Tamil News

BBC, Dinamani, Dinamalar, Maalai Malar et al

Archive for மே 5th, 2008

The man behind ‘Anand’ & ‘Little Anand’: G Umapathy – Rajaraja Chozhan to Agni natchathiram

Posted by Snapjudge மேல் மே 5, 2008

திரைப்பட வரலாறு 913
ஜி.உமாபதி உருவாக்கிய “ராஜராஜ சோழன்”
தென்னாட்டின் முதல் `சினிமாஸ்கோப்’ படம்

சிவாஜிகணேசன் நடித்த “ராஜராஜசோழன்”, தென்னாட்டின் முதல் சினிமா ஸ்கோப் படம். இதைத் தயாரித்த ஜி.உமாபதி, உழைப்பால் உயர்ந்த தொழில் அதிபர்.

சென்னையில், ஒரு எளிய ஏழைக் குடும்பத்தில் பிறந்தவர் உமாபதி. தந்தை பெயர் கோவிந்தசாமி முதலியார். பள்ளிக்கூடம் சென்று படிக்க விரும்பினாலும், ஏழ்மை அதற்கு இடம் கொடுக்கவில்லை.

குழந்தைத் தொழிலாளி

12-வது வயதில், ஒரு அச்சகத்தில் வேலைக்கு சேர்ந்தார். கடினமாக உழைத்தார். அச்சுத் தொழில் நுட்பங்களை நன்கு கற்றுக்கொண்டார்.

பிறகு சொந்தமாக அச்சகம் தொடங்கினார். அதுதான் “உமா அச்சகம்.” பிறகு, அட்டைப்பெட்டிகள் தயாரிக்கும் தொழிற்சாலை தொடங்கினார். அதன் மூலம், வெற்றிகரமான தொழில் அதிபராக உயர்ந்தார்.

அரசியல்

இளைஞர் உமாபதிக்கு அரசியலிலும் ஆர்வம் வந்தது. காந்தி, நேதாஜி, காமராஜர், அண்ணா, கலைஞர் கருணாநிதி ஆகியோருடைய அரசியல் பணி கள் அவரை ஈர்த்தன. சிலம்புச் செல்வர் ம.பொ.சி. தொடங்கிய தமிழரசு கழகத்தில் சேர்ந்து, அதன் முக்கியத் தலைவர்களில் ஒருவரானார். திருத்தணியை மீட்க நடந்த போராட்டத்திலும், தேவிகுளம் பீர்மேடு மீட்பு போராட்டத்திலும் கலந்து கொண்டு, 2 முறை சிறை சென்றார்.

“உமா” இலக்கிய இதழ்

இலக்கியத்தில் மிகுந்த ஆர்வம் கொண்ட உமாபதி, “உமா” என்ற இலக்கிய மாத இதழைத் தொடங்கி நடத்தினார்.

வண்ண ஓவியங்கள் வரைவதில் தனிச்சிறப்பு பெற்ற கே.மாதவன் வரைந்த படங்களையே தொடர்ந்து அட்டைப் படங்களாக வெளியிட்டார்.

நவீன தியேட்டர்

கட்டிடக் கலையில் ஆர்வம் மிக்கவரான உமாபதி, சினிமா தியேட்டர் ஒன்றை நவீன வடிவமைப்பில் அமைக்க விரும்பினார். இதற்காக அவர் மும்பை சென்றார். அங்கு இந்தியாவிலேயே முதன் முதலாக நவீன வடிவமைப்பில் பிரமாண்டமாகக் கட்டப்பட்ட “மராத்தா மந்திர்” தியேட்டரை பார்த்து, அதற்கான செலவு முதலான விவரங்களை கேட்டறிந்தார்.

சிவாஜிகணேசனும், உமாபதியும் நல்ல நண்பர்கள். சென்னையில் ஒரு நவீன திரையரங்கம் கட்டவேண்டும் என்ற தன் விருப்பத்தை உமாபதியிடம் சிவாஜி தெரிவித்தார். தியேட்டரை அமைக்கும் பொறுப்பை உமாபதி ஏற்றார்.

சாந்தி தியேட்டர்

அதன்படி கட்டப்பட்டதுதான், அண்ணா சாலையில் உள்ள “சாந்தி தியேட்டர்.” சினிமாஸ்கோப் படங்களை திரையிடுவதற்கென்றே அகன்ற திரை அமைக்கப்பட்டது. 1,212 பேர் அமர்ந்து படம் பார்க்க முடியும். `பால்கனி’யில் மட்டும் 419 பேர் உட்காரலாம்.

இந்த பிரமாண்டமான “ஏசி” தியேட்டரை, பெருந்தலைவர் காமராஜர் 1960-ல் திறந்து வைத்தார்.

இதுபற்றி உமாபதியின் மகன் `இளம்பாரி’ கருணாகரன் கூறியதாவது:-

“சிவாஜி கேட்டுக்கொண்டதன் பேரில்தான் சாந்தி தியேட்டரை என் தந்தை கட்டினார். சிலர், `இந்த திரை அரங்கை கட்டிய உமாபதி, அதை நடத்த முடியாமல் சிவாஜிக்கு விற்றுவிட்டார்’ என்று கூறினார்கள்.

இது என் தந்தையை உசுப்பி விட்டது. தனக்கு என்று ஒரு தியேட்டரை உருவாக்க வேண்டும் என்று முடிவு செய்தார். அதன் விளைவாக, அண்ணா சாலையில் ஆயிரம் விளக்குப் பகுதியில் கட்டப்பட்டதுதான் “ஆனந்த் தியேட்டர்.” இதை, 1963-ல் பெருந்தலைவர் காமராஜர் திறந்து வைத்தார்.

இதுதான், தென்னாட்டில் கட்டப்பட்ட முதலாவது “70 எம்.எம்” தியேட்டர்.

ஆனந்த் தியேட்டர் வளாகத்திலேயே, “லிட்டில் ஆனந்த்” என்ற மற்றொரு திரையரங்கத்தையும் கட்டினார்.

இதில் முதன் முதலாக திரையிடப்பட்ட படம் “ஆராதனா.” ராஜேஷ் கன்னா – சார்மிளா டாகூர் நடித்த இந்த இந்திப்படம் 100 வாரங்கள் ஓடி, சாதனை படைத்தது.”

இவ்வாறு கருணா கரன் கூறினார்.

ராஜராஜசோழன்

உமாபதிக்கு அரசியல் தலைவர்களுடன் மட்டுமின்றி, திரைஉலகக் கலைஞர்களிடமும் நட்பு உண்டு.

எனவே, திரைப்படம் தயாரிக்கும் ஆர்வம் ஏற்பட்டது. தான் தயாரிக்கும் படம் வணிக ரீதியான படமாக இருக்கக்கூடாது, தமிழ்நாட்டின் வரலாற்றுச் சிறப்பை எடுத்துக்காட்டும் கலைப்படைப்பாக இருக்க வேண்டும் என்று விரும்பினார். அதன்படி உருவானதுதான் “ராஜராஜசோழன்.” தென்னாட்டின் முதல் “சினிமாஸ்கோப்” படம்.

இந்த காலக்கட்டத்தில், இந்தி நடிகை மீனாகுமாரி தயாரித்து நடித்த “பகீஜா” என்ற இந்தி சினிமாஸ்கோப் படம் இந்தியா முழுவதும் வெற்றிகரமாக ஓடியது. உமாபதி தன் மகன் கருணாகரனை மும்பைக்கு அனுப்பி, சினிமாஸ்கோப் படத்தின் தொழில் நுட்பங்களை அறிந்து வரச்செய்தார்.

பிரபல எழுத்தாளர் அரு.ராமநாதன் கதை-வசனம் எழுதி, டி.கே.சண்முகம் சகோதரர்களால் நாடகமாக நடிக்கப்பட்டு வந்ததுதான் “ராஜராஜசோழன்.”

திரைப்படத்துக்கான திரைக்கதை – வசனத்தையும் அரு.ராமநாதன் எழுதினார். சிவாஜிகணேசன் ராஜராஜசோழனாக நடித்தார்.

மற்றும் டி.ஆர்.மகாலிங்கம், முத்துராமன், சிவகுமார், எம்.என்.நம்பியார், எஸ்.வரலட்சுமி, லட்சுமி ஆகியோரும் நடித்தனர். படத்தை ஏ.பி.நாகராஜன் டைரக்ட் செய்தார். குன்னக்குடி வைத்தியநாதன் இசை அமைத்தார்.

பெரியகோவில்

தஞ்சை பெரியகோவிலை கட்டியவர் ராஜராஜசோழன். எனவே, கோவில் கட்டப்படும் காட்சியை பிரமாண்டமாக எடுக்க உமாபதி விரும்பினார்.

ஆனால் கோவிலுக்குள் படப்பிடிப்பை நடத்த மத்திய அரசு அனுமதிக்கவில்லை.

எனவே, வாசு ஸ்டூடியோவில் பிரமாண்டமான “செட்” போட்டு, அக்காட்சியை படமாக்கினார்கள்.

