Tamil News

BBC, Dinamani, Dinamalar, Maalai Malar et al

Archive for the ‘South India’ Category

Tsunami Aid Misappropriation by Tamil Nadu by 16 NGOs

Posted by Snapjudge மேல் செப்ரெம்பர் 29, 2006

சுனாமி நிதியில் முறைகேடு: 16 நிறுவனங்கள் மீது நடவடிக்கை

சென்னை, செப். 29: வெளிநாட்டிலிருந்து சுனாமி நிவாரணத்துக்காக நன்கொடையாகப் பெறப்பட்ட தொகையை தவறாகப் பயன்படுத்திய 16 தன்னார்வத் தொண்டு நிறுவனங்கள் மீது நடவடிக்கை எடுக்கப்படும் என்று மத்திய உள்துறை இணைச் செயலர் டி.எஸ். மிஸ்ரா தெரிவித்தார்.

சென்னையில் வெள்ளிக்கிழமை தொடங்க உள்ள வெளிநாட்டு நிதி கட்டுப்பாடு சட்டம் (எஃப்சிஆர்ஏ) குறித்த கருத்தரங்கில் பங்கேற்க வந்துள்ள அவர், வியாழக்கிழமை செய்தியாளர்களிடம் கூறியது:

சுனாமி நிவாரணத்துக்காக வெளிநாட்டிலிருந்து பெறப்பட்ட நிதியை முறைகேடு செய்ததாக 16 தொண்டு நிறுவனங்கள் மீது மத்திய உள்துறை அமைச்சகத்துக்கு புகார்கள் வந்துள்ளன.

இவற்றின் மீது ஏற்கெனவே மத்திய உள்துறை அமைச்சகம் நிர்வாக ரீதியிலான நடவடிக்கையைத் தொடங்கிவிட்டது.

இதில் 5 நிறுவனங்களிடமிருந்து நன்கொடைகள் கைப்பற்றப்பட்டுள்ளன.

பிற நிறுவனங்கள் மீது சிபிஐ விசாரணை நடத்த உத்தரவிடப்பட்டுள்ளது. இந்த 16 நிறுவனங்கள் மீதும் வெளிநாட்டு நன்கொடைகள் வரைமுறைப்படுத்தல் சட்டத்தின் கீழ் நடவடிக்கை மேற்கொள்ளப்பட்டுள்ளது. விரைவில் சிபிஐ அறிக்கை அளிக்கும்.

சுனாமி நிவாரணமாக தமிழகத்துக்கு மட்டும் ரூ. 241.64 கோடி வெளிநாட்டு நன்கொடை கிடைத்துள்ளது. தென் பிராந்தியம் மட்டுமே அதிக அளவில் வெளிநாட்டு நிதியை நன்கொடையாகப் பெற்றுள்ளது.

2004-05-ம் ஆண்டு இந்தியாவுக்கு கிடைத்த அன்னிய நன்கொடை ரூ. 6,250 கோடி. இதில் தமிழகம், கேரளம், ஆந்திரம், கர்நாடகம் ஆகிய தென் மாநிலங்களுக்கு மட்டும் ரூ. 3,100 கோடி கிடைத்துள்ளது.

இந்தியாவில் மொத்தம் 33 ஆயிரம் தன்னார்வத் தொண்டு நிறுவனங்கள் உள்துறை அமைச்சகத்திடம் பதிவு செய்துள்ளன. தென்னிந்தியாவில் மட்டும் மிக அதிக அளவாக 14 ஆயிரம் தன்னார்வத் தொண்டு நிறுவனங்கள் செயல்படுகின்றன. தென்னிந்தியாவில் 18 மாவட்டங்களுக்கு மிக அதிக அளவில் வெளிநாட்டு நிதி கிடைக்கிறது.

விரைவில் அன்னிய நன்கொடை கட்டுப்பாடு சட்டம்: வெளிநாட்டு நிதிகளை முறைப்படுத்துவதற்கான திருத்த சட்டம் விரைவில் அறிமுகப்படுத்தப்படும். 1976-ம் ஆண்டைய திருத்தப்பட்ட சட்டம் நடப்பு மழைக்காலக் கூட்டத்தொடரில் அறிமுகப்படுத்தப்படும்.

