Environmental Impact – 10 More Years Left

உலகம் பேரழிவைச் சந்திக்க இன்னும் பத்தே ஆண்டுகள்தான்!

கே.என். ராமசந்திரன்

ஒரு பரிசலை கொஞ்சமாகச் சாய்த்தால் அது தானாக நேராகி விடும். அதை ஓரளவுக்கு மேல் சாய்த்தால் கவிழ்ந்து விடும். அத்தகைய ஒரு கவிழ் வரம்பை (tipping point்) உலகம் வேகமாக நெருங்கிக் கொண்டிருப்பதாக விஞ்ஞானிகள் பயமுறுத்தியிருக்கிறார்கள். ஜேம்ஸ் லவ்லாக் (James Lovelock) என்ற விஞ்ஞானி Gaia என்று ஒரு கொள்கையை வெளியிட்டுப் பூமி தன்னைத்தானே சரிப்படுத்திக் கொள்ளும் திறமையுள்ள ஓர் உயிரி என்று வர்ணித்தார். அவரே இப்போது நாம் மீள முடியாத வரம்புகளைத் தாண்டிப் போய் விட்டோம் என்கிறார். இதுவரை விஞ்ஞானிகள் தென் துருவத்திலும் வட துருவத்திலும் 2 முதல் 3 கிலோமீட்டர் வரை தடிமனுள்ள நிரந்தரப் பனிப்பாளங்கள் உலகளாவிய வெப்பநிலை உயர்வு காரணமாக மெல்ல மெல்லத்தான் உருகும் என்றும் அவை முழுவதுமாக உருகப் பத்தாயிரம் ஆண்டுகளாவது ஆகும் என்றும் நம்பிக் கொண்டிருந்தார்கள். ஆனால் நிரந்தரப் பனிப்பாளத்தில் பல விரிசல்கள் இருக்கும் என்பதை அவர்கள் அறிந்திருக்கவில்லை. பனிப்பாளங்களின் மேல்பரப்பில் உருகும் நீர், விரிசல்களில் இறங்கிப் பத்தே விநாடிகளுக்குள் பனிப்பாளங்களுக்கடியில் உள்ள தரைப்பரப்பை எட்டி விடுகிறது. பனிப்பாளம் தரையை விட்டு நீரில் மிதக்கத் தொடங்கி வேகமாகக் கடலை நோக்கி நகர ஆரம்பிக்கிறது. கிரீன்லாந்தின் பனியாறுகள் இந்த விதமாகக் கடலை நோக்கி ஓடத் தொடங்கிவிட்டன. அட்லாண்டிக் கடலுக்குள் விழும் பனியாறுகளின் பருமம் 1996-ஆம் ஆண்டிலிருந்த ஆண்டுக்கு 100 கன கிலோமீட்டர் என்ற அளவிலிருந்து 2005-இல் 220 கன கிலோமீட்டராக உயர்ந்திருக்கிறது. சைபீரியாவின் வட பகுதியிலும் பனியாறுகள் அதிக அளவில் உருகத் தொடங்கியுள்ளன. இங்கிலாந்திலுள்ள வனவிலங்குகள் வளிமண்டல வெப்பநிலை உயர்வு காரணமாக வடக்கு நோக்கிக் குடிபெயர்ந்து கொண்டிருக்கின்றன. வழக்கமாக உறைந்து போகும் பல காயல்களில் கப்பல் போக்குவரத்து சாத்தியமாகும் அளவுக்கு நீர் நிறைந்திருக்கிறது. துருவப் பனிமலைகள் கண்ணெதிரே காணாமற் போய்க் கொண்டிருக்கின்றன.

துருவப் பனிப்படலங்கள் தம் மீது விழும் சூரிய வெப்பத்தில் 80 சதவீதம் வரை வானில் திருப்பியனுப்பி விடுகின்றன. கடல் நீர் 7 சதவீத வெப்பத்தைத்தான் பிரதிபலிக்கிறது. பனிப்படலங்கள் பரப்பு குறைவதும் கடல்களின் பரப்பு அதிகமாவதும் இவ்வாறு திருப்பியனுப்பப்படும் வெப்பத்தைக் குறைத்து உலகளாவிய வெப்பநிலையை அதிகமாக்கும்.

துருவப்பகுதிகளின் நிரந்தரப் பனிப்பாளங்களில் சுமார் 450 பில்லியன் டன் அளவுக்குக் கரிம வாயுக்கள் சிக்கியுள்ளன. வட சைபீரியாவின் பனிப்பாலைகளில் மீதேன் விரைவாக வெளியே கசிந்து வருவதாக அலாஸ்கா பல்கலையைச் சேர்ந்த கேட்டிவால்டர் (Katey Walter) கண்டுபிடித்திருக்கிறார். கரிம வாயுக்கள் பசுமைக்குடில் வாயுக்கள். அவை உலகளாவிய வெப்பநிலையை அதிகமாக்கும்.