“ராஜராஜசோழன்” சென்னையில் ஆனந்த் தியேட்டரில் திரையிடப்பட்டது. தமிழ்நாட்டின் பல முக்கிய நகரங்களில் உள்ள தியேட்டர்களில், “சினிமாஸ்கோப்” படங்களை திரையிடும் வசதி அப்போது இல்லை. இதன் காரணமாக, உமாபதியே பல நகரங்களுக்கு ஆட்களை அனுப்பி தன் சொந்த செலவில் தியேட்டர்களில் திரை, “லென்ஸ்” ஆகியவற்றை மாற்றி அமைத்து படத்தைத் திரையிட்டார்.

“ராஜராஜசோழன்” சென்னையில் நூறு நாட்கள் ஓடியது என்றாலும், மொத்தத்தில் கணக்கு பார்த்தபோது லாபமும் இல்லை; நஷ்டமும் இல்லை.

வணிக ரீதியில் வெற்றி பெறாவிட்டாலும், தமிழ்நாட்டின் கலாசாரத்தைப் பிரதிபலிக்கும் சிறந்த படத்தைத் தயாரித்ததில் பெருமை அடைந்தார், ஜி.உமாபதி.

திரைப்பட வரலாறு :(914)
மணிரத்னம் இயக்கிய “அக்னி நட்சத்திரம்” படத்தில் உமாபதி நடித்தார்!

பிரபல டைரக்டர் மணிரத்னம் இயக்கிய “அக்னி நட்சத்திரம்” படத்தில் ஜி.உமாபதி நடித்தார்.

இந்தப்படத்தில் பிரபு, கார்த்திக் இருவரும் இணைந்து நடித்தனர்.

சிவகாமியின் சபதம்

“ராஜராஜசோழன்” படம் வெளிவந்தபின், எம்.ஜி.ஆரும், உமாபதியும் சந்தித்தனர். இதுபோன்ற பிரமாண்டமான சரித்திரப்படத்தில் நடிக்க தனக்கு ஆர்வம் இருப்பதாக எம்.ஜி.ஆர். கூறினார்.

“கல்கி”யின் “சிவகாமியின் சபதம்” கதையை படமாக்குவது பற்றி பரிசீலனை நடந்தது. ஆனால், இந்தத் திட்டம் நிறைவேறவில்லை.

மணிரத்னம் அழைப்பு

உமாபதி கம்பீரத்தோற்றம் உள்ளவர். பேசுகிற முறையிலும் தனி பாணி இருந்தது.

பட அதிபர் `ஜிவி’, டைரக்டர் மணிரத்னம் ஆகியோரின் தந்தையான ரத்னம் அய்யரும், உமாபதியும் நண்பர்கள். இருவரும் அடிக்கடி சந்தித்துப் பேசுவது வழக்கம்.

அப்போது உமாபதியை மணிரத்னம் பார்த்திருக்கிறார். தனது “அக்னி நட்சத்திரம்” படத்தில் உமாபதியை நடிக்க வைக்க விரும்பினார்.

தன் நண்பரின் மகன் என்பதாலும், பெரிய டைரக்டர் என்பதாலும், மணிரத்னத்தின் கோரிக்கையை உமாபதியால் தட்ட முடியவில்லை. நடிப்பதற்கு ஒப்புக்கொண்டார். என்றாலும் சில நிபந்தனைகளை விதித்தார். “நான் எப்போதும் அணிகிற வெள்ளை வேட்டி-சட்டையில்தான் நடிப்பேன். எந்தவித மேக்கப்பும் போட்டுக்கொள்ள மாட்டேன். இதற்கு சம்மதித்தால், நடிக்கிறேன்” என்றார், உமாபதி.

அதற்கு மணிரத்னம் சம்மதித்தார்.

படத்தில், ஒரு ஐ.ஏ.எஸ். அதிகாரியிடம் உமாபதி பேசுவதுபோல் ஒரு காட்சி வரும். அப்போது, “நானும் குடும்பஸ்தன்தான். எனக்கு 6 பிள்ளைகள் இருக்கிறார்கள். நான் நல்லவன். என்னைக் கெட்டவனாக மாற்றிவிடாதே” என்பார்.

இது, டைரக்டர் எழுதிக் கொடுத்த வசனம் அல்ல; உமாபதி அவராகப் பேசியது! படத்துக்குப் பொருத்தமாக இருந்ததால், மணிரத்னம் “ஓகே” சொல்லிவிட்டார்.

பிரபு, கார்த்திக் இணைந்து நடித்த “அக்னி நட்சத்திரம்”, வெற்றிப்படமாக அமைந்தது. இதுபற்றி உமாபதி மகிழ்ச்சி அடைந்தார்.

ஆயினும், உமாபதி நடித்தது வில்லன் போன்ற பாத்திரம். ஆதலால், அவருடைய மகள்கள் வருத்தம் அடைந்தனர். அதற்கு, “அது வெறும் நடிப்புதானே” என்று உமாபதி சமாதானம் கூறினார்.

ஆனாலும், தன் நண்பர்களிடம் பேசும்போது, “சினிமாவில் நடித்ததில் எனக்கு பாதி மகிழ்ச்சி; பாதி வருத்தம். ஒரு வில்லன் போல நடிக்க வேண்டியிருந்ததில் வருத்தம்; ஒரு படத்தில் முகம் காட்டிய நிலையிலேயே எல்லோருக்கும் தெரிந்தவனாகி விட்டது மகிழ்ச்சி. நான் எவ்வளவோ சிரமப்பட்டேன். போராட்டங்களில் கலந்து கொண்டேன்; சிறை சென்றேன்; திரையரங்குகள் கட்டினேன்; படம் எடுத்தேன்; பல அரசியல் தலைவர்களுடன் பழகியிருக்கிறேன். பத்திரிகை நடத்தியிருக்கிறேன். அப்போதெல்லாம் கிடைக்காத புகழும், அடையாளமும் ஒரு படத்தில் நடித்ததன் மூலம் கிடைத்துவிட்டது” என்று கூறுவது வழக்கம்.

எதிர்பார்க்கக்கூடாது

கடைசிவரை, யாரையும் எதிர்பார்த்து வாழக்கூடாது என்பது உமாபதியின் கொள்கை. பிள்ளைகளிடம் கூட எதிர்பார்த்து நிற்கக்கூடாது என்பார்.

அவர் கடைசியாக மருத்துவமனைக்கு செல்லும்போதுகூட, ஒரு குறிப்பிட்ட தொகையை முன்னதாகவே செலுத்திவிட்டுத்தான் `அட்மிட்’ ஆகியிருக்கிறார். இதுபற்றி குடும்பத்தினரிடமும் சொல்லவில்லை. அவர் மறைவுக்குப் பின்னர், மீதித் தொகையை ஆஸ்பத்திரி நிர்வாகம் அனுப்பி வைத்தது. அப்போதுதான் குடும்பத்தினருக்கே தெரியும்.

கருணாகரன்

உமாபதி மறைக்குப் பிறகு ஆனந்த் தியேட்டரை நிர்வாகித்து வந்த அவர் மகன் உ.கருணாகரன், தியேட்டருக்கு பதிலாக வணிக வளாகம் அமைப்பதில் ஈடுபட்டுள்ளார்.

இதுபற்றி அவர் கூறியதாவது:-

“டெலிவிஷன் வந்த பிறகு, சினிமா தியேட்டருக்கு வந்து படம் பார்க்கும் வழக்கம் பொதுமக்களிடம் குறைந்து விட்டது. சினிமா படங்களைவிட, சின்னத்திரையில் ஒளிபரப்பாகும் தொடர்களை (சீரியல்) விரும்பிப் பார்க்கிறார்கள்.

இதன் காரணமாக சனி, ஞாயிறு தவிர இதர 5 நாட்களும் பெரும்பாலான தியேட்டர்கள் நஷ்டத்தில்தான் நடக்கின்றன.

வணிக வளாகம்

எனவே தியேட்டருக்கு பதிலாக, வணிக வளாகம் கட்டுகிறோம்.

வணிக நிறுவனங்களுடன், அதிநவீனமான சிறிய தியேட்டர்களையும் அமைக்க எண்ணியுள்ளோம். வணிக வளாகங்களுக்கு தினமும் ஆயிரக்கணக்கானவர்கள் வந்து போவார்கள் என்பதால், சிறிய தியேட்டர்கள் நஷ்டம் இல்லாமல் செயல்பட முடியும்.”

இவ்வாறு கருணாகரன் கூறினார்.

Posted in Tamil, Tamil Nadu | குறிச்சொல்லிடப்பட்டது: , , , , , , , , , , | 1 Comment »

Guntur chilli market fire: 500 shops gutted in Asia’s biggest Mirchi market

Posted by Snapjudge மேல் மே 5, 2008

ஆந்திராவில் மிளகாய்ச் சந்தையில் தீவிபத்து

மிளகாய் சந்தை பற்றி எரிந்தது
மிளகாய் சந்தை பற்றி எரிந்தது

தென்னிந்தியாவிலே, ஆந்திர மாநிலம் குண்டூரில் இந்தியாவின் மிகப் பெரிய மிளகாய்ச் சந்தைகளில் ஒன்றில் பெரிய அளவில் தீ பரவியதில் அந்தச் சந்தை பெரும் சேதத்துக்குள்ளாகியிருக்கிறது.

