Tamil News

BBC, Dinamani, Dinamalar, Maalai Malar et al

Archive for the ‘Jacques Chirac’ Category

Presidental Elections in France – SEGOLENE ROYAL vs. NICOLAS SARKOZY

Posted by Snapjudge மேல் ஏப்ரல் 24, 2007

பிரான்ஸ் நாட்டுத் தேர்தலின் அடுத்த கட்ட போட்டிக்குத் தயாராகும் இரு வேட்பாளர்கள்

அடுத்த கட்டத் தேர்தலுக்குத் தயாராகும் வேட்பாளர்கள்
அடுத்த கட்டத் தேர்தலுக்குத் தயாராகும் வேட்பாளர்கள்

பிரான்ஸில் மே மாதம் ஆறாம் திகதி நடக்கவுள்ள இறுதி முடிவுக்கான, இரண்டாவது கட்ட அதிபர் தேர்தல் வாக்களிப்புகளுக்கு முன்னதாக, முதற்சுற்றில் வெற்றி பெற்றவர்களான வலதுசாரி நிக்கொலஸ் சர்கோஷி மற்றும் சோசலிஸ எதிர்க்கட்சியைச் சேர்ந்த செகொலென் றோயல் ஆகியோர் தமது இரு வாரகால பிரச்சாரத்தை ஆரம்பிக்கிறார்கள்.

சர்கோஷி அவர்கள் டிஜொனிலும் றோயல் அவர்கள் தென்கிழக்கே வலன்ஸிலும் பிரச்சாரத்தை ஆரம்பிக்கிறார்கள்.

முதற்சுற்றில் சர்கோஷி அவர்கள் 30 வீத வாக்குகளையும், றோயல் அவர்கள் 26 வீத வாக்குகளையும் பெற்று, போட்டியிட்ட 12 வேட்பாளர்களில் முதல் இரு இடங்களைப் பெற்றனர்.

ஆகவே அடுத்த வாக்கெடுப்பில் இவர்கள் இருவர் மாத்திரம் போட்டியிடுவார்கள்.

அதிரடி மாற்றத்துக்கான வேட்பாளராகப் பார்க்கப்படுகின்ற சர்கோஷிக்கும், தாராளவாத இடதுசாரியாகப் பார்க்கப்படுகின்ற றோயல் அவர்களுக்கும் இடையிலான போட்டியில் யார் வெற்றி பெறுவார் என்பது மே மாதம் 6 ஆம் திகதிதான் தெளிவாகும்.

Posted in Bayrou, centrist, Chirac, Communism, Communist, Elections, France, Francois Bayrou, French, Green, Jacques Chirac, Jean-Marie Le Pen, Jospin, Left, LePen, Lionel Jospin, National Front, NICOLAS SARKOZY, Party, Popular Movement Union, President, Right, Royal, Sarkozy, SEGOLENE, SEGOLENE ROYAL, Socialist, UDF, UMP, Union for French Democracy, Vote, voters | Leave a Comment »

France’s Louvre museum to build a branch in Abu Dhabi

Posted by Snapjudge மேல் மார்ச் 6, 2007

அபுதாபியில் அருங்காட்சியகம் அமைக்க பிரான்சுடன் ஒப்பந்தம்

லூவ்ர் அருங்காட்சியகம்

அபுதாபியில் லூவ்ர் அருங்காட்சியகத்தை மாதிரியாகக் கொண்ட ஒரு அருங்காட்சியகத்தை அமைப்பதற்காகன ஒப்பந்தம் ஒன்றில் பிரான்சும், அபுதாபியும் கையெழுத்திட்டுள்ளன.

பாரிஸ் நகரில் உள்ள லூவ்ர் அருங்காட்சியகம் உலகின் உள்ள மிகவும் பிரசித்தி பெற்ற அருங்காட்சியகங்களில் ஒன்று.

ஒரு பில்லியன் டாலர்கள் மதிப்பிலான, 33 ஆண்டுகள் நீடிக்கக் கூடிய இந்த ஒப்பந்தத்துக்கு எதிராக பிரான்சில் எதிர்பலைகள் தோன்றியுள்ளன.

இதற்கு எதிரான மனுக்களில் ஆயிரக்கணக்கானோர் கையெழுத்திட்டுள்ளனர்.

பிரான்சின் பெருமைமிகு கலைச் சின்னத்தின் பெயரையும், அதில் இருக்கும் சில கலைப் பொருட்களையும் இரவல் தர சம்மதித்துள்ளதன் மூலம், பிரான்ஸ் நாட்டு அரசாங்கமானது, பிரான்சின் கௌரவமிக்க சின்னத்தின் மதிப்பை குறைத்து விட்டதாக எதிர்ப்பாளர்கள் குற்றம்சாட்டுகின்றனர்.

ஆனால் இந்த ஒப்பந்தத்தின் மூலம் இரு நாடுகளுக்கு இடையேயான கலாச்சார தொடர்புகள் மேம்படும் என்று பிரான்சும், அபுதாபியும் கூறுகின்றன. பிரான்சால் வடிவமைக்கப்பட்ட புதிய அருங்காட்சியகமானது 2012 ஆம் ஆண்டில் திறக்கப்படும்.

Posted in Abu Dhabi, architect, Art, branch, Culture, France, French, Guggenheim, Gulf, Jacques Chirac, Louvre, Musee d'Orsay, Museum, New York, Paris, Pompidou, satellite, UAE, United Arab Emirates, Versailles, Versailles palace | Leave a Comment »

Donors pledge 7.6 billion dollars for Lebanon rebuilding

Posted by Snapjudge மேல் ஜனவரி 25, 2007

லெபனானின் மீள் கட்டமைப்புக்கு 7.6 பில்லியன் டொலர்கள்

பிரான்ஸின் தலைநகர் பாரிஸில் நடைபெற்ற அனைத்துலக உதவி வழங்கும் மாநாட்டில், லெபனானை மீண்டும் கட்டியெழுப்ப 7.6 பில்லியன் டொலர்களை வழங்குவது என்று முடிவு செய்யப்பட்டுள்ளதாக பிரான்ஸ் நாட்டு அதிபர் ஜாக் ஷிராக் தெரிவித்துள்ளார்.

அமெரிக்கா, பிரான்ஸ், ஐரோப்பிய ஒன்றியம், சவுதி அரேபியா ஆகியவையும் உலக வங்கியும் இணைந்து வழங்கும் இந்த உதவி நிதியுதவியாகவும், கடனாகவும் வழங்கப்படவுள்ளது.

இஸ்ரேலுக்கும், ஹெஸ்பொல்லா அமைப்புக்கும் இடையில் கடந்த ஆண்டு நடந்த சண்டையை அடுத்து லெபனான் சாம்பலில் இருந்து மறு அவதாரம் எடுக்கிறது என்று ஜாக் ஷிராக் கூறினார்.

லெபனானுக்கு உதவி வழங்கும்படி அந்த நாட்டுப் பிரதமர் முன்னர் கோரிக்கை விடுத்திருந்தார்.

Posted in Ain el-Helweh, Beirut, EU, Fouad Siniora, France, Hezbolla, Hezbollah, Israel, Jacques Chirac, Lebanon, Palestine, Saudi Arabia, US | Leave a Comment »