பொதுமக்கள் மற்றும் பல்வேறு நிபுணர்களின் பரிந்துரைகளை உள்ளடக்கியதாக இந்த திருத்தப்பட்ட சட்டம் அமையும்.

சென்னையில் வெள்ளிக்கிழமை நடைபெறும் கருத்தரங்கில் வெளிநாட்டு நிதிகட்டுப்படுத்தல் சட்டம் குறித்த இணையதளம் தொடங்கப்படுகிறது.

கருத்தரங்கை தமிழக ஆளுநர் எஸ்.எஸ். பர்னாலா தொடங்கி வைக்கிறார். மத்திய உள்துறை இணை அமைச்சர் எஸ். ரகுபதியும் இக்கருத்தரங்கில் பங்கேற்க உள்ளார்.

Posted in D.S. Mishra, Districts, FCRA, FEMA, Foreign Aid, Foreign Contribution (Regulation) Act, Foreign Exchange Management Act, NGOs, PMLA, Prevention of Money Laundering Act, Regional Seminar, S Raghupathy, South India, Tamil, Union Ministry of Home Affairs | Leave a Comment »

Marudhu Paandiyar – Short Film : Kaalaiyaar Kovilpuram

Posted by Snapjudge மேல் ஓகஸ்ட் 20, 2006

விடுதலை வேள்வியில்..: மருதிருவர்

ரவிக்குமார்

பீரங்கிக் குண்டுகளால் துளைக்கப்பட்டும், கால வெள்ளத்தால் கரைக்கப்பட்டும் சிதிலமடைந்து காட்சியளிக்கும் அரண்மனைகள்… பிரம்மாண்டமான காளையார் கோவில் கோபுரம்… இவற்றின் பின்னணியில் துவங்குகிறது “மருதிருவர்’ ஆவணப்படம். நாட்டின் சுதந்திரத்துக்காகப் பாடுபட்ட இரண்டு மாவீரர்களை நாம் மறந்ததற்கு அடையாளமாய் அவர்களின் அரண்மனையும், மருது மன்னர்களின் இறைப்பணிக்கு அடையாளமாய் உயர்ந்து நிற்கும் கோபுரங்களும் நம்மை 18-ம் நூற்றாண்டுக்கு கைபிடித்து அழைத்துச் செல்கின்றன.

கதவுகளே இல்லாத அரண்மனை, காவலர்களே இல்லாமல் மக்களை சந்தித்து, மருதிருவர் ஆட்சி செய்த முறை. கோபுரங்களைக் கட்டித் தருவது, மண்டபங்களைக் கட்டித் தருவது என 87 கோயில்களில் மருது பாண்டியர்கள் இறைப்பணி செய்திருக்கும் விவரம், இந்துக் கோயில்களைத் தவிர, இஸ்லாமிய, கிறிஸ்தவ ஆலயங்களிலும் நற்பணிகளைச் செய்திருக்கும் விவரம், வீரபாண்டிய கட்டபொம்மன், ஊமைத்துரை போன்ற சக பாளையத்துக் காரர்களிடமும், திப்பு சுல்தானின் தளபதியாக இருந்த துந்தா ஜீவாக் ஆகியோரிடமும் நட்பு பாராட்டிய விதம், ஒற்றுமையை வலியுறுத்தி இந்திய சுதந்திரப் போராட்ட வரலாற்றின் போராளி அணியில் இருந்து வெளியிடப்பட்ட முதல் சுதந்திரப் போராட்ட அரசியல் பொது அறிக்கையை மருது பாண்டியர்கள் வெளியிட்ட நிகழ்ச்சி குறித்த தகவல்கள் இந்த ஆவணப் படத்தில் உள்ளன.

மருதிருவரைப் பற்றி சரித்திரத்தின் பக்கங்களில் காணமுடியாத பல விஷயங்கள், இந்த ஆவணப் படத்தில் பதிவாகியிருக்கின்றன.