பெருமளவிலான மிளகாய் தீயில் கருகியதால், அவ்விடத்தைச் சுற்றியும் காரமான நெடியுடன் கண் எரிச்சல் தருகின்ற புகை பரவியிருப்பது, தீயைக் கட்டுப்படுத்த முயலும் தீயணைப்புப் படையினருக்கு தடங்கலை ஏற்படுத்தியுள்ளது.

இந்த சம்பவத்தில் ஆட்கள் யாருக்கும் பாதிப்பு இல்லை என்று கூறப்படுகிறது. தீ எவ்வாறு பரவியது என்ற விபரம் இதுவரை தெளிவாகவில்லை.

The Hindu Business Line : Guntur chilli market yard gutted, loss estimated at Rs 55 cr: “AP Govt to decide on compensation package after insurance payment

A major fire broke out in the Guntur chilli market yard, the biggest one in the country for the spice, on Saturday, heavily damaging chilli stocks and even a branch of Andhra Bank.

As per the initial enquiry conducted by the Andhra Pradesh Government, out of the 2,01,000 bags of chillies, 1,90,000 bags were burnt.

“There was a stock of 1,06,000 bags of chillies of farmers and 95,000 bags belonging to purchasers at the time of the fire. The total damage including that of infrastructure is estimated to be around Rs 55 crore, while around Rs 30 crore worth of chillies were burnt,” the Chief Minister, Dr Y.S. Rajasekhara Reddy, told a press conference after holding a review meeting here on Saturday.
Insurance

He also said the Government will look at the amount insurance companies will give and then decide on a compensation package. “Fifty shops of commission agents were insured at Rs 1 lakh by the agents for the commodity and the Agricultural Produce Marketing Committee (APMC), Guntur has insured the structures for Rs 23 crore,” Mr Reddy added.

The fire broke out in the morning when a lorry hit overhead electric wires, causing a short circuit. The Chief Minister also ruled out a possibility of sabotage but said an enquiry will be conducted. Earlier, the State Marketing Minister, Mr M. Mareppa, pegged the initial loss at Rs 40 crore.

The market yard is on the Guntur-Chilakaluripeta road and a cluster of 25-30 cold storages are situated in the region within a radius of 15 km.

One of the major handicaps in putting out the fire was that there were not enough fire tenders. The district administration had to summon tenders from nearby Vijayawada and Ongole. In view of this, officials faced problems in putting out a fire at a cluster of 25 houses in Chirala. Until evening, the fire had not been brought under control.

Mr Srinivas Reddy, a trader in the APMC market, said that being the peak season, arrivals were about 1.5 lakh bags last week and over two lakh bags were stored in the warehouses.
Price run

“Depending on the quality, prices were hovering around Rs 3,200 to Rs 4,200 per quintal on good export demand and shortage of good quality produce,” he added.

Average arrivals a day in this APMC market yard, spread over 60 acres, are about one lakh bags.

Chilli farmers from different parts of the state and neighbouring States bring their produce to the Guntur market, which also serves as an export hub. Spices produced in Prakasam, Krishna, Khammam and Warangal districts are also brought to Guntur for trading.
Fire at Cairn warehouse

Meanwhile, a warehouse of Cairn Energy in Vakalapudi near Kakinada in Andhra Pradesh caught fire.

The company stores pipes in the warehouse and reportedly, they have been gutted. Fire tenders from Nagarjuna Fertiliser Corporation and Godavari Fertiliser Corporation were rushed to put out the fire.”

Posted in Economy, Govt, India | குறிச்சொல்லிடப்பட்டது: , , , , , , , | Leave a Comment »

Cyclone Kills More Than 350 in Myanmar – Causes death, destruction in Burma: reports

Posted by Snapjudge மேல் மே 5, 2008

நர்கீஸ் சூறாவளி தாக்கியதில் பர்மாவில் 350 பேர் பலி

நர்கீஸ் என்று பேரிடப்பட்ட சூறாவளி பர்மாவைத் தாக்கியதில் அங்கு 350 பேர் கொல்லப்பட்டதுடன், ஆயிரக்கணக்கான கட்டிடங்கள் சேதமடைந்துள்ளன. 90 ஆயிரத்திற்கும் அதிகமானவர்கள் பாதிக்கப்பட்டுள்ளனர் என முதற்கட்ட செய்திகள் தெரிவிக்கின்றன.

குறிப்பாக ஐராவதி பாசனப் பகுதியில் மிகவும் கடுமையாகப் பாதிக்கப்பட்டுள்ளது. சில மாவட்டங்களில் உள்ள முக்கால்வாசி கட்டிடங்கள் நிர்மூலமாகிவிட்டதாக அறிவிக்கப்பட்டுள்ளது.

இருபதினாயிரத்துக்கும் அதிகமான வீடுகள் சேதமடைந்தோ, அல்லது முழுமையாக நிர்மூலமாகியோ உள்ளன.

முக்கிய நகரான ரங்கூன் நகருக்கான மின்சாரம் மற்றும் தொலைபேசி இணைப்புகள் இன்னமும் துண்டிக்கப்பட்டே இருக்கின்றன. அந்த நகருக்கான நீர் விநியோகமும் மிகவும் மோசமாகப் பாதிக்கப்பட்டுள்ளது.

ரங்கூன் உட்பட 4 பிராந்தியங்களில் பர்மிய அரசு அனர்த்த நிலையைப் பிரகடனம் செய்துள்ளது.

பாலங்கள் இடிந்து வீழ்ந்துவிட்டதாலும், எரிபொருட் தட்டுப்பாடு காரணமாகவும் போக்குவரத்தும் அங்கு மிகவும் மோசமாகப் பாதிக்கப்பட்டுள்ளது.

முழுமையான அழிவின் தகவல்கள் தெரியவர இன்னும் பல நாட்கள் பிடிக்கும் என்று அங்கிருக்கின்ற செய்தியாளர்கள் கூறுகிறார்கள்.

BBC NEWS | Asia-Pacific | Hundreds killed by Burma cyclone: “A tropical cyclone has killed at least 351 people in Burma and damaged thousands of buildings, according to state television.”

Posted in Tamil | குறிச்சொல்லிடப்பட்டது: , , , , , , , , , | Leave a Comment »

Fresh battles kill more combatants in Sri Lanka: Eezham Clashes Claim Lives of Tamil Tigers & Soldiers

Posted by Snapjudge மேல் மே 5, 2008

பாலம்பிட்டி பாலத்தைக் கைப்பற்றியதாக இலங்கை இராணுவம் அறிவிப்பு

இலங்கையின் வட மேற்கே மன்னார் மாவட்டத்தில் விடுதலைப் புலிகளின் கட்டுப்பாட்டிலிருந்த பாலம்பிட்டியில் உள்ள பாலம் ஒன்றினை இலங்கை இராணுவத்தினர் கைப்பற்றியிருப்பதாக இலங்கை பாதுகாப்பு அமைச்சகம் அறிவித்திருக்கின்றது.

இந்தப் பகுதியில், விடுதலைப் புலிகளுடன் பல மணித்தியாலங்கள் நடைபெற்ற மோதல்களின்போது, முன்னேறிச் சென்ற படையினருக்கு ஆதரவாக, இலங்கை விமானப்படையினர் பாலம்பிட்டி பாலத்திற்கு வடக்கே ஒரு கிலோ மீட்டர் தொலைவில் அமைந்திருந்த விடுதலைப் புலிகளின் தளம் ஒன்றின் மீது குண்டு வீச்சுத் தாக்குதல் நடத்தியதாகவும் பாதுகாப்பு அமைச்சு கூறியிருக்கின்றது.

இந்தப் பகுதியில் இடம்பெற்ற நேரடி மோதல்களில் 6 விடுதலைப் புலிகள் கொல்லப்பட்டிருப்பதாகவும் பாதுகாப்பு அமைச்சு அறிக்கையொன்றில் தெரிவித்திருக்கின்றது.


பிள்ளையான் செவ்வி

பிள்ளையான்
பிள்ளையான்

திருகோணமலை மாவட்டம் சம்பூர் பகுதியில் இருந்து இடம்பெயர்ந்த மக்களை அவர்களது இருப்பிடத்தில் இல்லாவிட்டாலும், அதற்கு அருகில் இருக்கின்ற இடத்தில் குடியேற்ற முயல்வேன் என்று தமிழ் மக்கள் விடுதலைப்புலிகள் அமைப்பின் உப தலைவரும், கிழக்கு மாகாண சபைத் தேர்தலில் அந்த அமைப்பின சார்பில், ஐக்கிய மக்கள் சுதந்திரக் கூட்டமைப்பின் பட்டியலில் போட்டியிடுபவருமான பிள்ளையான் தெரிவித்துள்ளார்.

இந்த விவகாரம் தமது மாகாண சபைக்கு உட்பட்ட விவகாரமாக இல்லாத பட்சத்திலும், அந்த மக்கள் கிழக்கு மாகாண சபைக்கு உட்பட்ட பகுதியைச் சேர்ந்தவர்கள் என்பதால், அவர்களது விடயத்தில் நிச்சயம் நடவடிக்கை எடுப்பேன் என்று அவர் தெரிவித்துள்ளார்.

தமது அமைப்பினரின் பாதுகாப்பு கருதியே தாம் ஆயுதங்களை வைத்திருப்பதாகக் கூறும் பிள்ளையான், விடுதலைப்புலிகள் பலவீனமடைந்து, தமது பாதுகாப்பு உறுதிப்படுத்தப்படும் பட்சத்தில் தாம் ஆயுதங்களைக் களைவோம் என்றும் கூறினார்.

பிள்ளையான் தமிழோசைக்கு வழங்கிய செவ்வியை நேயர்கள் இன்றைய நிகழ்ச்சியில் கேட்கலாம்.


கிழக்கு மாகாணத் தேர்தல் குறித்து இடம்பெயர்ந்த மக்கள்

இடம்பெயர்ந்தோரின் குடியிருப்புகள்
இடம்பெயர்ந்தோரின் குடியிருப்புகள்

கிழக்கு மாகாண சபைக்கான தேர்தல்கள் நடக்கவுள்ள நிலையில், மட்டக்களப்பு மாவட்டத்தில் கடந்த ஒன்றைரை வருடங்களாக இடம்பெயர்ந்து வாழும் மக்களில் பலர், இந்தத் தேர்தல்கள் குறித்து தமது கருத்துக்களை வெளியிட்டுள்ளனர்.

தேர்தல் பற்றிய தமது கருத்துக்கள், வேட்பாளர்களின் வாக்குறுதிகள், வாக்களிப்பதில் தமக்கு ஆர்வம் இருக்கிறதா, இல்லையா என்பவை பற்றியெல்லாம், அங்கு சென்ற தமிழோசைத் தயாரிப்பாளர் சுவாமிநாதனிடம் அவர்கள் பேசியுள்ளனர்.

இவை குறித்த செய்திப் பெட்டகத்தை நேயர்கள் இன்றைய நிகழ்ச்சியில் கேட்கலாம்.


இலங்கையின் சில மாகாணங்களில் மர்மமான சிறுநீரக நோயினால் 6000 பேர் பாதிப்பு

சிறுநீரகம்
சிறுநீரகம்

இலங்கையின் வடமத்திய, வடமேல் மற்றும் ஊவா மாகாணங்களில் அண்மைக்காலமாக அடையாளம் காணப்படாத சிறுநீரக நோயின் தாக்கத்திற்கு சுமார் ஆறாயிரத்துக்கும் அதிகமான மக்கள் ஆளாகியிருப்பதாகவும், சில உயிரிழப்புக்கள் இடம்பெற்றதாகவும் தெரியவந்திருக்கிறது.

இந்த நிலையில் இந்தநோயின் காரணிகள் குறித்த ஆய்வினை மேற்கொள்வதற்காகவும், நோய்க் காரணியைக் கண்டுபிடிப்பதற்கு உதவும் வகையிலும், ஐக்கிய நாடுகள் ஸ்தாபனத்தின், உலக சுகாதார நிறுவனத்தின் உயர் நிபுணத்துவக் குழுவொன்று இன்று இலங்கை வந்திருக்கிறது.

இந்த நோயின் தாக்கம் குறித்து தமிழோசையிடம் கருத்து வெளியிட்ட, உலக சுகாதார நிறுவனத்தின் இலங்கைக் கிளையின் தேசிய நிபுணர், டாக்டர் ஆர். கேசவன், இந்த நோயின் தாக்கத்தினால் பாதிக்கப்பட்டவர்களில் பெரும்பாலோனோரின் சிறுநீரகம் செயலிழந்திருப்பது கண்டுபிடிக்கப்பட்டிருக்கிறது என்றும், ஆனாலும் இதுவரை மேற்கொள்ளப்பட்ட ஆய்வுகளில் இருந்து இதற்கான காரணிகளைக் கண்டறிய முடியவில்லை என்றும் தெரிவித்தார்.

இந்த நோய் கடந்த ஐந்து வருடங்களாக இருந்துவருகின்ற போதிலும், அண்மைக்காலமாக இது குறித்த முறைப்பாடுகள் அதிகரித்திருப்பதாகவும் அவர் தெரிவித்தார்.


புதுப்பிக்கப்பட்ட நாள்: 07 மே, 2008


விடுதலைப் புலிகளை ஆதரித்ததாக பிரித்தானியாவில் மேலும் ஒருவர் கைது.

விடுதலைப் புலிகள்-ஆவணப் படம்
விடுதலைப் புலிகள்-ஆவணப் படம்

இலங்கையிலுள்ள விடுதலைப் புலிகள் தொடர்பான விசாரணையின் ஒரு பகுதியாக ஒருவர் மீண்டும் கைது செய்யப்பட்டுள்ளார் என பிரத்தானிய போலீசார் தெரிவித்துள்ளனர்.

பிரிட்டனின் தென்மேற்கு நகரமான ஸ்விண்டனில் 51 வயதான ஒருவர்,
வெளிநாடுகளில் தீவிரவாத நடவடிக்கைகளை நடத்த ஏற்பாடு செய்து, அதற்கு ஊக்குவித்து ஏற்பாடுகளை செய்தார் என்கிற சந்தேகத்தின் அடிப்படையில் அவர் கைது செய்யப்பட்டிருப்பதாக பிரித்தானிய போலீசார் வெளியிட்டுள்ள அறிக்கையில் கூறியுள்ளனர்.

இதே விசாரணை தொடர்பாக கடந்த வாரம் மூவர் கைது செய்யப்பட்டிருந்தனர்.

பிரிட்டன் 2001 ஆம் ஆண்டு விடுதலைப் புலிகள் இயக்கத்தை ஒரு தீவிரவாத இயக்கமாக அறிவித்தது என்பது குறிப்பிடத்தக்கது.


புதுப்பிக்கப்பட்ட நாள்: 06 மே, 2008

இலங்கைக்கான இந்திய ஆயுத உதவியை விஜயகாந்த் ஆதரிக்கிறார்

இலங்கைக்கு இந்தியா ஆயுத உதவி அளிப்பதை, இலங்கைத் தமிழர்களுக்கு எதிரான நடவடிக்கையாகப் பார்க்கக் கூடாது என்று கருத்துத் தெரிவித்தார் தேசிய முற்போக்குத் திராவிடக் கழகத் தலைவரும், நடிகருமான விஜயகாந்த்.

புதுதில்லியில், செவ்வாய்க்கிழமை செய்தியாளர்களுக்கு விஜயகாந்த் பேட்டியளித்தார். அப்போது, அரசியல் கூட்டணி உள்பட பல்வேறு கேள்விகளுக்கு அவர் பதிலளித்தார்.

இலங்கை அரசுக்கு இந்தியா ஆயுத உதவிகளைச் செய்து வருவதாகவும், அது இலங்கைத் தமிழர்களுக்கு எதிராகப் பயன்படுத்தப்படுவதாகவும் விஜயகாந்திடம் சில பத்திரிகையாளர்கள் கேள்வி எழுப்பினர். அதற்குப் பதிலளித்த அவர், “தமிழர்களுக்கு எதிராகக் கொடுப்பதாக நீங்கள் ஏன் நினைக்கிறீர்கள். அது வியாபார ரீதியாகக்கூட இருக்கலாம்’’ என்றார்.

“சீனாவையும், பாகிஸ்தானையும் தனக்கு நெருக்கமாக வைத்துக் கொள்ள இலங்கை விரும்புகிறது. அது நடக்கக்கூடாது என்று இந்தியா கருதுகிறது. அதுதான் அங்கிருக்கும் சின்னச் சின்னப் பிரச்சினைகள். அதனால், அதுபற்றி நீங்களே முடிவெடுத்துக் கொள்ளுங்கள்’’ என்றார் விஜயகாந்த்.

இலங்கைப் பிரச்சினையில் இந்தியா நேரடியாகத் தலையிட வேண்டும் என்றும், இலங்கைத் தமிழர்களின் மனித உரிமைகளைப் பாதுகாக்க உதவ வேண்டும் என்றும் அவர் கருத்துத் தெரிவித்தார்.

இவை குறித்த மேலதிக தகவல்களை நேயர்கள் இன்றைய நிகழ்ச்சியில் கேட்கலாம்.


கிழக்கில் ஜனநாயக ரீதியான தேர்தலை உறுதிப்படுத்தும்படி ஐ.தே.க தேர்தல் ஆணையாளரிடம் மனு

ஆர்பாட்டத்தில் ஈடுபட்டோர்
ஆர்பாட்டத்தில் ஈடுபட்டோர்

இலங்கையின் கிழக்கில் எதிர்வரும் மே மாதம் 10 ஆம் திகதி நடக்கவுள்ள மாகாணசபைத் தேர்தல் ஜனநாயக ரீதியாக நடாத்தப்படுவதனை உறுதிப்படுத்தும்படி கோரி இலங்கையின் பிரதான எதிர்க்கட்சியான, ஐக்கிய தேசியக் கட்சி இன்று கொழும்பு ராஜகிரிய தேர்தல் செயலத்திற்கு முன்பாக ஆர்ப்பாட்டம் ஒன்றில் ஈடுபட்டது.

