே சொந்தம்’ போன்ற கோஷங்களை திரைப்படக் கலைஞர்கள் எழுப்பினர். பேரணியில் கலந்துகொண்ட கர்நாடக திரைப்பட வர்த்தக சபைத் தலைவர் தல்லம் நஞ்சுண்டஷெட்டி கூறியதாவது:

காவிரி நடுவர் மன்றத் தீர்ப்பை எதிர்த்து நடைபெறும் இப்பேரணி இத்துடன் நிறைவடைந்து விடாது. இது போராட்டத்தின் தொடக்கமே. கர்நாடகத்துக்கு நீதி கிடைக்கும் வரை கர்நாடக திரைப்படத்துறை போராடும் என்றார்.

பேரணி ஆளுநர் மாளிகையை அடைந்தவுடன்

• நடிகர் விஷ்ணுவர்தன்,
• திரைப்பட வர்த்தக சபையின் தலைவர் தல்லம் நஞ்சுண்டா ஷெட்டி,
• துணைத் தலைவர் சாரா கோவிந்து,
• திரைப்படத் தயாரிப்பாளரும்,
• மறைந்த நடிகர் ராஜ்குமாரின் மனைவியுமான பர்வதம்மா ஆகியோர் தலைமையில் 10 பேர் கொண்ட குழு ஆளுநர் மாளிகைக்குச் சென்றது.

கர்நாடக மாநில ஆளுநர் டி.என். சதுர்வேதியைச் சந்தித்து காவிரி பிரச்சினையில் கர்நாடகத்துக்கு நீதி கிடைக்க மத்திய அரசை வலியுறுத்துமாறு கர்நாடக திரைப்பட வர்த்தக சபை சார்பில் கோரிக்கை மனுவை அளித்தனர்.

State of the Tamil Movie Actress markets – Tamil Film Stars cinema lists

புதுமுகங்கள் படையெடுப்பு: முன்னணி நடிகைகள் `மார்க்கெட்’ சரிகிறது

சென்னை, ஜன. 22- தமிழ் திரையுலகில் முன்னணி நடிகைகள் ஒருசில வருடங்களே தாக்கு பிடிக்கிறார்கள். பிறகு மார்க்கெட் சரிய டி.வி. பக்கம் ஒதுங்குகிறார்கள். சிலர் திருமணம் செய்து கொண்டு நடிப்புக்கு முழுக்கு போடுகிறார்கள்.

உச்ச நடிகைகளாக வலம் வந்த சிம்ரன், ஜோதிகா, லைலா, ரோஜா, ரம்பா, தேவயானி, மீனா, சோனியா அகர்வால், ஷாலினி உள்ளிட்ட பலர் தற்போது மார்க்கெட்டில் இல்லை. சிலர் திருமணம் செய்து ஒதுங்கி விட்டனர்.

அவர்களுக்கு பிறகு திரிஷா, சினேகா, அசின், நயன்தாரா, சதா, பாவனா, பூஜா, நவ்யா நாயர், கோபிகா, சந்தியா, மாளவிகா என பலர் திரையுலகை கலக்கினர்.

இவர்களில் சிலர் மார்க்கெட் இழந்து உள்ளனர். இன்னும் சிலருக்கு ஒரு சில படங்களே கைவசம் உள்ளன.

திரிஷா பீமாவுக்கு பிறகு அஜீத்துடன் கிரீடம் படத்தில் நடித்து வருகிறார். விஷாலுடன் சத்யம் படத்தில் நடிக்க ஒப்பந்தமாகியுள்ளார்.

சினேகா “பள்ளிக்கூடம்” படத்தில் மட்டும் நடிக்கிறார். நயன்தாரா தெலுங்கு பக்கம் ஒதுங்கியுள்ளார். அசினுக்கு “தசாவதாரம்” படம் மட்டும் கைவசம் உள்ளது. ஸ்ரேயாவுக்கு “சிவாஜி”க்கு பின் `அழகிய தமிழ்மகன்’ படம் இருக்கிறது. பாவனா சில படங்களை வைத்துள்ளார்.