மண்ணிலும் கிருமிகள் மீதேன் வாயுவை உற்பத்தி செய்கின்றன. தரை வெப்பநிலை உயர்ந்தால் அவ்வாறு உருவாகும் மீதேனின் அளவும் அதிகமாகும். பனிமலைகள் உருகினால் அவற்றிலிருந்து ஏராளமான பசுமைக்குடில் வாயுக்கள் வெளிப்பட்டுப் பூமியின் சராசரி வெப்பநிலையை மேலும் உயர்த்தும். இது ஒரு நச்சுச் சூழலாக மாறி விடும்.

உலகளாவிய வெப்பநிலை 3 செல்சியஸ் டிகிரி உயர்ந்தால் உலகிலுள்ள காடுகளில் பாதிக்கு மேல் அழிந்து சிதைந்து கரிம வாயுக்களை வெளியிடத் தொடங்கும். இன்றிலிருந்து உடனடியாகப் பசுமைக்குடில் வாயுக்களை வெளிப்படாமல் தடுத்து நிறுத்தினால்கூட வளிமண்டல வெப்ப நிலையில் 2 செல்சியஸ் டிகிரி வரை உயர்வு ஏற்படுவதைத் தவிர்க்க முடியாது. நூறு ஆண்டுகளுக்கு ஒரு முறை ஏற்பட்டு வரும் வெள்ளம், வறட்சி போன்ற உற்பாதங்கள் பத்தாண்டுகளுக்கொரு முறை நிகழத் தொடங்கும். இந்த நிலை நீடித்தால் துருவங்களில் முதலைகளும் நீர் யானைகளும் வசிக்கத் தொடங்கி விடும். பூமத்திய ரேகைப் பகுதியில் கடல் கொதித்து ஆவியாகிக் கொண்டிருக்கும். 135 கோடியாண்டுகளுக்கு முன் பூமியின் நிலை அப்படித்தான் இருந்தது. இன்று வெள்ளிக்கிரகத்தில் அதேபோன்ற நிலை நிலவுகிறது. இதற்கெல்லாம் காரணம் பசுமைக்குடில் வாயுக்கள் எனப்படும் மீதேனும் கரியமில வாயுவும்தான். அவை ஓரளவுக்குச் சூரிய வெப்பத்தைப் பிடித்து வைத்துக்கொண்டு உலகம் ஒரேயடியாகக் குளிர்ந்து போய்விடாமல் செய்கின்றன என்றாலும் அதுவே அளவுக்கு மீறும் போது ஆபத்தாகி விடுகிறது.

1765-ஆம் ஆண்டில் ஜேம்ஸ்வாட் நீராவி எஞ்சினைக் கண்டுபிடித்துத் தொழிற்புரட்சியைத் தொடங்கி வைத்தது முதல் கரியையும் எண்ணெயையும் எரித்து மனித இனம் வளி மண்டலத்தில் பசுமைக்குடில் வாயுக்களைப் பரப்பத் தொடங்கிவிட்டது. பீட்டர் காக்ஸ் (Peter Cox்) என்ற ஆங்கிலேய வானிலை வல்லுநர் ஊர்திகளும் விமானங்களும் மின்னுற்பத்தி நிலையங்களும் வெளியிடும் கரியமில வாயுவை வளிமண்டலம் சமாளிக்க முடியாமல் போகிற நிலை இன்னும் பத்தே ஆண்டுகளுக்குள் வந்துவிடலாம் என்கிறார். தற்போது மனித நடவடிக்கைகளால் உருவாக்கப்படும் கரிம வாயுக்களில் கிட்டத்தட்டப் பாதியளவைத் தரையும் தாவரங்களும் கடலும் உட்கவர்ந்து கொள்கின்றன. வெப்பநிலை உயர்ந்தால் அவை அந்த வாயுக்களை வெளிப்படுத்தத் தொடங்கிவிடும். சில விநாடிகளில் பல பில்லியன் டன் கரிம வாயுக்கள் கடலிலிருந்து பொங்கி வெளிப்பட்டு வளி மண்டலத்தில் கலந்து விட முடியும். இதேபோன்ற ஒரு சம்பவம் 5.5 கோடியாண்டுகளுக்கு முன் நிகழ்ந்து பல கோடி உயிரிச் சிற்றினங்கள் முற்றாய் அழிந்து போயின.

