Tamil News

BBC, Dinamani, Dinamalar, Maalai Malar et al

Archive for the ‘Bypolls’ Category

Madurai West Assembly bypolls during May end – Election Commission

Posted by Snapjudge மேல் ஏப்ரல் 3, 2007

மதுரை மேற்கு தொகுதிக்கு மே மாத இறுதியில் இடைத்தேர்தல்: தேர்தல் கமிஷன் ஏற்பாடு

சென்னை, ஏப். 3- மதுரை மேற்கு தொகுதி எம்.எல்.ஏ. ஆக இருந்தவர் எஸ்.வி. சண்முகம் (அ.தி.மு.க.).

கடந்த பிப்ரவரி மாதம் 5-ந்தேதி இவர் மரணம் அடைந்ததை தொடர்ந்து அங்கு இடைத்தேர்தல் நடத்த ஏற்பாடு நடந்து வருகிறது.இதற்காக தமிழக தலைமை தேர்தல் அதிகாரி நரேஷ் குப்தா 2 முறை மதுரை சென்று அதிகாரிகளுடன் ஆலோசனை நடத்தினார்.

புகைப்படத்துடன் கூடிய வாக்காளர் அடையாள அட்டையை முழுவதுமாக வழங்கி இந்த தேர்தலை நடத்த முடிவு செய்யப்பட்டது.

மதுரை மேற்கு தொகுதியில் கடந்த தேர்தலின்போது 1 லட்சத்து 81 ஆயிரத்து 710 பேர் பெயர்கள் வாக்காளர் பட்டியலில் இருந்தது.

இதை ஆய்வு செய்து 35 ஆயிரம் போலி பெயர்களை நீக்கி புதிதாக வரைவு வாக்காளர் பட்டியல் கடந்த 26-ந்தேதி வெளியிடப்பட்டது. போட்டோவுடன் கூடிய இந்த வாக்காளர் பட்டியலில் பெயர் சேர்த்தல், நீக்குதல், ஆட்சேபனை இருந்தால் தெரி விக்க தற்போது அவகாசம் கொடுக்கப்பட்டுள்ளது. இந்த மாத கடைசியில் இறுதி வாக் காளர் பட்டியல் வெளியிடப்படுகிறது.

இதன் பிறகு தேர்தல் பணிகளில் அதிகாரிகள் தீவிர கவனம் செலுத்த உள்ளனர்.

தேர்தல்எப்போது நடை பெறும் என்று உயர் அதிகாரி ஒருவரிடம் கேட்டபோது, அவர் கூறியதாவது:-

சட்டசபை கூட்டத்தொடர் வருகிற மே 11-ந்தேதி வரை நடைபெறுகிறது. அதன் பிறகு தான் தேர்தல் நடத்தப்படும். ஆகஸ்டு மாதம் வரை தேர்தலை நடத்த கால அவகாசம் இருந் தாலும் மே மாதம் தான் தேர்தல் நடத்த உகந்ததாக கருதுகிறோம்.

விடுமுறை காலமாக மே மாதம் இருப்பதால் தேர்தல் நடத்த வசதியாக இருக்கும். அனேகமாக மே மாதம் கடைசி வாரம் ஏதாவதுஒரு தேதியில் தேர்தல் நடத்தப்படலாம் என எதிர்பார்க்கிறோம். எந்த தேதி என்பது டெல்லியில் இருந்து அறிவிக்கப்படும்.

இவ்வாறு அந்த அதிகாரி கூறினார்.

மதுரை மேற்கு தொகுதி முழுக்க முழுக்க நகர் பகுதியில் 20 வார்டுகளை உள்ளடக்கி உள்ளது. இப்போதே அரசியல் கட்சிகள் `பூத்’ கமிட்டிகளை அமைத்து தேர்தலுக்கு தயாராக உள்ளன. காலமான எஸ்.வி. சண்முகம் அ.தி.மு.க.வில் நின்று வெற்றி பெற்றாலும் எம்.எல்.ஏ. ஆன பிறகு தி.மு.க. ஆதரவாளராக மாறினார். இதனால் அவருடன் அ.தி.மு.க. வினர் யாரும் தொடர்பு வைக் காமல் இருந்தனர்.

இந்த முறை இந்த தொகுதியை மீண்டும் அ.தி.மு.க. தக்கவைக்க கடுமை யாக தேர்தல் வேலையில் ஈடுபடும் என தெரிகிறது.

தி.மு.க. கூட்டணியில் காங்கிரஸ் கட்சி கடந்த முறை போட்டியிட்டது. இந்த முறை யும் காங்கிரஸ் கட்சியே இங்கு போட்டியிட உள்ளது. இது தவிர தே.மு.தி.க., பா.ஜனதா ஆகிய கட்சிகளும் களத்தில் மோதும் என தெரிகிறது.