இந்த ஆவணப்படத்தை தயாரித்திருப்பவர் தீனதயாள பாண்டியன். இவர், பெரியமருதுவின் எட்டாவது வாரிசு. அமெரிக்கா மற்றும் ஐரோப்பிய நாடுகளுக்கு ஆடைகளை ஏற்றுமதி செய்யும் “ஃபர்ஸ்ட் கார்மென்ட்ஸ் மேன்யுஃபாக்சரிங் கம்பெனி’யின் நிர்வாக இயக்குனராக இருக்கிறார். மருதிருவர் ஆவணப்படத்தின் சி.டி.யை தமிழக ஆளுனரின் கையால் வெளியிட்டிருக்கும் தீனதயாள பாண்டியனிடமும், படத்தின் இயக்குனர் தினகரன் ஜெய்யிடமும் பேசியதிலிருந்து…

மருதிருவரின் வாரிசுகள் அனைவரையும் ஆங்கிலேய ஏகாதிபத்தியத்தினர் கொன்று விட்டதாகத்தான் கேள்விப்பட்டிருக்கிறோம்…நீங்கள் பெரியமருதுவின் எட்டாவது வாரிசு என்கிறீர்களே..?

நீங்கள் கேள்விப்பட்டதும் உண்மைதான். நான் சொல்வதும் உண்மைதான். பெரிய மருது, சின்ன மருதுவோடு சேர்த்து ஏறக்குறைய 500 பேருக்கு தூக்கு தண்டனையை நிறைவேற்றினர். அதோடு அவர்களின் கழுத்தை வெட்டிச் சாய்த்த சம்பவமும் நடந்திருக்கிறது. மருதுபாண்டியர்களின் ஆண் வாரிசுகளை நாடு கடத்திவிட்டார்கள். பெண் வாரிசுகளை விட்டுவிட்டார்கள். நான் பெண் வாரிசின் வம்சாவளியில் வந்தவன்தான்.

சுதந்திரப் போராட்டத்தில் மருதுபாண்டியர்களின் பங்களிப்பு எத்தகைய முக்கியத்துவம் வாய்ந்தது?

வரலாற்றின் பக்கங்களில் இடம்பெற்றிருக்கும் இந்தியாவின் முதல் சுதந்திரப் போர் 1857-ல் நடந்த சிப்பாய் கலகம்தான். மங்கள் பாண்டே என்பவரால் தொடங்கப்பட்ட இந்த கலகம், சலசலப்புதானே தவிர, போர் இல்லை. அதோடு இந்த கலகத்துக்கு சுதந்திரப் போராட்ட உணர்வை விட, மத அடிப்படையான காரணங்களே அதிகம் இருந்ததும் எல்லோருக்கும் தெரிந்த விஷயம்தான்.

ஆனால் சிப்பாய் கலகம் நடப்பதற்கு 57 ஆண்டுகளுக்கு முன்பே, ஏகாதிபத்தியத்தை எதிர்ப்பதற்காக பல பிரிவுகளில் இருப்பவர்களும் ஒன்றுபட வேண்டிய அவசியத்தை வலியுறுத்தி மருதிருவரால் திருச்சி மலைக்கோட்டையிலும், ஸ்ரீரங்கத்திலும் ஒட்டப்பட்ட “ஜம்புத்வீபப் பிரகடனம்’, (ஒஹம்க்ஷன்க்ஜ்ண்ல்ஹம் ஙஹய்ண்ச்ங்ள்ற்ர்) விவசாயிகள், நெசவாளர்கள், வணிகர்கள் என அனைத்துப் பிரிவினரையும் சுதந்திரக் கிளர்ச்சிகளில் பங்கேற்கும் உத்வேகத்தைத் தந்தது. 30 நாள்கள் போராட்டத்துக்குப் பிறகே சிவகங்கை கோட்டையை ஆங்கிலேயர்களால் பிடிக்கமுடிந்தது.

அப்படியும் ஆங்கிலேயர்களால் மருதிருவரைப் பிடிக்கமுடியவில்லை. 150 வீரர்களுடன் மருதிருவர் நடத்திய கொரில்லா போர்முறையை ஆங்கிலேயர்களால் தாக்குப்பிடிக்க முடியவில்லை. கொதிப்படைந்த ஆங்கிலேயர்கள் மருதிருவர் கட்டிய காளையார் கோவில் கோபுரத்தை தகர்க்கப் போவதாக செய்தி பரப்புகின்றனர். அதேசமயத்தில், மருதிருவரை உயிரோடோ, பிணமாகவோ பிடித்துத் தருபவர்களுக்கு 4000 கூலிச்சக்கரம், அவர்களின் சந்ததிகளுக்கு 3000 கூலிச்சக்கரம் பரிசு என்று அறிவிக்கின்றனர்.