கட்சியின் செயலாளர் திஸ்ஸ அத்தநாயக்க, கொழும்பு மாவட்ட அமைப்பாளர் ரவி கருணாநாயக்க, மூத்த பாராளுமன்ற உறுப்பினர் மஹரூப், மற்றும் சிறிலங்கா சுதந்திரக்கட்சியின் மக்கள் முன்னணியின் தலைவர் மங்கள சமரவீர உள்ளிட்ட முக்கியஸ்தர்கள் பலர் கலந்து கொண்ட இந்த ஆர்ப்பாட்டத்தின்போது, ஆர்ப்பாட்டக்காரர்கள் அங்குள்ள ஆயுதக்குழுக்களின் ஆயுதங்களைத் தேர்தலுக்கு முன்னர் களையும்படி கோரிக்கை விடுத்தனர்.

இதன் பின்னர் தேர்தல் ஆணையாளரிடம் இது தொடர்பில் இவர்கள் சார்பில் மனு ஒன்றும் கையளிக்கப்பட்டது.


வவுனியாவில் கிளெமோர் தாக்குதலில் இருவர் பலி

இலங்கையின் வடக்கே வவுனியா நகர மத்தியில், நீதிமன்ற வளாகத்திற்கும் பிரதான பொலிஸ் நிலையத்திற்கும் இடையில் இன்று மாலை 5.45 மணியளவில் இராணுவத்தினருக்கு உணவு எடுத்துச் செல்லும் ட்ரக் வண்டியை இலக்கு வைத்து விடுதலைப் புலிகள் நடத்திய கிளேமோர் கண்ணிவெடி தாக்குதலில் இரண்டு சிவிலியன்கள் கொல்லப்பட்டதுடன் மற்றுமொருவர் காயமடைந்துள்ளதாக வவுனியா பொலிசார் தெரிவித்துள்ளனர்.

வாகனம் சிறு சேதத்திற்கு உள்ளாகியதாகவும், படையினருக்குப் பாதிப்பு ஏற்படவில்லை எனவும் பொலிசார் தெரிவித்துள்ளனர். காயமடைந்தவர் வவுனியா வைத்தியசாலையில் சிகிச்சைக்காக அனுமதிக்கப்பட்டுள்ளார்.

இந்தச் சம்பவத்தில் உயிரிழந்தவர்களின் சடலங்கள் அடையாளம் காணப்படுவதற்காக வவுனியா வைத்தியசாலையில் வைக்கப்பட்டிருக்கின்றன.

புளொட் உறுப்பினர் சுட்டுக்கொலை

இதற்கு சற்று முன்னதாக புளொட் அமைப்பின் சிரேஸ்ட உறுப்பினரும் முக்கியஸ்தருமாகிய பவன் என்றழைக்கப்படும் செல்வராசா என்பவர் பூந்தோட்டம் சந்திக்கருகில் மோட்டார் சைக்கிளில் பயணம் செய்து கொண்டிருந்த போது, விடுதலைப் புலிகளினால் சுட்டுக்கொல்லப்பட்டுள்ளதாக புளொட் அமைப்பினர் தெரிவித்துள்ளனர்.

இவருடன் பயணம் செய்த மற்றுமொருவர் படுகாயமடைந்துள்ளதாக வவுனியா பொலிசார் தெரிவித்துள்ளனர். வீதியோரத்தில் மறைந்திருந்தவர்கள் துப்பாக்கிப்பிரயோகத்தின் பின்னர் கொல்லப்பட்டவர்கள் பயணம் செய்த மோட்டார் சைக்கிளையும் துப்பாக்கிப்பிரயோகம் செய்தவர்கள் அபகரித்துக் கொண்டு தப்பிச் சென்றுள்ளதாகவும் பொலிசார் தெரிவித்துள்ளனர்.

இதற்கிடையில் மன்னார் முன்னரங்கப் பகுதியில் முன்னேறி வரும் இராணுவத்தினர் சாளம்பைக்குளம் என்ற கிராமத்தை நேற்று அதிகாலை மேற்கொண்ட இராணுவ நடவடிக்கையின்போது கைப்பற்றியிருப்பதாகப் பாதுகாப்பு அமைச்சகம் தெரிவித்திருக்கின்றது.

எனினும் இதுகுறித்து விடுதலைப் புலிகள் தரப்பிலிருந்து தகவல்கள் எதுவும் உடனடியாக வெளியாகவில்லை.

புதுப்பிக்கப்பட்ட நாள்: 05 மே, 2008

‘வன்முறை காரணமாக நியாயமான தேர்தலுக்கான சூழல் இலங்கை கிழக்கு மாகாணத்தில் இல்லை’

இலங்கையில் எதிர்வரும் சனிக்கிழமை மாகாண சபைக்கான தேர்தல்கள் நடைபெறவிருக்கும் கிழக்கு மாகாணத்தில் வேட்பு மனு தாக்கல் செய்யப்பட்ட நாள் முதல் இதுவரை 50க்கும் மேற்பட்ட தேர்தல் வன்முறைகள் இடம்பெற்றுள்ளதாக பொலிஸ் மற்றும் தேர்தல் கண்காணிப்பு அமைப்புகளிடமிருந்து வெளியாகியுள்ள தகவல்கள் தெரிவிக்கின்றன.

பொலிஸ் தேர்தல் செயலகத்தின் தகவல்களின்படி அச்சுறுத்தல்கள், தாக்குதல்கள் மற்றும் தீவைப்பு உட்பட அம்பாறை மாவட்டத்தில் 29 வன்முறைகள் குறித்த முறைப்பாடுகளும், மட்டக்களப்பு மாவட்டத்தில் 20 முறைப்பாடுகளும், திருகோணமலை மாவட்டத்தில் 12 முறைப்பாடுகளும் என இது வரை 61 முறைப்பாடுகள் பதிவுசெய்யப்பட்டுள்ளதாக அறிவிக்கப்பட்டுள்ளது.

கிழக்கு மாகாணத்தில் ஒன்றுக்கு மேற்பட்ட ஆயுதக்குழுக்கள் செயற்பாட்டில் இருப்பதாகவும் இது தேர்தல் நடவடிக்கைகளுக்கு அச்சுறுத்தலாக அமைந்துள்ளதாகவும் கஃபே அமைப்பின் பேச்சாளரான கீர்த்தி தென்னக்கோன் தெரிவித்துள்ளார்.

சில இடங்களில் வாக்காளர் அட்டைகள் பறிக்கப்பட்டதாகவும், இவை குறித்த முறைப்பாடுகளை தாம் தேர்தல் ஆணையர் மற்றும் பொலிஸார் ஆகியோருக்கு கொண்டுசெல்வதாகவும் அவர் குறிப்பிட்டார்.

அதேவேளை, தற்போது கிழக்கு மாகாணத்தில் உருவாகிவருகின்ற நிலைமை அங்கு ஒரு நியாயமான, நீதியான தேர்தல் நடப்பதற்கான வாய்ப்பு கிடையாது என்பதையே காட்டுவதாகவும் அவர் எச்சரித்துள்ளார்.

சித்தார்த்தன்

இதனிடையே, மாகாண சபைத் தேர்தலில் போட்டியிடும் எதிர்க் கட்சி வேட்பாளர்கள் மிரட்டப்படுவதாக எழுந்துள்ள குற்றச்சாட்டுகள் குறித்து தமிழோசையிடம் பேசிய புளொட் அமைப்பின் தலைவர் சித்தார்த்தன், வேட்பாளர்கள் மிரட்டப்படுகின்ற மற்றும் தாக்கப்படுகின்ற சம்பவங்கள் தொடர்ந்தும் நடைபெற்றுவரவே செய்வதாகக் கூறினார்.

வேட்பாளர்கள் அச்சுறுத்தப்படுவது ஒருபுறம் இருந்தாலும், வாக்காளர்களாகிய மக்கள் அச்சுறுத்தப்படுகின்ற விடயமே தமக்கு மிகுந்த கவலை அளிப்பதாகவும், இந்த அச்சுறுத்தல்கள் காரணமாக மக்கள் உண்மையாகவே பயந்துபோயிருப்பதாகவும் அவர் குறிப்பிட்டார்.

தமிழ் மக்கள் விடுதலைப் புலிகள் அமைப்பினர் இப்படிப்பட்ட மிரட்டல்களைச் செய்வதாக முன்வைக்கப்படும் குற்றச்சாட்டுகளை அக்கட்சியின் சார்பில் பேசவல்ல ஆஸாத் மௌலானா மறுத்துள்ளார்ர்.

அமைச்சர் தேவானந்தா

இலங்கை சமூக நலத்துறை அமைச்சர் டக்ளஸ் தேவானந்தா தமிழோசையிடம் கருத்து வெளியிடுகையில், ஓரளவு பிரச்சினைகள் இருப்பது உண்மைதான் என்றாலும் புலிகள் கட்டுப்பாட்டில் இருந்த காலப் பகுதியுடன் ஒப்பிடுகையில் மேம்பட்ட நிலைமையே காணப்படுகிறது என்று குறிப்பிட்டார்.
இவர்களது செவ்விகளை நேயர்கள் செய்தியரங்கத்தில் கேட்கலாம்.