ஓட்டு விவரம்:-

கடந்த தேர்தலில் வேட்பாளர்கள் வாங்கிய ஓட்டு விவரம் வருமாறு:-

  1. எஸ்.வி. சண்முகம் (அ.தி.மு.க.) – 57,208
  2. பெருமாள் (காங்கிரஸ்) – 53,741
  3. மணிமாறன் (தே.மு.தி.க.) – 14,527
  4. பகவதி (பா.ஜனதா) -1,851

Posted in ADMK, Assembly, BJP, Bypolls, Congress, DMDK, DMK, EC, Election, election commission, Elections, Electorate, Madurai, Madurai West, Polls, Scarcity, SV Shanumgam, SV Shanumgham, Vijaiganth, Vijayganth, Water | 1 Comment »

Madurai Central Election Observers visit Rameswaram & Thekkadi while parties resort to Violence

Posted by Snapjudge மேல் ஒக்ரோபர் 12, 2006

மத்திய தொகுதியில் வன்முறை நடந்தபோது தேக்கடிக்கு சுற்றுலா சென்ற தேர்தல் பார்வையாளர்கள்: பரபரப்பு தகவல்

மதுரை, அக். 12-

மதுரை மத்திய தொகுதி ஓட்டுப்பதிவு நேற்று பெரிய அசம்பாவிதங்கள் ஏதுமின்றி நடந்து முடிந்தது. தேர்தலை கண்காணிக்கவும், செலவு விபரங்களை கணக்கிடவும் சஞ்சீவ்குமார், மீனா ஆகிய இரண்டு பார்வையாளர்களை மத்திய தேர்தல் ஆணையம் மதுரைக்கு அனுப்பி வைத்தது.

கடந்த செப்டம்பர் மாதம் இறுதியிலேயே மதுரைக்கு வந்துவிட்ட அவர்கள் தேர்தல் நடவடிக்கைகளை கண்காணிக்கும் பணியில் ஈடுபட்டனர்.

இந்த நிலையில் கடந்த 5-ந்தேதி மதுரை மத்திய தொகுதிக்குட்பட்ட சின்னக் கடை வீதியில் தி.மு.க-அ.தி. மு.க.வினர் இடையே திடீர் மோதல் ஏற்பட்டது. வாக்கா ளர்களுக்கு தி.மு.க.வினர் பணம் கொடுக்க முயன்றதாக வும் அதை அ.தி.மு.க.வினர் தடுக்க முயன்றபோது தகராறு மூண்டதாகவும் கூறப்பட்டது. இதில் அ.தி.மு.க. வேட்பாளர் ராஜன் செல்லப்பாவின் கார் உடைக்கப்பட்டது. அவர் ஆதர வாளர்களும் தாக்கப்பட்டனர்.

இது பற்றி ராஜன் செல்லப்பா தேர்தல் பார்வையாளர்களுக்கு தகவல் கொடுத்தார். மேலும் பெரியார் பஸ் நிலையம் எதிரே மறியல் செய்து விட்டு போலீஸ் கமிஷனரிடமும் புகார் கூறினார்.ஆனால் போலீசார் இதில் உரிய நடவடிக்கை எடுக்க வில்லை என அ.தி.மு.க.வினர் மதுரை ஐகோர்ட்டில் வழக்கு தொடர்ந்தனர். இதன் காரணமாக மதுரை போலீஸ் கமிஷனர் சிதம்பரசாமி நீக்கப்பட்டு புதிய கமிஷனர் நியமிக்கப்பட்டார். மேலும் இரண்டு போலீஸ் துணை கமிஷனர்களுக்கும் தேர்தல் பணி வழங்கக்கூடாது என்று உத்தரவிடப்பட்டது.

ஆனால் இந்த கலவரங்களின்போது மத்திய தேர்தல் பார்வையாளர்கள் என்ன செய்தார்கள். சம்பவ இடத்திற்கு அவர்கள் நேரில் சென்று விசாரணை நடத்தினார்களா என்ற கேள்வி எழுந்தது.

இதில் சம்பவம் நடந்த 5-ந்தேதி தேர்தல் பார்வையாளர் சஞ்சீவ்குமார் கேரளாவில் உள்ள தேக்கடிக்கு சுற்றுலா சென்றதாக தெரிய வந்துள்ளது. அவர் தன் உதவியாளருடன் விடுமுறை எடுக்காமல் அலுவலக காரிலேயே அங்கு சென்றிருப்பது தெரியவந்துள்ளது.

தேக்கடியில் பார்வையாளர் சஞ்சீவ்குமார் எடுத்துக் கொண்ட புகைப்படங்களும், அவரது உதவியாளர் கொடுத்த தகவல்களும் சஞ்சீவ்குமார் அங்கு சென்றார் என்பதை உறுதிப்படுத்துவதாக உள்ளது என்று வருவாய்த்துறை அதிகாரிகள் தெரிவித்தனர்.

இதற்கிடையே தேர்தல் செலவு கணக்கை பார்வையிட வந்த மீனாவும் அதே நாளில் ராமேசுவரம் சென்றதும் தெரிய வந்துள்ளது. இவர் செப்டம்பர் மாத இறுதியிலும் இதுபோல ராமேசுவரத்துக்கு சென்று வந்தார்.

இதனால் தேர்தல் நேரத்தில் திடீரென நடக்கும் சம்பவங்களை இவர்களால் கண்காணிக்கவும் நடவடிக்கை எடுக்க முடியாமலும் போய் விட்டது.

கடந்த மே மாதம் சட்டசபை தேர்தல் நடந்தபோது இது போல மதுரைக்கு தேர்தல் பார்வையாளராக வந்தவர்கள் கொடைக்கானலுக்கும் கேரளாவுக்கும் இன்பச் சுற்றுலா சென்றது பத்திரிகை களில் வெளியானது. இதை யடுத்து அவர்களை தேர்தல் ஆணையம் உடனே திரும்ப அழைத்து கொண்டனர் என்பது குறிப்பிடத்தக்கது.

Posted in ADMK, Bypolls, DMK, Election, Government, Madurai Central, Observers, Poll, Rameswaram, Thekkadi, Violence | Leave a Comment »