இந்த நிலைமைச் சீரழிவைத் தடுக்கப் பலரும் பல வழிகளைப் பரிந்துரைக்கிறார்கள். வானில் பல கோடி டன் அளவுக்குக் கந்தக டையாக்சைடைப் பரப்பினால் அது சூரிய வெப்பத்தைப் பிரதிபலித்துத் திருப்பியனுப்பி விடும் என்று சிலர் யோசனை கூறியிருக்கிறார்கள். பலூன்கள் மூலம் அவ்வாறு பரப்பலாம். ஆனால் அது பெரும் செலவு பிடிக்கிற விஷயம். அத்துடன் அது ஓசோன் படலத்தைச் சேதப்படுத்தி விடக் கூடும்.

விண்வெளியில் சூரியனுடைய நிறையீர்ப்பும் பூமியின் நிறையீர்ப்பும் சமமாக உள்ள இடத்தில் இரண்டடி அகலமுள்ள லென்சுகளைக் கோடிக்கணக்கில் பரப்பிச் சூரிய வெப்பத்தில் ஒரு பகுதி பூமிக்கு வராமல் திசைதிருப்பி விடலாம் என ஒரு யோசனை சொல்லப்பட்டிருக்கிறது. இது தொழில்நுட்பச் சிக்கல்கள் நிறைந்த நடவடிக்கை.

வானில் கடல்நீரைப் பீய்ச்சி ஆவியாக்கி நிறைய மேகங்கள் உருவாகும்படி செய்தால் அவை அதிக அளவில் சூரிய வெப்பத்தைப் பிரதிபலித்துத் திருப்பியனுப்பி விடும் என்று ஒரு கருத்து வெளியிடப்பட்டிருக்கிறது. ஆனால் அத்தகைய மேகங்கள் சில நாட்களே நீடிக்கும். கடல்நீரைத் தொடர்ந்து வானத்தில் பீய்ச்சிக் கொண்டேயிருக்க வேண்டியிருக்கும்.

கடலிலும் தரையிலும் ஏராளமான பிரதிபலிப்புப் பொருள்களைப் பொருத்தி ஓரளவு வெப்பத்தைத் திருப்பியனுப்பலாம். வெள்ளையான பிளாஸ்டிக் நுரைப்பலகைகளைக் கடல்களிலும் பாலைவனங்களிலும் பரப்பி வைக்கலாம் என்று சிலர் யோசனை சொல்லுகிறார்கள். ஆனால் அவற்றின் வெள்ளை நிறம் அதிக காலம் நீடிக்காது. அவற்றின் செயல்திறன் குறைந்துவிடும்.

கடல்களில் இரும்புச் சத்தைக் கலந்தால் பைட்டோபிளாங்டன்கள் என்ற நுண்ணுயிரிகள் பல்கிப் பெருகிக் கரியமில வாயுவை உட்கவர்ந்து கொள்ளும். அவை இறந்ததும் கடலடித் தரையில் போய்க் குவிந்துவிடும். அதனால் கரியமில வாயு பல நூற்றாண்டுகளுக்கு அங்கேயே தங்கியிருக்கும் என்று சிலர் யோசனை சொல்லியிருக்கிறார்கள். ஆனாலும் அதை நம்ப முடியாது.

நமது வாழ்க்கை நடவடிக்கைகளை உடனடியாக மாற்றிக்கொண்டு பசுமைக்குடில் வாயுக்கள் வளிமண்டலத்தில் கலப்பதைத் தடுக்க வேண்டும். அப்படிச் செய்யத் தயங்கினால் உலகம் இன்னும் பத்தே ஆண்டுகளில் பேரழிவைச் சந்திக்கும். ஏழை நாடுகளுக்குப் பணம் கொடுத்து அவற்றிலுள்ள காடுகள் அழிக்கப்படுவதைத் தடுத்து நிறுத்தப் பணக்கார நாடுகள் முன்வர வேண்டும் என காக்ஸ் கூறுகிறார்.

Advertisements

Central Madurai Campaign ends – Who will be the Winner?

தமிழகத்தின் மத்திய மதுரை தொகுதி இடைத்தேர்தலின் பிரச்சாரம் ஒய்ந்தது

வாக்குச் சேகரிக்கும் திமுக, அதிமுக, தேதிமுக வேட்பாளர்கள்

தமிழகத்தின் மதுரை மத்திய சட்டமன்றத் தொகுதி இடைத்தேர்தலுக்கு கடந்த இரண்டு வாரக்காலமாக நடைபெற்ற பரபரப்பான பிரச்சாரம் திங்கட்கிழமை மாலை ஐந்து மணியுடன் முடிவடைந்துள்ளது.

திமுக அரசில் அறநிலையத்துறை அமைச்சராக இருந்த பி.டி.ஆர். பழனிவேல்ராஜன் அவர்களின் மறைவால் நடத்தப்படும் இந்த தேர்தலில், 13 சுயேட்சைகள் உட்பட மொத்தம் 16 வேட்பாளர்கள் களத்தில் இருக்கின்றனர். திமுக வின் சார்பில் கவுஸ் பாட்சாவும், அதிமுகவின் சார்பில் ராஜன் செல்லப்பாவும், நடிகர் விஜயகாந்த்தின் தேதிமுகவின் சார்பில் பன்னீர்செல்வமும் தேர்தலில் போட்டியிடுகின்றனர்.