முகமாலையில் உக்கிர சண்டை – சேத விபரங்கள் குறித்து முரண்பட்ட தகவல்கள்

இலங்கையின் வடக்கே முகமாலை மற்றும் வடமேற்கே மன்னார் பகுதிகளில் இராணுவத்தினருடன் திங்களன்று இடம்பெற்ற சண்டைகளில் 11 இராணுவத்தினர் கொல்லப்பட்டுள்ளதாகவும், 20 படையினர் காயமடைந்துள்ளதாகவும் கொல்லப்பட்ட படையினரின் 2 சடலங்களையும் இராணுவ தளபாடங்களையும் தாங்கள் கைப்பற்றியிருப்பதாக விடுதலைப் புலிகளின் தெரிவித்திருக்கின்றனர்.

எனினும் இந்தத் தாக்குதல்களில் 5 படையினரே கொல்லப்பட்டிருப்பதாகத் தெரிவித்துள்ள பாதுகாப்பு அமைச்சகம், 2 படையினர் காணாமல் போயிருப்பதுடன், மேலும் 15 பேர் காயமடைந்துள்ளதாகவும் கூறியிருக்கின்றனர்.

முகமாலை பகுதியில் விடுதலைப் புலிகளிடமிருந்து தாங்கள் கைப்பற்றியுள்ள பகுதியின் முன்னணி காவலரண்களைத் தாக்கி உட்புகுவதற்கு விடுதலைப் புலிகள் திங்கட்கிழமை காலை முயற்சித்ததாகவும், அந்த முயற்சி படையினரின் எதிர்த்தாக்குதலில் முறியடிக்கப்பட்டுள்ளதாகவும் பாதுகாப்பு அமைச்சு விடுத்துள்ள அறிக்கையொன்றில் தெரிவிக்கப்பட்டிருக்கின்றது.

இந்த மோதல்கள் குறித்து மின்னஞ்சல் வழியான அறிக்கையொன்றில் தகவல் வெளியிட்டுள்ள விடுதலைப் புலிகளின் படைத்துறைப் பேச்சாளர் இளந்திரையன், முகமாலை பகுதியில் விடுதலைப் புலிகளின் முன்னரங்கப் பகுதியை உடைத்துக்கொண்டு இராணுவமே முன்னேறுவதற்கு முயற்சித்ததாகவும், அந்த முயற்சி தமது எதிர்த்தாக்குதலில் முறியடிக்கப்பட்டுள்ளதாகவும் தெரிவித்திருக்கின்றார்.

இவை குறித்த மேலதிக விபரங்களை நேயர்கள் செய்தியரங்கத்தில் கேட்கலாம்.


புதுப்பிக்கப்பட்ட நாள்: 03 மே, 2008


இலங்கையின் வடக்கில் தொடரும் வன்முறை

இலங்கை இராணுவத்தினர்
இலங்கை இராணுவத்தினர்

இலங்கையின் வடக்கே இராணுவத்தினருக்கும் விடுதலைப் புலிகளுக்கும் இடையில் தொடரும் மோதல்களில் இரு தரப்பிலும் 14 பேர் கொல்லப்பட்டிருப்பதாகப் பாதுகாப்பு அமைச்சகம் தெரிவித்திருக்கின்றது.

மன்னார் மற்றும் மணலாறு பிராந்திய முன்னரங்குகளில் இடம்பெற்ற நேரடி மோதல்கள் மற்றும் வீதியோரக் கிளேமோர் கண்ணிவெடி தாக்குதல் என்பவற்றில் 11 விடுதலைப் புலிகளும் 3 படையினரும் கொல்லப்பட்டிருப்பதாகத் தேசிய பாதுகாப்புக்கான ஊடகத் தகவல் மையம் விபரம் வெளியிட்டிருக்கின்றது.

இந்த மோதல்கள் குறித்து விடுதலைப் புலிகள் தரப்பில் இருந்து உடனடியாகத் தகவல்கள் எதுவும் வெளியாகவில்லை.

எனினும் வியாழக்கிழமை மன்னார் திருக்கேதீஸ்வரத்திலிருந்து வேட்டையாமுறிபை நோக்கி முன்னேற முயன்ற இராணுவத்தினரை கறுக்காய்குளம் பகுதியில் விடுதலைப் புலிகள் எதிர்த்து தாக்குதல் நடத்தி அவர்களின் முயற்சியை விடுதலைப் புலிகள் முறியடித்துள்ளதாகவும், இந்தச் சண்டைகளின்போது 10 இராணுவத்தினர் கொல்லப்பட்டதாகவும் விடுதலைப் புலிகள் தெரிவித்திருக்கின்றனர்.

இதற்கிடையே, கிழக்கு மாகாண சபைக்கான தேர்தல்கள் நடைபெற இன்னமும் 7 நாட்களே இருக்கும் வேளையில், இது வரை 53 தேர்தல் வன்முறைகள் பதிவாகியிருப்பதாக பொலிஸ் தேர்தல் செயலகம் கூறுகின்றது.

அம்பாறை மாவட்டத்தில் 26 வன்முறைகள், மட்டக்களப்பு மாவட்டத்தில் 18 வன்முறைகள், திருகோணமலை மாவட்டத்தில் 9 வன்முறைகள் என பதிவாகியுள்ளது.

இந்த வன்முறைகள் தொடர்பாக சந்தேகத்தின் பேரில் 31 பேர் கைது செய்யப்பட்டுள்ளதாகவும் பொலிஸ் தேர்தல் செயலகத்தின் தகவல்கள் தெரிவிக்கின்றன.


புதுப்பிக்கப்பட்ட நாள்: 04 மே, 2008

இலங்கையில் தொடரும் மோதல்கள்

இலங்கை இராணுவத்தினர்
இலங்கை இராணுவத்தினர்

இலங்கையின் வடபகுதியில் அரச படைகளுக்கும் விடுதலைப் புலிகளுக்கும் இடையே மேலும் கடும் மோதல்கள் எனச் செய்திகள் கூறுகின்றன.

அரச பாதுகாப்புத்துறை அறிக்கையொன்று மன்னார் மாவட்டத்தில் நடந்த மோதலில் குறைந்தது 13 புலிகள் கொல்லப்பட்டதாகவும், ஒரு அரச படையினர் கொல்லப்பட்டதாகவும் தெரிவிக்கிறது.

ராணுவத் தரப்பின் வேறொரு செய்தி, மணலாறு – வெலிஓயா பகுதியில் மேலும் 17 புலிகளும் 7 படையினரும் கொல்லப்பட்டுள்ளதாகக் கூறுகிறது.

விடுதலைப் புலிகளிடமிருந்து இவை குறித்து எந்த தகவலும் கிடையாது.

சண்டை நடக்கும் பகுதிகளுக்குச் செய்தியாளர்கள் செல்வதற்கு அரசு தடையிருப்பதால் இத்தகைய செய்திகளை ஆராயந்து சொல்வது வழமையாக கடினமாது.


கிழக்கு மாகாண சபைத் தேர்தலில் வெற்றி பெற்றால் 3 முக்கிய சட்டங்கள் – ஐ.தே.க தலைவர் ரணில் விக்ரமசிங்க

ஐ.தே.க தலைவர் ரணில் விக்ரமசிங்க
ஐ.தே.க தலைவர் ரணில் விக்ரமசிங்க

இலங்கையில் நடைபெறவிருக்கும் கிழக்கு மாகாண சபைத் தேர்தலில் ஐக்கிய தேசிய கட்சி ஆட்சியை கைப்பற்றுமானால் மாகாண சபைக்குரிய அதிகாரங்களைப் பயன்படுத்தி பொது மக்களுக்கு நன்மையளிக்கக் கூடிய வகையில் 3 முக்கியமான சட்டங்கள் உடனடியாக நிறைவேற்றப்படும் என எதிர்க்கட்சி தலைவரும் ஐக்கிய தேசிய கட்சி தலைவருமான ரணில் விக்கிரமசிங்க அறிவித்துள்ளார்.

ஞாயிற்றுகிழமையன்று மட்டக்களப்பு மாவட்டம் காத்தான்குடியில் நடைபெற்ற ஸ்ரீ லங்கா முஸ்லிம் காங்கிரசின் தேசிய மாநாட்டில் கலந்து கொண்டு உரையாற்றிய போது, இந்த சட்டங்களை நிறைவேற்றுவது தொடர்பாக தமது கூட்டணிக் கட்சியான ஸ்ரீ லங்கா முஸ்லிம் காங்கிரஸ் தலைவருடனும் பேச்சுவார்த்தை நடத்தியிருப்பதாகவும் அவர் தெரிவித்தார்.

ஆயுதக் குழுக்களிடமிருந்து ஆயுதங்களைக் களைதல், இயற்கை மற்றும் யுத்த அனர்த்தங்களின் போது இடம்பெயர்ந்த மக்களை சொந்த இடங்களில் மீளக் குடியமர்த்தல்,சுதந்திரமான முறையில் மீன் பிடித் தொழில் ஆகியவற்றறை உள்ளடக்கியே உத்தேசிக்கப்பட்டுள்ள 3 சட்டங்களும் கொண்டு வரப்பட்டு நிறைவேற்றப்படும் என்றும் அவர் தெரிவித்தார்.

