Tamil News

BBC, Dinamani, Dinamalar, Maalai Malar et al

Archive for ஓகஸ்ட் 24th, 2007

Teacher Suicide – Students, Sex Abuse, Law & Order

Posted by Snapjudge மேல் ஓகஸ்ட் 24, 2007

கேமிரா செல்போனில் குளிப்பதை படம் பிடித்ததால் ஆசிரியை தற்கொலை

நகரி, ஆக. 24-

ஆந்திர மாநிலம் கடப்பா மாவட்டம் சிவானந்த புரத்தை சேர்ந்தவர் சுனிதா (27). இவருக்கு திருமணமாகி 2 மகன்கள் உள்ளனர். இவர் நிரஞ்சன் நகரில் உள்ள மேல்நிலைப்பள்ளி ஒன்றில் ஆசிரியையாக வேலை பார்த்து வந்தார்.

சம்பவத்தன்று இவர் தனது வீட்டில் உள்ள மேல்கூரை இல்லாத குளியலறையில் குளித்துக் கொண்டிருந்தார். அப்போது அவரிடம் படிக்கும் மாணவர்கள் ஜெகதீஷ்வர் ரெட்டி, நரேந்திரகுமார் ஆகியோர் பக்கத்து வீட்டு மாடியில் ஒளிந்திருந்து கேமிரா செல்போனில் படம் பிடித்த

னர்.பின்னர் அவர்கள் இருவரும் சுனிதாவுக்கு மிரட்டல் கடிதம் ஒன்றை அனுப்பினார்கள். அதில், “எங்களுக்கு ரூ.5 ஆயிரம் தரவேண்டும். இல்லை யென்றால் நீங்கள் குளித்த போது எடுத்த படங்களை இண்டர்நெட்டில் வெளியிடு வோம்” என்று எழுதி இருந்தனர்.

இதைப்பார்த்ததும் அதிர்ச்சி யடைந்த அவர் உடனே கணவரிடம் இதுபற்றி கூறினார். பின்னர் சின்ன சவுக்னார் போலீஸ் நிலையத்தில் புகார் செய்தார்.

போலீசார் 2 மாணவர்களையும் அழைத்து கண்டித்து அனுப்பி விட்டனர். ஆனால் அவர்களிடம் இருந்த செல்போனை பறிமுதல் செய்யவில்லை.

இந்த நிலையில் ஆசிரியை சுனிதா தன்னை மாணவர்கள் நிர்வாணமாகபடம் எடுத்து விட்டார்களே என்று வேதனை யில் அழுதபடியே இருந்தார். வீட்டில் யாருமில்லாத சமயத்தில் தூக்குப்போட்டு தற்கொலை செய்து கொண்டார்.

இதையடுத்து அவரை தற்கொலைக்கு தூண்டியதாக ஜெகதீஷ்வர் ரெட்டி, நரேந்திர குமார் ஆகியோரை போலீசார் கைது செய்தனர்.

——————————————————————————————–

வீடியோ-செல்போனில் ஆசிரியையை நிர்வாணப்படம் எடுத்து மிரட்டல்: பல்கலைக்கழக பேராசிரியர் கைது

டேராடூன், ஆக. 24-

உத்தரகாண்ட் மாநிலம் டேராடூன் குருகுல் கங்கிரி சமஸ்கிருத பல்கலைக்கழகம் உள்ளது. 105 ஆண்டு பாரம் பரியமிக்க இந்த பல்கலைக் கழகத்தில் சமீபத்தில் அவ மான சம்பவம் நடந்தது.

இங்கு பேராசிரியர்களாக பணியாற்றுபவர்கள் அருண் குமார், ராஜீவ் சர்மா, மனோஜ்குமார். இவர்கள் 3 பேரும் சேர்ந்து குருகுல் பெண்கள் கல்லூரியில் பணி யாற்றும் ஆசிரியை ஒருவரை நிர்வாணப்படம் எடுத்ததாக பரபரப்பு புகார் எழுந்தது.

ஆசிரியையின் நிர்வாணப் படத்தை அவர்கள் சி.டி.க் களாக தயாரித்தனர். செல் போனிலும் அதை படம் பிடித்து எம்.எம்.எஸ்.மூலம் மற்றவர்களது செல்களுக்கு அனுப்பி வைத்தனர்.

3 பேராசிரியர்களில் ஒரு வரது மனைவி தனது கணவரின் செல்போனில் பெண்ணின் ஆபாசபடம் இருப்பதை பார்த்து அதிர்ச்சி அடைந்தார். இந்த படத்தில் இருப்பது கணவரது பல் கலைக்கழகத்துக்கு உட்பட்ட கல்லூரியின் ஆசிரியை என் பது தெரியவந்தது.

உடனே அவர் செல்போனில் இருந்த ஆபாச படத்தை சம்பந் தப்பட்ட ஆசிரியையிடம் காட்டி `உன்னை எப்படி என் கணவர் படம் எடுத்தார்’ என்று கேட்டு சண்டை போட்டார். இதனால் பிரச்சினை ஏற்பட்டு கல்லூரி முதல்வர் வரை சென்றது.

அவர் இது பற்றி சமஸ்கிருத பல்கலைக்கழக நிர்வாகத்துக்கு தகவல் கொடுத்தார். அதன் பேரில் துணைவேந்தர் ஸ்வாந் திர குமார் விசாரணை நடத்த உத்தரவிட்டார்.

இதையடுத்து சம்பந்தப்பட்ட 3 பேராசிரியர்களும் உடன டியாக சஸ்பெண்டு செய்யப் பட்டனர். இவர்களில் ராஜீவ்குமார் என்பவர் தற்காலிக பேராசிரியராக பணியாற்றியவர் ஆவார். நிர்வாணப்படத்தில் வரும் ஆசிரியையிடம் துணைவேந்தர் விசாரணை நடத்தினார்.

நிர்வாணப் படத்தில் வரு வது நான் இல்லை என்றும் தனது முகத்தை கிராபிக்ஸ் மூலம் நிர்வாண படத்துடன் இணைத்துள்ளனர் என்றும், இந்தப் படங்களை காட்டி தன்னை 3 பேராசிரியர் களும் பல்வேறு விதத்தில் “பிளாக் மெயில்” செய்து மிரட்டி னார்கள் என்றும் கூறினார்.

பல்கலைக்கழக குழு விசாரணைக்குப் பின் போலீ சில் புகார் செய்யப்பட்டது. இதற்குள் 3 பேராசிரியர்களும் தலைமறைவாகி விட்டார்கள். அவர்களில் மனோஜ்குமார் என்பவர் போலீசில் பிடி பட்டார். மற்ற 2 பேரையும் போலீசார் தேடி வருகிறார் கள்.

இதற்கிடையே இந்தசம் பவம் பல்கலைக்கழகம் முழு வதும் பரவியது. 3 பேராசி ரியர்களையும் கைது செய் யக்கோரி மாணவர்கள் போராட்டத்தில் குதித்தனர். அப்போது 3 பேராசிரி யர் களின் கொடும்பாவியும் எரிக் கப்பட்டது.

Posted in abuse, Bath, Bathe, Bathing, Camera, Cell, Cellphone, Crime, Education, Exposure, Female, Hidden, Law, male, MMS, Mobile, Naked, Order, phone, Pressure, Professor, Se, Sex, Sexual, Sick, Society, Students, Suicide, Teacher, Torture, University, video | Leave a Comment »

Why CBI lost against Shibu Soren? Political equations may change in Jharkhand

Posted by Snapjudge மேல் ஓகஸ்ட் 24, 2007

சிபுசோரன் விடுதலை: மரபணு சோதனை தோல்விக்கு காரணம் என்ன?- சி.பி.ஐ. விளக்கம்

புதுடெல்லி, ஆக. 24-

ஜார்க்கண்ட்முக்தி மோர்ச்சாகட்சி தலைவரும் முன்னாள் மத்திய மந்திரியுமான சிபுசோரன் தனது நேர்முக உதவியாளர் சசிநாத்ஷாவை கொன்றதாகக் கூறப்பட்ட வழக்கில் அவருக்கு செசன்சு கோர்ட்டு ஆயுள் தண்டனை விதித்து தீர்ப்பளித்தது. இதைத் தொடர்ந்து அவர் ஜார்க்கண்ட் மாநிலத்தில் உள்ள தும்சா மத்திய ஜெயிலில் அடைக்கப்பட்டார்.

இந்த தீர்ப்பை எதிர்த்து அவர் ஐகோர்ட்டில் அப்பீல் செய்தார். இந்த வழக்கு விசாரணையின் முடிவில் சிபுசோரன் கொலை வழக்கிலிருந்து விடுதலை செய்யப்பட்டிருந்தார்.

இந்த வழக்கில் “சசிநாத்ஷாவின் உடல் என்று கூறப்பட்டு பூமியிலிருந்து தோண்டி எடுக்கப்பட்ட சடலம் சசிநாத்சிங்ஷாவினுடையது என்பது மரபணு சோதனை மூலம் நிரூபிக்கப்படவில்லை” என்று தீர்ப்பில் கூறப்பட்டிருந்தது.

எனவே சிபுசோரன் விடுதலைக்கு முக்கியக் காரணமாக இருந்த மரபணு சோதனை தோல்விக்கு காரணம் என்னப என்பது குறித்து இந்த வழக்கு விசாரணையில் ஈடுபட்ட சி.பி.ஐ. அதிகாரிகளில் சிலர் கொடுத்த விளக்கம் வருமாறு:-

“இந்த வழக்கில் சிபுசோரன் மீதான குற்றச்சாட்டை நிரூபிப்பதற்கு சி.பி.ஐ. பெரும்பாலும் விஞ்ஞான பூர்வமான ஆதாரங்களையே நம்பியிருக்க வேண்டியிருந்தது. ஆனால் நாங்கள் எதிர்பார்த்தபடி அந்த ஆதாரங்கள் கிடைக்கவில்லை. கொலை செய்யப்பட்ட சசி நாத்ஷாவின் தாய் பிரியம்வதாதேவி மரபணு சோதனைக்கு ஒத்துழைப்புத் தரவில்லை. பூமியிலிருந்து தோண்டி எடுக்கப்பட்ட சசிநாத்ஷாவின் எலும்புத் துண்டுகளையும், அவரது தாயின் ரத்தத்தையும் மரபணு சோதனை மூலம் ஒப்பிட்டு கொலை செய்யப்பட்டது சசிநாத்ஷாதான் என்பதை நிரூ`பிக்க வேண்டியிருந்தது.

இதற்காக நாங்கள் பிரியம்வதாதேவியை அணுகி ரத்த சாம்பிள்களை வழங்க கேட்டோம். ஆனால் அவர் ரத்தம் கொடுப்பதற்கு மறுத்து விட்டார். எனவே வேறு வழியில்லாமல் சசிநாத்ஷாவின் சகோதரர் ரத்தத்தை வைத்து மரபணு சோதனை நடத்த வேண்டியிருந்தது.

எனவே அது தோல்வியடைந்துள்ளது. மரபணு சோதனையை மேற்கொண்ட டாக்டர் ராவ் ஏற்கனவே இருமுறை மரபணு சோதனை நடத்துவதற்கு தேவையான பொருத்தமான சாம்பிள்கள் இல்லை” என தனது திருப்தியின்மையை தெரிவித்தார்.

இவ்வாறு அந்த சி.பி.ஐ. அதிகாரிகள் தெரிவித்துள்ளனர்.

Posted in Jharkhand, Shibu, Sibu, Soren | Leave a Comment »

Marungapuri MLA Elections – Court declares in favor of ADMK: Salma loses

Posted by Snapjudge மேல் ஓகஸ்ட் 24, 2007

மருங்காபுரி தொகுதியில் அ.தி.மு.க. வெற்றி பெற்றது செல்லும்
தி.மு.க. வழக்கு தள்ளுபடி

சென்னை, ஆக.23-

மருங்காபுரி சட்டமன்ற தொகுதியில் அ.தி.மு.க. வேட்பாளர் வெற்றி பெற்றது செல்லும் என்று, சென்னை ஐகோர்ட்டு நேற்று தீர்ப்பு வழங்கியுள்ளது.

