Tamil News

BBC, Dinamani, Dinamalar, Maalai Malar et al

Notorious rowdy ‘bomb’ Balaji dies in police encounter

Posted by Snapjudge மேல் ஏப்ரல் 29, 2008

ரௌடி “பாம்’ பாலாஜி காவல்துறையினரால் சுடப்பட்டு சாவு

திருச்சி, ஏப். 28: தஞ்சாவூரைச் சேர்ந்த ரௌடி “பாம்’ பாலாஜி திருச்சி சர்க்கார்பாளையத்தில் திங்கள்கிழமை அதிகாலை போலீஸôரால் சுட்டுக் கொல்லப்பட்டார்.

திருவெறும்பூர் போலீஸôர் வாகனச் சோதனையில் ஈடுபட்டிருந்த போது அவர்கள் மீது நாட்டு வெடிகுண்டை வீசியும், துப்பாக்கியால் சுட்டும் தாக்குதல் நடத்தியதால், பாலாஜியை போலீஸôர் சுட்டதாக திருச்சி சரக டிஐஜி அசோக்குமார் தாஸ் தெரிவித்தார்.

தஞ்சாவூர் மாவட்டம், கரந்தை சுந்தரம் பிள்ளைத் தெருவைச் சேர்ந்த தனபதியின் மகன் “பாம்’ பாலாஜி (32). இவர் மீது 5 கொலை வழக்குகள் உள்ளிட்ட 10 வழக்குகள் உள்ளன.

திருச்சி கே.கே.நகர் காவல் நிலையத்தில் பதிவு செய்யப்பட்ட கொலை முயற்சி வழக்கு தொடர்பாக கடந்த 2006 ஆம் ஆண்டு கைது செய்யப்பட்டு, பாலாஜி திருச்சி மத்திய சிறையில் 6 மாதம் அடைக்கப்பட்டிருந்தார்.

வெளியே வந்த பாலாஜி அதன் பின்னர் தலைமறைவாக இருந்து வந்தார். இந்நிலையில், திங்கள்கிழமை அதிகாலை திருச்சியில் அவர் சுட்டுக் கொல்லப்பட்டார்

இந்தச் சம்பவம் குறித்து திருச்சி சரக டிஐஜி அசோக்குமார் தாஸ் அளித்த பேட்டி:

“”திருவெறும்பூர் காவல் ஆய்வாளர் கபிலன், உதவி ஆய்வாளர் உதயகுமார், காவலர்கள் முத்துசாமி, முருகானந்தம் ஆகியோர் வாகன சோதனையில் ஈடுபட்டிருந்தனர்.

அப்போது “நம்பர் பிளேட்’ இல்லாமல் வந்த ஒரு மோட்டார் சைக்கிளை அவர்கள் வழிமறித்த போது நிற்காமல் சென்றதால் போலீஸôர் பின்தொடர்ந்தனர்.

சிறிது தொலைவு சென்றதும் மோட்டார் சைக்கிள் நிலை தடுமாறியதால் அதில் வந்த நபர் கீழே குதித்துத் தப்பியோட முயன்றார். அந்த நபர் ரௌடி “பாம்’ பாலாஜி எனத் தெரிய வந்தது.

போலீஸôர் அவரைத் துரத்திய போது அவர்கள் மீது பாலாஜி நாட்டு வெடிகுண்டை வீசினார். ஆனால், அந்தக் குண்டு வெடிக்கவில்லை.

தொடர்ந்து ஆய்வாளர் கபிலனை நோக்கி, தான் வைத்திருந்த கைத் துப்பாக்கியால் பாலாஜி சுட்டார். ஆனால், கபிலன் விலகியதால் அவருக்குக் காயம் ஏற்படவில்லை. உடனே உதவி ஆய்வாளர் உதயகுமாரை நோக்கிச் சுட்டதில் அவரது இடது கையில் குண்டு பாய்ந்தது.

இதையடுத்து, பல முறை எச்சரிக்கை விடுத்தும் பலனில்லாததால் ஆய்வாளர் கபிலன் தன்னிடமிருந்த துப்பாக்கியால் பாலாஜியை நோக்கிச் சுட்டார்.

மார்பில் காயமடைந்த ரௌடி பாலாஜியையும், உதவி ஆய்வாளர் உதயகுமாரையும் ஆய்வாளர் கபிலன் திருச்சி அண்ணல் காந்தி அரசு மருத்துவமனைக்கு கொண்டு சென்றார்.

அங்கு சிகிச்சை அளிக்கப்பட்ட போதிலும் பாலாஜி சிறிது நேரத்தில் இறந்தார். உதவி ஆய்வாளர் உதயகுமாருக்கு மருத்துவமனையில் சிகிச்சை அளிக்கப்பட்டு வருகிறது” என்றார் அசோக்குமார் தாஸ்.

ரௌடி பாலாஜி சுடப்பட்ட இடத்தை திருச்சி டிஐஜி அசோக்குமார் தாஸ், மாவட்டக் காவல் கண்காணிப்பாளர் அ. கலியமூர்த்தி ஆகியோர் பார்வையிட்டனர். அங்கு, ரௌடி பாம் பாலாஜி வீசிய நாட்டு வெடிகுண்டு, அவர் வைத்திருந்த கைத் துப்பாக்கி, பாலித்தீன் பை ஆகியவை சிதறிக் கிடந்தன. அந்தப் பையில் ஒரு நாட்டு வெடிகுண்டும், மாலைப் பத்திரிகையும், சில காகிதங்களும் இருந்தன.

பாலாஜி மீதான வழக்குகள்: கடந்த 2003 ஆம் ஆண்டு தஞ்சாவூரில் அன்பழகன், 2006 ஆம் ஆண்டு கரூர் பசுபதிபாளையத்தில் சிவக்குமார், 2008 ஆம் ஆண்டு வேலூர் சத்துவாச்சாரியில் சுரேஷ், திண்டுக்கல்லில் ராஜா, தஞ்சாவூர் பெரிய கோயிலில் ரவிச்சந்திரன் ஆகியோர் கொல்லப்பட்ட வழக்குகளில் சம்பந்தப்பட்டவர் “பாம்’ பாலாஜி.

இவர் கடந்த 2006 ஆம் ஆண்டு கத்தியைக் காட்டி மிரட்டியதாக தொடரப்பட்ட வழக்கில் திருச்சி கே.கே.நகர் போலீஸôரால் கைது செய்யப்பட்டு, ஆறு மாதம் சிறையில் இருந்தார்.

பாலாஜிக்கு லதா (27) என்ற மனைவியும், ஆண்- பெண் என இரு குழந்தைகளும் உள்ளனர்.

ஒரு பதில் to “Notorious rowdy ‘bomb’ Balaji dies in police encounter”

  1. Raja said

    “Bomb” Balaji, “Muttai Kann” Ravi, “Vellai” Ravi, “Velding” Kumar, “Varichur” Selvam, — who is conferring such honary titles to these guys?

    BTW, I wish to give some funny and realistic titles to some of my favourites blogs/bloggers. Let me start it as a thread here, others can continue.

    lazygeek — “Captain” Geek
    idlyvadai — “Judge” IV
    kirukkal — “Ustad” Geek
    bsubra — “Super news” Bala
    nilaraseegan — “Prophet” raseegan
    idhazhgal — “maestro” Anitha
    viruba — “Sensational” Viruba

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

 
%d bloggers like this: