Election to 9 local district bodies in Batticaloa: Sri Lanka Muslim Congress (SLMC) party parts with government

மட்டக்களப்பு தேர்தல்களில் முஸ்லீம் கட்சிகள் தனித்து போட்டி

	மட்டக்களப்பில் தேர்தல் களம் சூடுபிடிக்கிறது

இலங்கையின் கிழக்கே மட்டக்களப்பு மாவட்டத்தில் இதுவரை நடைபெறாமல் இருந்த உள்ளூராட்சி சபைகளுக்கான தேர்தல்களுக்கான வேட்புமனு தாக்கல் தொடங்கியுள்ள நிலையில், இந்தத் தேர்தல்களில் தனித்து போட்டியிடப் போவதாக ஸ்ரீலங்கா முஸ்லீம் காங்கிரஸ் அறிவித்துள்ளது.

மட்டக்களப்பு மாவட்டத்தில் 9 உள்ளூராட்சி சபைகளுக்கான தேர்தல்கள் நடைபெறவுள்ள நிலையில், முஸ்லீம்களுக்கு பிரதிநிதித்துவம் கிடைக்கக் கூடிய மட்டக்களப்பு மாநகர சபை, ஏறாவூர் பற்று மன்முனைப்பற்று பிரதேச சபைகள் உட்பட 5 சபைகளிலே தமது கட்சி போட்டியட தீர்மானித்துள்ளதாக ஸ்ரீலங்கா முஸ்லீம் காங்கிரஸ் கட்சியின் அரசியல் உயர்மட்டக் குழுவின் உறுப்பினரான எம்.எல்.ஏ.எம்.ஹிஸ்புல்லா தமிழோசையிடம் தெரிவித்தார்.

இதனிடையே அகில இலங்கை முஸ்லீம் காங்கிரஸ், ஐக்கிய மக்கள் சுதந்திர முன்னணியுடன் இணைந்து குறிப்பிட்ட சபைகளில் போட்டியிட உத்தேசித்துள்ளதாக அந்தக் கட்சியைச் சேர்ந்த அமைச்சர் அமீர் அலி குறிப்பிட்டுள்ளார்.