மேலும் வடக்கில் அரசு இன்னமும் எதனையும் கைப்பற்றவில்லை என்றும், வடக்கு இன்னும் விடுதலைப்புலிகளின் கட்டுப்பாட்டில் இருக்கும் நிலையில், அங்கே இடைக்கால நிர்வாகம் எதற்கு என்றும் கூட்டத்தில் ரணில் விக்ரமசிங்க கேள்வி எழுப்பினார்.


மடுக்கோவில் பிரதேசத்தை யுத்தமில்லாத அமைதிப்பிரதேசமாக்க வேண்டும் என வலியுறுத்தல்

மடு தேவாலயம்
மடு தேவாலயம்

இலங்கையின் வடமேற்கே இராணுவத்தின் பாதுகாப்பில் வந்துள்ள மடுக்கோவில் பிரதேசத்தை யுத்தமில்லாத அமைதிப்பிரதேசமாக்க வேண்டும் என மன்னார் ஆயரும், இலங்கையின் ஆயர் மன்றமும் அரசாங்கத்தை வலியுறுத்தி வருவதாகத் தெரிவிக்கப்படுகின்றது.

ஆனால், இத்தகைய கோரிக்கை அரசாங்கத்திடம் விடுக்கப்படவில்லை என பாதுகாப்பு அமைச்சின் செயலாளர் கூறியிருப்பதாகவும் ஊடகங்கள் தெரிவித்திருக்கின்றன.

ஆயினும் இது குறித்து கருத்து தெரிவித்துள்ள மன்னார் ஆயர் இராயப்பு ஜோசப் அவர்கள், மடுக்கோவில் அமைதிப்பிரதேசமாக்கப்பட வேண்டும் என்ற கோரிக்கை அரசாங்கத்திடம் ஒரு வருடத்திற்கு முன்பே எழுத்து மூலமாக விடுக்கப்பட்டிருப்பதாகவும், அதன்பின்பு நாட்டின் பாதுகாப்புக்குப் பொறுப்பானவரும், ஜனாதிபதியுமாகிய மகிரந்த ராஜபக்ச அவர்களை இரண்டு தடவைகள் நேரடியாகச் சந்தித்து இந்தக் கோரிக்கை தொடர்பாக வலியுறுத்தியதாகவும் பிபிசி தமிழோசையிடம் கூறினார்.

அத்துடன் இந்தக் கோரிக்கை குறித்து நடவடிக்கை எடுப்பதாக ஜனாதிபதி அவர்கள் கொழும்பு ஆயர், மற்றும் மடுக்கோவில் பரிபாலகர் ஆகியோர் உடன் இருக்க தமக்கு உறுதியளித்ததாகவும், ஆயினும் உரிய நடவடிக்கைகள் எதுவும் அது தொடர்பில் எடுக்கவில்லை என்றும் மன்னார் ஆயர் தெரிவித்தார்.

இது குறித்த மேலதிக தகவல்களுடன், இராணுவ பேச்சாளர் பிரிகேடியர் உதய நாணயக்கார அவர்கள் தெரிவித்துள்ள கருத்துக்களையும் எமது வவுனியா செய்தியாளர் மாணிக்கவாசகம் அனுப்பியுள்ள செய்திக்குறிப்பில் கேட்கலாம்.


பிரிட்டனில் விடுதலைப்புலிகள் குறித்த விசாரணைக்காக மூவர் கைது

படிங்டன் கிறீன் போலிஸ் நிலையத்தில் இவர்கள் தடுத்து வைக்கப்பட்டுள்ளனர்
படிங்டன் கிறீன் போலிஸ் நிலையத்தில் இவர்கள் தடுத்து வைக்கப்பட்டுள்ளனர்

விடுதலைப் புலிகள் அமைப்பு தொடர்பான விசாரணையின் ஒரு கட்டமாக மூன்று பேரை கைது செய்துள்ளதாக பிரிட்டிஷ் போலீசார் தெரிவித்துள்ளனர்.

இதில் இருவர் வேல்சில் கைது செய்யப்பட்டதாகவும் மூன்றாவது நபர் லண்டனில் கைது செய்யப்பட்டதாகவும் போலீசார் கூறியுள்ளனர்.

வெளிநாடுகளில் தீவிரவாதச் செயல்களை, ஏற்பாடுகளை செய்ய முற்பட்டது, தீவிரவாத செயல்களை தூண்டியது அல்லது தீவிரவாத செயல்களுக்காக தயார் செய்தது போன்ற சந்தேகத்தின் அடிப்படையில் இவர்கள் தடுத்து வைக்கப்பட்டுள்ளனர்.

பிரிட்டனின் தடை செய்யப்பட்ட அமைப்புக்கள் பட்டியலில் விடுதலைப் புலிகள் அமைப்பு 2001 ஆம் ஆண்டில் சேர்க்கப்பட்டது.


Posted in Govt, Politics | குறிச்சொல்லிடப்பட்டது: , , , , , , , , , , , , | Leave a Comment »

Malaysia plans female travel curbs – Women’s groups outraged at proposed ‘fly alone’ restrictions

Posted by Snapjudge மேல் மே 5, 2008

பெண்கள் வெளிநாட்டு பயணித்தை மட்டுப்படுத்தும் மலேசிய அரசின் முடிவுக்கு பெண்கள் அமைப்புகள் எதிர்ப்பு

மலேசிய பெண்கள்
மலேசிய பெண்கள்

பெண்கள் தனியாக வெளிநாட்டுக்குப் பயணம் செய்வதை மட்டுப்படுத்த மலேசிய அரசு முன்வைத்துள்ள திட்டத்துக்கு எதிராக மலேசிய மகளிர் அமைப்புக்கள் கோபமாக எதிர்ப்புத் தெரிவித்துள்ளன.

பெண்கள் தனியாக வெளிநாடுகளுக்குப் போவதென்றால் அவர்கள் தமது குடும்பத்தினரிடமிருந்தோ அல்லது பணி செய்யும் நிறுவனத்திடமிருந்தோ எழுத்து மூலம் இணக்கம் பெற்றிருக்க வேண்டும் என்று ஒரு சட்டத்தைக் கொண்டு வர ஆலோசித்து வருவதாக வெளியுறவுத் துறை அமைச்சரான ரய்ஸ் யதிம் அவர்களை மேற்கோள் காட்டி மலேசிய அரசுச் செய்தி நிறுவனம் அறிவித்திருந்தது.

குற்றச்செயல்களைத் தடுப்பதற்காகவே இப்படி ஒரு சட்டத்தைக் கொண்டு வர யோசிக்கப்படுகிறது என்றும், போதைப் பொருள்களைக் கடத்திச் செல்வதற்காகக் கிரிமினல் கும்பல்கள் பெண்களைப் பயன்படுத்துவதைத் தொடாந்தே இவ்வாறு ஆலோசிக்கப்படுகிறது என மலேசிய அரசு செய்தி நிறுவனம் விளக்கியுள்ளது. இதை ஒரு பிற்போக்கான அடக்குமுறைத் தனம் என மலேசிய மகளிரமைப்புகள் கண்டித்துள்ளன.

Malaysia’s women face travel curbs over drug trafficking fears

KUALA LUMPUR (AFP) – Malaysian women travelling abroad on their own may need letters from their parents or employers in a bid to stop them becoming “mules” for international drug syndicates, reports said Sunday.

The proposal comes as 119 Malaysians, 90 per cent of whom are women, have been imprisoned worldwide on drug-related charges with the majority believed to have been duped into transporting drugs, the New Sunday Times reported.

“I have submitted this proposal to the Cabinet and both the Foreign and Home Ministries feel this is necessary,” foreign minister Rais Yatim told the paper.

“Many of these women (who travel alone) leave the country on the pretext of work or attending courses and seminars,” he added.

“With this declaration, we will know for sure where and for what she is travelling overseas.”

Malaysians have become prime targets for syndicates wanting to smuggle drugs into the European Union, the paper said, because they do not require visas for short stays of up to 90 days or to transit in those countries.

It said the offences were also committed in various other nations including China, Singapore, India, Spain and Portugal.

However, women’s groups have criticised the move.

“This is an infringement of our rights,” National Council for Women’s Organisations Malaysia (NCWO) deputy president Faridah Khalid told the paper. “We’re the victims and now you’re creating more problems. Why must you put more restrictions on women? We have worked hard over the years to get to this level,” she added.

Advocacy group Tenaganita said the move was not practical.

“Thousands of people travel daily. Who is going to scrutinise the declaration as anyone can forge their parents’ signature,” spokeswoman S. Florida was quoted as saying by the paper.

Posted in Law, Politics, Woman, Women, Women Rights, Womens, World | குறிச்சொல்லிடப்பட்டது: , , , , | Leave a Comment »

Hope for prisoners facing death row in India

Posted by Snapjudge மேல் மே 5, 2008

இந்தியாவில் மரண தண்டனைக்கு எதிராக சர்வதேச பொதுமன்னிப்பு சபை கோரிக்கை

இந்தியாவில் மரண தண்டனைகளை நிறைவேற்றுவதை அரசாங்கம் உடனடியாக நிறுத்திவைக்க வேண்டும் என்றும் மரண தண்டனையை சட்டத்திலிருந்து அகற்றும் நோக்கில் இந்தியா நகரவேண்டும் என்று மனித உரிமை அமைப்பான சர்வதேச பொதுமன்னிப்பு சபை வலியுறுத்தியுள்ளது.