ஒரு கூலிச்சக்கரம் என்பது மூன்று ரூபாய்க்குச் சமம். கோபுரத்தை காக்கும் பொருட்டு போரை நிறுத்தி விட்டு, பதுங்கியிருந்த மருதிருவரை பணத்திற்கு ஆசைப்பட்டு இந்த மண்ணின் மைந்தர்களே காட்டிக் கொடுக்கின்றனர். வீரத்தில் தொடங்கி துரோகத்தால் முடிந்த மருதிருவரின் சரித்திரத்தை ஆவணப்படுத்துவது எங்களின் கடமை என்று நினைத்தோம். செய்து முடித்தோம்.

நீங்கள் மருதிருவரின் வாரிசு என்பதால் இதைச் செய்ய வேண்டும் என நினைத்தீர்களா?

அது மட்டுமே காரணம் இல்லை. இந்தப் படத்தில் வீரபாண்டிய கட்டபொம்மன், ஊமைத்துரை, திப்புசுல்தான், அவரின் தளபதி என மருதிருவரின் சமகாலத்தில் வாழ்ந்த போராளிகளைப் பற்றியும் நிறையக் குறிப்புகள் இருக்கின்றன. கடவுளின் கருணையால் நேரிடையாகவும், மறைவாகவும் ஆயிரக்கணக்கான ஊழியர்களுக்கு பணியை அளிக்கும் நிலையில் இருக்கிறேன். அதனால் இந்த சி.டி.யை விற்பனைக்காக நான் தயாரிக்கவில்லை.

இந்த சி.டி.யை மக்களுக்கு நேரிடையாகக் கொண்டுசெல்லும் வகையில் அறிமுகக் கூட்டங்களை நடத்துகிறோம். வாரிசு என்பதால் மருதிருவர் பற்றிய படத்தை எடுத்திருக்கிறேன் என்கிறீர்கள். அடுத்து நாங்கள் எடுத்துக் கொண்டிருக்கும் படம், ஆங்கிலேயர் காலத்தில் வழக்கத்திலிருந்த “குற்றப்பரம்பரை’ என்ற சட்டத்தைப் பற்றியது. இந்தச் சட்டத்தின்படி படையாச்சி, கள்ளர்கள், மறவர்கள்…போன்று இந்தியா முழுவதும் 231 சாதிப் பிரிவில் இருக்கும் ஆண்கள் தினமும் இரவில் தங்களின் ரேகையை காவல் நிலையத்திலிருக்கும் பதிவுப் புத்தகத்தில் பதித்துவிட்டு, அங்கேயே தூங்கிவிட்டு, காலையில்தான் வீட்டுக்குச் செல்லவேண்டும் என்ற நிலை இருந்தது.

“ஆங்கிலேயர்களின் ஆட்சியில் நாம் எல்லோருமே குற்றப்பரம்பரையினராகத்தான் இருந்தோம். அப்படியிருக்கும்போதுநமக்குள் இன்றைக்கு ஏன் இவ்வளவு பிரிவினை? என்ற கேள்வியை சற்று உரக்கவே எழுப்பும் “ரேகை’ ஆவணப்படம்.

-என்றார் தீனதயாள பாண்டியன்.

இனி, இயக்குனர் தினகரன் ஜெய், “”வரலாற்று அறிஞர்களின் பார்வையில் ஜம்புத்வீபப் பிரகடனம் என்பது பிரெஞ்சுப் புரட்சியின்போது நிகழ்த்தப்பட்ட பாஸ்டில் சிறைத் தகர்ப்புக்கு இணையானதாக கருதப்படுகின்றது. 15 வயதான சின்ன மருதுவின் மகன் உள்பட 73 புரட்சியாளர்கள் நாடு கடத்தப்பட்டதாக குறிப்பு இருக்கிறது. சுதந்திரம் அடைந்து 57 வருடங்களுக்குப் பின்தான் மருதிருவரின் அஞ்சல்தலையை அரசு வெளியிட்டிருக்கிறது. அந்த வீரர்களின் சிதிலமான கோட்டைகளை, வாழ்விடங்களை, அவர்கள் பயன்படுத்திய பொருட்களை அரசுடமையாக்கிப் பாதுகாக்க வேண்டும். அதுதான் அந்த மாவீரர்களுக்கு நாம் செலுத்தும் நிஜமான மரியாதையாக இருக்கும்!” என்கிறார் தினகரன் ஜெய்.

