Kosovo: Ex-President Of Finland Martti Ahtisaari wins Nobel Peace Prize for a (failed) plan: Honored for efforts as international mediator

---

ஃபின்லாந்தின் முன்னாள் அதிபருக்கு அமைதிக்கான நொபெல் பரிசு

	மார்த்தி அஹ்திஸாரி

சமாதானத்துக்கான இந்த வருட நோபல் பரிசு ஃபின்லாந்து நாட்டின் முன்னாள் அதிபரான மார்த்தி அஹ்திஸாரி அவர்கள்க்கு வழங்கப்பட்டுள்ளது.

அவர் ஒரு சிறந்த மத்தியஸ்தர் என்றும், முப்பது வருடத்துக்கும் அதிகமான காலப்பகுதியில், உலகின் பல பாகங்களில் முரண்பாடுகளை தீர்க்க அவர் உதவியுள்ளார் என்று நோபல் பரிசுக்குழு கூறியுள்ளது.

மிகவும் சிக்கலான பிரச்சினைகளான கொசோவா பிரச்சினை மற்றும் இந்தோனேசியாவின் அச்சே மாகாண பிரச்சினை ஆகியவற்றை தீர்த்து வைப்பதற்கான முயற்சிகளில் நடுநாயகமாக அவர் திகழ்ந்துள்ளார் என்றும் அந்தக் குழு கூறியுள்ளது.

அனைத்து முரண்பாடுகளும் தீர்த்து வைக்கப்படக் கூடியவைதான் என்ற முடிவுக்கு தான் வந்துள்ளதாகக் கூறும் அஹ்திஸாரி அவர்கள், தீர்க்கப்படாத பல பிரச்சினைகளை தொடர்ந்து வைத்திருப்பது, சர்வதேச சமூகத்துக்கு ஒரு அபகீர்த்தி என்று குறிப்பிட்டுள்ளார்.

---

Self-Sustaining Life Form Found in Deep Recesses of the Earth: Goldmine Bug DNA May Be Key to Alien Life: One-Organism Ecosystem Discovered in South Africa: Planet’s loneliest bug revealed

---

தென்னாப்ப்பிரிக்க தங்கச் சுரங்கத்தில் புதிய நுண்ணுயிர் கண்டுபிடிப்பு

தென்னாபிரிக்காவில் தங்கச் சுரங்கங்களில் தற்போது கண்டுபிடிக்கப்பட்டுள்ள பாக்டீரியா ஒன்று, ஏனைய கோள்களில் காணப்படும் உயிரினங்கள் எவ்வாறு அங்குள்ள கடுமையான சுற்றாடலைத் தாக்குப்பிடித்து வாழுகின்றன என்பதற்கான துப்பை கொடுத்துள்ளதாக ஆய்வாளர்கள் கூறுகிறார்கள்.

‘டெசுல்போருட்யிட்ஸ் ஔடக்வியேட்டர்’ என்னும் இந்த உயிரினம் பிராணவாயு இல்லாமலேயே உயிர் வாழும் என்பதுடன், அது வாழும் இடத்தில் காணப்படுகின்ற ஒரே உயிரினம் இது மாத்திரமே – அதாவது – உயிர் வாழ்வதற்கு வேறு எந்த உயிரினத்தையும் இது சார்ந்திருக்கவில்லை.

ஒளியே இல்லாத இடத்தில் உயிர் வாழ்வதுடன், ஒரு உயிரி தானாகவே இனப்பெருக்கமும் செய்துகொள்கிறது.

கார்பன், நைட்ரஜன் போன்றவை மாத்திரமே இது உயிர் வாழ்வதற்கு தேவையானவையாகும்.

சக்திக்காக இது சூரியனில் சார்ந்திராமல் நீர், ஹைட்ரஜன் மற்றும் சல்பேட் ஆகியவற்றையே நம்பியிருக்கிறது.

---

Suicide attack on Pakistan tribal gathering kills 85: Pak. tribes raze Taliban houses after bombing: Orakzai jirga

---

பாகிஸ்தான் தற்கொலை குண்டுத் தாக்குதலில் 15 பேர் பலி

பாகிஸ்தானின் வடமேற்கு பகுதியில், பழங்குடியின நிர்வாக சபை ஒன்றின் கூட்டத்தில் தற்கொலையாளி ஒருவர் குண்டை வெடிக்கச் செய்ததில் 15 பேர் கொல்லப்பட்டனர். மேலும் பலர் அதில் காயமடைந்ததாக கூறப்படுகிறது.

அந்தப் பகுதியில் இயங்கும் தலிபான்களுக்கு எதிராக ஒரு பழங்குடியின ஆயுதக்குழுவை உருவாக்குவதற்காகவே இந்தக் கூட்டம் ஒரக்ஸாய் பிராந்தியத்தில் கூட்டப்பட்டது.

600 பேர் கலந்துகொண்ட கூட்டத்துக்குள் நடந்து சென்ற தற்கொலையாளி குண்டை வெடிக்கச் செய்ததாக ஒரு பிபிசி செய்தியாளர் தெரிவித்துள்ளார்.