புதுமுக நடிகைகள் படையெடுப்பே முன்னணி நடிகைகளுக்கு பட வாய்ப்புகள் குறைய காரணம் என்று சொல்லப்படுகிறது.

மம்தா, தமண்ணா, ஜோதிர் மயி, இலியானா, அனுஷ்கா, மல்லிகா கபூர், ஷீலா, வேதிகா, ஸ்ருதி, கீரத், காமினி, அதிசயா, பூர்ணிதா, கீர்த்தி சாவ்லா, கார்த்திகா, பானு, கமாலினி முகர்ஜி, தீபா, ரெஜினா, ஆன்ட்ரீயா, உதயதாரா என முப்பதுக்கும் மேற்பட்ட புது முக நடிகைகள் ஒன்றிரண்டு படங்களை கைவசம் வைத்துள் ளனர். இதனால் முன் னணி நடிகைகளுக்கு வாய்ப்பில்லாமல் போய் உள்ளது.

ஏற்கனவே ஒன்றிரண்டு படங்களில் மட்டுமே நடித்த ரேணுகாமேனன், மீராவாசு தேவன், நந்திதா, சாயாசிங், குட்டி ராதிகா, பத்மபிரியா, தியா, சிந்துதுலானி, குத்து ரம்யா, கஜாலா, ராதிகா சவுத்ரி, திவ்யா உண்ணி, கனிகா, அபிதா, ஸ்ரீதேவிகா, மோனிகா, ஷெரீன், சூஸன் உள்ளிட்ட பலர் வாய்ப்பின்றி உள்ளனர்.

Aiswarya Rai & Abhishek Bhachan marriage will be on February 19th 2007

ஐஸ்வர்யாராய்க்கு பிப்ரவரி 19-ந்தேதி திருமணம்

பெங்களூர், டிச.19-

பெங்களூரில் வசித்து வரும் ஐஸ்வர்யாராயின் குடும்ப ஜோதிடரான சந்திரசேகர சுவாமிகள் நிருபர்களிடம் கூறியதாவது:-

அபிஷேக் பச்சனுக்கு பிப்ரவரி 5-ந் தேதி 32-வது வயது பிறக்கிறது. அன்று முதல் அவருக்கு யோகம் நிறைந்த நாள். ஐஸ்வர்யாராய்-அபிஷேக் பச்சனுக்கு இடையேயான திருமண தடை அனைத்தும் நீங்கி விட்டன.

இந்தநிலையில் ஐஸ்வர்யாராய்-அபிஷேக் பச்சன் ஜோடிக்கு வருகிற பிப்ரவரி 19-ந் தேதி திருமணம் நடக்கிறது. இந்த திருமணம் மும்பையில் உள்ள ஹயத் இண்டர்நேஷனல் என்ற ஐந்து நட்சத்திர ஓட்டலில் நடக்க உள்ளது. பிப்ரவரி மாதம் 20-ந் தேதி மும்பையிலும், 21-ந் தேதி டெல்லியிலும் வரவேற்பு நிகழ்ச்சி நடக்க இருக்கிறது.

இவ்வாறு ஜோதிடர் சந்திரசேகர சுவாமிகள் கூறினார்.

ஆனால், இந்த திருமணதேதி பற்றி அபிஷேக்பச்சன் குடும்பமோ, ஐஸ்வர்யாராய் குடும்பமோ எந்த தகவலும் தெரிவிக்க மறுத்துவிட்டனர்.

Malaysia Magazines disgusted with Indian Cinema Stars Activities

இந்திய நட்சத்திரங்களின் நடவடிக்கையால் மலேசிய பத்திரிகைகள் அதிருப்தி

மலேசியா, டிச. 10: மலேசியாவில் கடந்த 3 நாட்களாக நடைபெற்ற நட்சத்திர கலைநிகழ்ச்சியில் இந்திய நடிகர்கள் நடந்து கொண்ட விதம் குறித்து மலேசிய பத்திரிக்கைகள் அதிருப்தி வெளியிட்டுள்ளன.