இந்தியாவில் மரண தண்டனைகள் குறித்து தனது பங்கில் முதல் முறையாக ஒரு விரிவான ஆராய்ச்சியை நடத்தியுள்ள இந்த அமைப்பு, இந்தியாவில் மரண தண்டனை வழங்கப்படும் விஷயத்தில் நிறைய கோளாறுகள் இருப்பதாகவும், யதேச்சதிகாரப் போக்கு, பாரபட்சம் காட்டப்படுவது போன்ற கவலைகள் தென்படுவதாகவும் தெரிவித்துள்ளது.

இந்தியாவில் மரண தண்டனை வழங்கப்பட்ட நிலையில் நூற்றுக்கணக்கானோர் இருக்கிறார்கள் என்றாலும் கடந்த பதிமூன்று ஆண்டுகளில் இரண்டு பேருக்கு மட்டுமே மரண தண்டனை நிறைவேற்றப்பட்டுள்ளது.

மரண தண்டனைக்கு எதிராக இந்தியாவில் குரல்கொடுத்துவரும் பி.யு.சி.எல். அமைப்பின் தமிழகத் தலைவர் வி சுரேஷ் மற்றும் மனித உரிமை ஆணையத்தின் முன்னாள் தலைமை இயக்குனரும் சி.பி.ஐ. எனப்படும் மத்திய புலனாய்வுத் துறையின் முன்னாள் இயக்குருமான டி.ஆர்.கார்திகேயன் ஆகியோர் தமிழோசைக்கு வழங்கிய செவ்விகளை நேயர்கள் செய்தியரங்கத்தில் கேட்கலாம்.

Amnesty urges India to abolish capital punishment

NEW DELHI (AFP) – Amnesty International Friday appealed to India to declare a “moratorium” on executions as an interim step towards abolishing the death penalty.

The London-based rights group said there was a worldwide trend towards abolition and urged India to “declare an immediate moratorium on executions with a view to abolishing the death penalty.”

As an emerging power, “India has an opportunity to exercise regional leadership and to send a strong signal of its determination to fully uphold human rights” by rejecting the death sentence, it said.

Amnesty India chief Mukul Sharma said the report was based on the belief that the “death penalty violates the right to life and does not have any place in the modern justice system.”

“There was no comprehensive study on the impact or consequences of awarding the death penalty” for many decades, he noted.

President Pratibha Patil has about 60 mercy petitions under review for people on death row including the high-profile case of a Muslim man, Afzal Guru, sentenced to hang for plotting a 2001 attack on parliament.

The petition is Guru’s last hope after the Supreme Court in 2006 upheld his death sentence for conspiracy in the attack that nearly brought nuclear-armed India and Pakistan to war in 2002.

He has claimed innocence in the attack and many opponents of his execution say he did not get a fair trial.

The rights watchdog said it feared India’s leaders lacked the political courage and human rights leadership to abolish the death penalty, with the public “erroneously” believing it deters violent crime.

After studying 56 years of evidence used to hand down death sentences, Amnesty said it had found “abuse of law and procedure and arbitrariness and inconsistencies in the investigation process.”

“In practice, the exercise of clemency has even more potential for abitrariness than the judicial process, especially since there is no requirement to give reasons for accepting or rejecting mercy petitions,” Sharma said.

The last execution in India was in 2004 when a 41-year-old former security guard was hanged for the rape and murder of a 14-year-old schoolgirl.

India’s Supreme Court ruled in 1980 the death penalty was to be imposed only in the “rarest of rare” cases. But Amnesty said some people were handed death sentences for crimes for which others received lesser punishment.

Vikramjit Batra, who wrote the report, said “many Supreme court judges themselves have pointed out the absence of a clear sentencing policy or what constitutes the rarest of the rare.

He described India’s judicial and police system as “riddled with errors,” saying the Supreme Court had acquitted the accused in 175 of the 728 cases he reviewed because the lower courts’ verdict was erroneous.

Posted in Govt, India, Politics | குறிச்சொல்லிடப்பட்டது: , , , , | 1 Comment »

India has the world’s largest number of blind people – Anbumani Ramadoss

Posted by Snapjudge மேல் மே 5, 2008

உலகில் கண் பார்வை அற்றோர் அதிகம் வாழும் நாடு இந்தியா

உலகில் கண் பார்வை அற்றோரை அதிகம் கொண்டுள்ள நாடுகளின் பட்டியலில் இந்தியா முதலிடத்தில் இருக்கிறது; உலக அளவில் பார்வையற்றோரின் எண்ணிக்கை 3கோடியே 70 இலட்சம் என்றிருக்க இதில் 1 கோடியே 20 லட்சம் பேர் இந்தியாவிலேயே இருக்கிறார்கள் என்றும் இந்திய நாடாளுமன்றத்தில் புள்ளிவிபரங்களை வெளியிட்டுள்ளார் இந்திய சுகாதாரத்துறை இணையமைச்சர் பனபாக லக்ஷ்மி.

இந்தியாவின் உத்திர பிரதேசத்தில் பார்வையற்றோர் எண்ணிக்கை 15.6 லட்சம் என்றும் தில்லியில் 15.5 லட்சம் என்றும் ஆந்திரத்தில் 10 லட்சம் என்றும் தமிழகத்தில் 4 லட்சம் என்றும் தெரிவிக்கப்படுகிறது.

இந்தியாவில் பார்வையற்றோர் எண்ணிக்கை இந்த அளவுக்கு அதிகமாக இருப்பதற்கான காரணங்கள் குறித்து அகர்வால் கண் மருத்துவமனையின் மேலாண் இயக்குநர் அமர் அகர்வால் தமிழோசையிடம் கருத்து வெளியிட்டார்.

போஷாக்கின்மை, உடல் நலம் குறித்த அறிவீனம், அக்கறையின்மை ஆகிய காரணங்கள் இந்தியாவில் பார்வையற்றோர் எண்ணிக்கை மிகவும் அதிகமாக இருப்பதன் காரணங்கள் என்றும் கண் மருத்துவர் அமர் அகர்வால் தெரிவித்தார்.

பார்வை இழந்திருப்பவர்களில் பலருக்கு முறையான சிகிச்சை மூலம் பார்வையை மீட்டுத்தர முடியும்; ஆனால் அப்படியான சிகிச்சைகள் இருப்பது குறித்து எல்லோருக்கும் தெரிவதில்லை என்று அவர் குறிப்பிட்டார்.

தவிர இந்தியாவில் நீரிழிவு நோய் அதிகம் இருக்கிறது. நீரிழிவு நோய் முற்றி கண் பார்வை பாதிக்கப்படும் எண்ணிக்கையும் இந்தியாவில் அதிகம் என்றும் அவர் குறிப்பிட்டார்.

15.6 lakh blind people in UP

  • Nearly 4% of Assam’s population is blind.
  • UP with 15.6 lakh blind has the highest number of sight-disadvantaged persons in India followed by
  • Delhi at 15.5 lakh,
  • Andhra Pradesh at 10 lakh,
  • West Bengal with 9.5 lakh,
  • Karnataka has 9.3 lakh blind and
  • Maharashtra has 9.1 lakh such people.

According to the health ministry’s latest figures, other states like

  • Orissa have 5.13 lakh blind people,
  • Madhya Pradesh 7 lakh, Bihar 6.46 lakh, and
  • Haryana 3.98 lakh.

As far as prevalence is concerned, after Assam, 2.24% of Andhra Pradesh’s population is visually disadvantaged. Officials say the figures are very high when compared to the national blindness prevalence rate of 1.1%.

As far as the number of cataract surgeries conducted are concerned,

  • Gujarat tops the list with 6.4 lakh surgeries. It is followed by
  • Maharashtra (6.14 lakh),
  • Andhra (4.93 lakh),
  • UP (4.75 lakh) and
  • Tamil Nadu (3.52 lakh).

Being home to the world’s largest number of blind people at 12 million, government has now decided to upgrade the National Blindness Control Programme.

The ministry has sought Rs 1,550 crore under the 11th Plan for the programme as against a meagre Rs 450 crore allotted during the 10th Plan. Of the 37 million people across the globe who are blind, over 12 million are from India and health minister A Ramadoss says almost 75% of these are cases of avoidable blindness.

NGOs and health ministry officials posted in district and sub-district hospitals have now been told to screen all those living in rural areas for a range of

  • eye diseases, including
  • glaucoma,
  • trachoma,
  • corneal injuries and
  • diabetic retinopathy.

Till now, they were mostly screened for just cataract. Financial incentives are also being introduced to get more NGOs to come forward in the fight against blindness. NGOs working to control blindness in tribal and rural belts are being given a one-time grant of Rs 25 lakh to improve their infrastructure, services and for capacity building.

Posted in India, Tamil Nadu | குறிச்சொல்லிடப்பட்டது: , | Leave a Comment »