தேர்தல் வழக்கு

கடந்த சட்டமன்ற தேர்தலில் மருங்காபுரி தொகுதியில் அ.தி.மு.க. சார்பில் சி.சின்னசாமி போட்டியிட்டார். இவரை எதிர்த்து ரொக்கையா மாலிக் தி.மு.க. சார்பில் போட்டியிட்டார். இதில் அ.தி.மு.க. வேட்பாளர் 2 ஆயிரத்து 532 ஓட்டுகள் அதிகம் பெற்று வெற்றி பெற்றார்.

அ.தி.மு.க. வேட்பாளர் வெற்றி பெற்றதை எதிர்த்து சென்னை ஐகோர்ட்டில் தி.மு.க. வேட்பாளர் தேர்தல் வழக்கு தொடர்ந்தார். அவர் தாக்கல் செய்த மனுவில் கூறியிருந்ததாவது:-

ஊழல் புகார்

அ.தி.மு.க. வேட்பாளர் சின்னசாமி கிராமநல குழு தலைவராக இருந்து வந்தார். இந்த குழு தரிசு நில மேம்பாட்டு திட்டங்களை செயல்படுத்தி வந்தது. இந்த திட்டத்தில் ஊழல் புரிந்ததாக சின்னசாமி மீது புகார் கூறப்பட்டது.

இது தொடர்பான வரவு-செலவு கணக்கை தேர்தலுக்கு முன்பாக முழுவதுமாக அவர் காட்டவில்லை. இவர் மீது மேற்கொள்ளப்பட்ட விசாரணை இன்னும் நிலுவையில் உள்ளது. ஆனால், இந்த திட்டத்தில் எந்த பாதிப்பும் இல்லை என்றும், இந்த திட்டம் முடிந்துவிட்டதாகவும் அவர் வேட்பு மனுவில் தவறான விவரங்களை கூறியுள்ளார்.

உண்மைக்கு மாறாக விவரங்களை கூறி வேட்பு மனு தாக்கல் செய்திருப்பதால், சின்னசாமி வெற்றி பெற்றதை செல்லாது என்று அறிவிக்க வேண்டும். அந்த தேர்தலில் நான் வெற்றி பெற்றதாக அறிவிக்க வேண்டும்.

இவ்வாறு மனுவில் கூறியிருந்தார்.

தள்ளுபடி

இந்த வழக்கை நீதிபதி சி.நாகப்பன் விசாரித்தார். இந்த வழக்கை விசாரிக்காமலேயே தள்ளுபடி செய்ய வேண்டுமென்று சின்னசாமி சென்னை ஐகோர்ட்டில் மனுதாக்கல் செய்தார். இதை ஏற்று இந்த தேர்தல் வழக்கை நீதிபதி தள்ளுபடி செய்து சின்னசாமி வெற்றி பெற்றது செல்லும் என்று நேற்று நீதிபதி தீர்ப்பு வழங்கினார்.

மனுதாரர் தரப்பில் குற்றச்சாட்டுகளுக்கு தக்க ஆதாரங்களை காட்டவில்லை என்றும், ஆவணங்களை தாக்கல் செய்யவில்லை என்றும், இதனால் இந்த வழக்கை தள்ளுபடி செய்வதாக நீதிபதி தனது தீர்ப்பில் குறிப்பிட்டுள்ளார்.

ஓட்டு விவரம்

மருங்காபுரி தொகுதியில் கிடைத்த ஓட்டுகள் விவரம் வருமாறு:-

மொத்த ஓட்டுகள்-1,87,542

பதிவான ஓட்டுகள்- 1,13,038

சின்னசாமி (அ.தி.மு.க.)- 57,910

ரொக்கையா மாலிக் (தி.மு.க.)- 55,378

பி.டி.குமார் (பா.ஜனதா)- 9,503

Posted in Marungaburi, Marungapuri, Marunkaburi, Marunkapuri, Salma | Leave a Comment »