பாலிவுட் நட்சத்திரங்களின் மனநிலை மோசமான திரைக்கதையைப் போல் இருக்கிறது என்று அதிருப்தி தெரிவித்துள்ளது மலேசிய செய்தித்தாளான ஸ்ட்ரெய்ட் டைம்ஸ்.

இந்தி திரைப்பட உலகின்(பாலிவுட்)நட்சத்திரங்களான

• சல்மான் கான்,
• ஜான் ஆபிரகாம்,
• பிபாஷா பாசு,
• அர்பாஸ் கான்,
• சோகைல் கான்,
• ஹேமாமாலினி,
• ஈஷா தியோல் உள்ளிட்ட பலர் கலந்து கொள்ளும் சர்வதேச இந்திய திரைப்பட விருது வழங்கும் விழா கோலாலம்பூரில் வெள்ளிக்கிழமை நடைபெற்றது.

மேலும், இந்தித் திரைப்பட நட்சத்திரங்கள் பங்கு கொள்ளும் நட்சத்திரத்துடன் ஒரு நாள், பத்திரிக்கையாளர்களுடன் கலந்துரையாடல், சிவப்பு கம்பள வரவேற்பில் மேடை நிகழ்ச்சி ஆகியவைகள் நடத்தவும் நிகழ்ச்சி தயாரிப்பாளர்கள் திட்டமிட்டனர்.

2 மணி நேரம் காத்திருந்தனர் இந்த நிகழ்ச்சிக்காக நட்சத்திரங்களை பேட்டி கான மலேசியாவில் உள்ள உள்நாட்டு பத்திரிக்கைகள், தொலைக்காட்சி சேனல்கள் ஆகியவைகள் சுமார் இரண்டரை மணி நேரம் ஹோட்டலில் காக்க வைக்கப்பட்டனர்.

மேலும், நடிகர்கள் ஜான் ஆபிரகாம், ரவிசோப்ரா ஆகியோர் பத்திரிக்கையாளர்களிடம் ஆத்திரத்துடன் நடந்துகொண்டதும், நடிகர் சல்மான் கான் 2 நிமிஷத்தில் வந்து விடுவார் எனக் கூறி 20 நிமிஷத்தில் வந்ததும் மலேசிய பத்திரிக்கைகளை அதிருப்தியின் உச்சிக்கு கொண்டு சென்றுள்ளன.

“” இந்திய நேரப்படி 2 நிமிஷத்தில் நடிகர் சல்மான் கான் வருவார் என்று கூறினால் 20 நிமிஷங்கள் என்று அர்த்தமா. அவருக்கு விருப்பப்பட்ட நேரத்தில் தான் வருவாரா என்று செய்தி வெளியிட்டுள்ளது ஒரு நாளிதழ்.

மேலும், பத்திரிகையாளர்கள் கேள்வி கேட்டவுடன் ரவி சோப்ராவின் மொபைல் போன் ஒலித்தது. உடனை அவர் கேள்விக்கு பதில் அளிக்காமல் மொபைல் போனை எடுத்து பேசத்தொடங்கியது அங்கிருந்த பத்திரிக்கையாளர்களை வருத்தமடையச்செய்துள்ளது. சிவப்பு கம்பள நிகழ்ச்சிக்காக நட்சத்திரங்களை மேடையில் காண ரசிகர்கள் சுமார் 3 மணி நேரத்திற்கும் மேலாக பொறுமையுடன் காத்திருந்தனர்.

இது போல மோசமாக வேறு எங்காவது நடக்குமா? பாலிவுட்டில் மட்டுமே நடக்கும் என்று ஒரு நாளிதழ் அதிருப்தியை வெளியிட்டுள்ளது.