Posted in Documentary, East India Company, Freedom, Independence, India, Kattabomman, Kings, Marudhu Paandiyar, Short Film, South India, Tamil, Tamil Nadu, War | 3 Comments »

Free Gas Connection in Tamil Nadu – Mu Karunanidi

Posted by Snapjudge மேல் ஓகஸ்ட் 15, 2006

ஏழைக் குடும்பங்களுக்கு பொங்கல் முதல் இலவச கேஸ் அடுப்பு; கருணாநிதியின் சுதந்திர தின அறிவிப்பு

இந்திய சுதந்திர தினத்தை ஒட்டி, தமிழக தலைநகர் சென்னையில், மாநில அரசின் தலைமை செயலகம் அமைந்துள்ள புனித ஜார்ஜ் கோட்டை கொத்தளத்தில், தமிழ்நாட்டின் முதல்வர் மு.கருணாநிதி இன்று செவ்வாய்க்கிழமை இந்திய தேசிய மூவண்ணக்கொடியை வைபவ ரீதியாக ஏற்றி வைத்தார்.

தமிழக முதல்வர் கருணாநிதி
தமிழக முதல்வர் கருணாநிதி

கடந்த மேமாதம் நடந்த தமிழக பொது தேர்தலில் வெற்றி பெற்று ஆட்சிக்கு வந்த மூன்று மாத காலத்தில், தமது தலைமையிலான தமிழக அரசு நிறைவேற்றிய முக்கிய மக்கள் நலத்திட்டங்களை பட்டியலிட்ட கருணாநிதி, தம் கட்சியின் சார்பில் தேர்தல் நேரத்தில் அளிக்கப்பட்ட வாக்குறுதிகளில் ஒன்றான வறுமைகோட்டிற்கு கீழே வாழும் ஏழை குடும்பங்களில், சமையல் எரிவாயு அடுப்பு இல்லாத குடும்பங்களுக்கு இலவச சமையல் எரிவாயு அடுப்பும், இலவச எரிவாயு இணைப்பும் வழங்கும் திட்டம் எதிர்வரும் பொங்கல் திருநாளில் இருந்து துவங்கும் என்று அறிவித்தார். இதற்காக 150 கோடிரூபாய் ஒதுக்கப்பட்டிருப்பதாகவும் அவர் தெரிவித்தார்.

 இலங்கை விமானப் படையின் வான் தாக்குதலில் 61 பாடசாலை சிறுமிகள் படுகொலை செய்யப்பட்டமை மனிதாபிமானம் ஒரு சிறிதும் அற்ற செயல்

 

தமிழ முதல்வர் மு கருணாநிதி

பின்னர், இன்று மாலை கருணாநிதி வெளியிட்டுள்ள ஒர் அறிக்கையில், இலங்கையில் முல்லைத்தீவுப்பகுதியில் இலங்கை விமானப் படையின் வான் தாக்குதலில் 61 பாடசாலை சிறுமிகள் படுகொலை செய்யப்பட்டமை மனிதாபிமானம் ஒரு சிறிதும் அற்ற செயல் என்று கண்டித்துள்ளார்.

இலங்கையின் இராணுவ நடவடிக்கைகளில் கொடுமை நிறைந்த நிகழ்ச்சியாக குழந்தைகள் காப்பகம் தாக்கப்பட்டு குண்டுமாரி பொழிந்து 60-க்கும் மேற்பட்ட இளஞ்சிறார்களை கொன்று குவித்திருப்பது மனிதாபிமானம் ஒரு சிறிதும் அற்ற செயல் என்று கூறியிருக்கும் கருணாநிதி, மனித நேயத்தில் தோய்ந்துள்ள எவராயினும் அவர்களால் மன்னிக்கப்பட முடியாத இதுபோன்ற நிகழ்ச்சிகளுக்கு முற்றுப்புள்ளி வைக்கப்பட வேண்டும் என்றும் தெரிவித்துள்ளார்.

இது இவ்வாறிருக்க, இலங்கையிலிருந்து தமிழ்நாட்டிற்கு வரும் அகதிகளின் எண்ணிக்கை மீண்டும் அதிகரிக்கத் தொடங்கியுள்ளது. இன்று ஒரே நாளில் மட்டும் சுமார் 180க்கும் மேற்பட்ட அகதிகள் ராமேஸ்வரம் வந்துள்ளதாக அங்கிருந்து வரும் தகவல்கள் தெரிவிக்கின்றன.

Posted in BBC, Budget, Chennai, Chief Minister, CM, Cooking Gas, DMK, Election, Free, Gas, Karunanidhi, Manifesto, Mu Karunanidi, South India, Tamil, Tamil Nadu, TamilNadu | Leave a Comment »

South Indian Film Chamber Election – Results

Posted by Snapjudge மேல் ஜூலை 31, 2006

நடிகர் சங்கத் தேர்தலில் சரத் அணி ஒட்டுமொத்த வெற்றி

சென்னை, ஆக. 1: தென்னிந்திய நடிகர் சங்கத் தேர்தலில் சரத்குமார் அணியினர் ஒட்டுமொத்தமாக வெற்றி பெற்றுள்ளனர்.

தி. நகர் நடிகர் சங்க வளாகத்தில் ஞாயிற்றுக்கிழமை காலை 8 மணி முதல் மாலை 6 மணி தேர்தல் வரை நடைபெற்றது. தபால் வாக்குகள் உள்பட மொத்தம் 1396 வாக்குகள் பதிவாகின.

ஞாயிறு இரவு 7 மணி முதல் திங்கள்கிழமை காலை 7 மணி வரை வாக்குகள் எண்ணப்பட்டு முடிவுகள் அறிவிக்கப்பட்டன.

செயலாளராக ராதா ரவி தேர்ந்தெடுக்கப்பட்டார். ராதா ரவிக்கு 992 வாக்குகளும் அவரை எதிர்த்துப் போட்டியிட்ட மன்சூர் அலி கானுக்கு 235 வாக்குகளும் கிடைத்தன.

துணைத் தலைவர்களாக நடிகை மனோரமா, நடிகர் விஜயகுமார் இருவரும் தேர்ந்தெடுக்கப்பட்டனர். மனோரமாவுக்கு 1084 வாக்குகளும், விஜயகுமாருக்கு 958 வாக்குகளும் கிடைத்தன.

பொருளாளராக கே.என். காளை தேர்ந்தெடுக்கப்பட்டார். காளைக்கு ஆதரவாக 720 வாக்குகளும், அவரை எதிர்த்துப் போட்டியிட்ட நல்லதம்பிக்கு 582 வாக்குகளும் கிடைத்தன.

24 செயற்குழு உறுப்பினர் பதவிக்கு 46 பேர் போட்டியிட்டனர். இதில் சரத்குமார் அணி சார்பாக போட்டியிட்ட 24 பேரும் வெற்றி பெற்றனர்.

வெற்றி பெற்றவர்கள்; அவர்கள் பெற்ற வாக்குகள் (அடைப்புக்குறிக்குள்):

1. முரளி (862)

2. சார்லி (849)

3. சத்யராஜ் (848)

4. சிலம்பரசன் (842)

5. அலெக்ஸ் (829)

6. ஸ்ரீபிரியா (810)

7. அப்பாஸ் (795)

8. செந்தில் (786)

9. பிரவீண்குமார் (773)

10. ஏ.கே.ராஜேந்திரன் (765)

11. பிரஷாந்த் (745)

12. ஸ்ரீகாந்த் (734)

13. “பசி’ சத்யா (722)

14. கே.ஆர்.செல்வராஜ் (704)

15. குண்டுகல்யாணம் (703)

16. ஆர்.வீரமணி (693)

17. மும்தாஜ் (693)

18. சி.எஸ்.பி.கண்ணன் (686)

19. ஏ.கே.வேணு (686)

20. ரங்கசாமி (681)

21. ஜெய்சீதாராமன் (664)

22. விந்தியா (654)

23. எம்.ராஜேந்திரன் (644)

24. ராஜ்குமார் (632)

புதிய நிர்வாகிகள் வரும் 4-ம் தேதி பதவியேற்கின்றனர்.

Posted in Actors, Actresses, Dinamani, Election, Kollywood, Sarathkumar, South India, Tamil | Leave a Comment »