இந்த மூன்று வேட்பாளர்கள் இடையே தான் கடுமையான போட்டி நிலவுகிறது. தமது வேட்பாளர்களை ஆதரித்து திமுக தலைவர் மு.கருணாநிதி, அதிமுக பொதுச் செயலாளர் ஜெயலலிதா, தேதிமுக தலைவர் விஜயகாந்த் ஆகியோர் இங்குத் தேர்தல் பிரச்சாரம் மேற்கொண்டனர்.

இங்கு வாக்காளர்களுக்கு பணம் கொடுப்பதாக திமுகவும், அதிமுகவும் பரஸ்பர குற்றச்சாட்டுகளை சுமத்துகின்றன. இந்தக் குற்றச்சாட்டு அடிதடியாகவும் மாறியுள்ளது.

இது குறித்து திமுக மற்றும் அதிமுக வேட்பாளர்களிடமும், யாருக்கு வாக்களிக்க இருக்கின்றார்கள் என்று மதுரை வாக்காளர்கள் சிலரிடமும் பிபிசியின் எல். ஆர். ஜெகதீசன் அவர்கள் கேட்டறிந்தார்.

Postal History – World Mail Day

கடைசித் திறப்பு!

நா. ஹரிஹரன்

இந்தியாவில் உள்ள பெருநகரங்கள் மட்டுமல்ல ஒவ்வொரு குக்கிராமத்திலும்கூட பொதுவாக காணப்படும் அரசு சாதனம் ஒன்றே ஒன்றுதான்-அதுதான் நமது பாரம்பரியம் மிக்க “தபால்பெட்டி’.

ஆரம்ப காலத்தில் தபால்களைப் போடுவதற்கு தபால்பெட்டிகள் கிடையாது. கடிதங்களைக் கொண்டு செல்பவர்களே கடிதங்களைப் பெற்றும் வந்தனர். 1653 ஆம் ஆண்டு Longueville மாகாண Minister Fouqet என்ற போஸ்ட் மாஸ்டர் ஜெனரலின் மனைவியின் யோசனையின் பேரில்தான் தபால்பெட்டி அறிமுகமாயிற்று.

சார்லஸ் ரீவ்ஸ் என்பவர் தபால்பெட்டிக்கு மாதிரி வடிவத்தைக் கொடுத்தார். லண்டன் மற்றும் இதர நகரங்களில் முற்றிலும் வடிவமைக்கப்பட்ட வசதிகளுடன் கூடிய தபால்பெட்டிகளை வைக்க அந்தோணி ட்ரோலோபி (Anthony Trollope) என்ற பிரிட்டிஷ் தபால்துறையின் பணி மேம்பாட்டு அதிகாரியை 1851-ல் பிரிட்டிஷ் அரசு நியமித்தது. இவர் ஒரு நாவலாசிரியரும் ஆவார். அவரது ஆய்வின் முடிவில் பிரான்சில் உள்ளதுபோல் ஐந்தடி உயரமுள்ள இரும்புத்தூண் தபால்பெட்டிகளை பல்வேறு இடங்களில் வைக்கலாம் என முடிவாயிற்று. பிரான்ஸ் நாட்டில் அறிமுகமான தபால்பெட்டிகள் பிரிட்டன், ஜெர்மனி, பெல்ஜியம் ஆகிய நாடுகளால் பின்பற்றப்பட்டன. தபால்பெட்டிகள் அதிகபட்சம் ஐந்தேகால் அடி உயரத்தையும், குறைந்தபட்சம் நான்கடி உயரத்தையும் கொண்டவையாக இருந்தன.

1852-ல் அமெரிக்காவில் செவ்வக வளைவு கொண்ட தபால்பெட்டிகள் வைக்கப்பட்டன. அதே ஆண்டு ஜெர்சி மாகாணத்தில் 4 தூண் தபால்பெட்டிகள் வைக்கப்பட்டன. அதன்பின்னர் 1855-ல் குர்னெசி மாகாணத்தில் (Guernse) 3 தபால்பெட்டிகளும், லண்டனில் 6 தபால் பெட்டிகளும் வைக்கப்பட்டன. லண்டனில் வைக்கப்பட்ட தபால்பெட்டிகள் பொதுமக்களின் கவனத்தை மிகவும் ஈர்த்தன. தபால்பெட்டிகளில் பிரிட்டிஷ் அரசின் சின்னமும், அதற்கு கீழ் பிரிட்டிஷ் தபால்துறையான ராயல் மெயில் சேவையின் சின்னமும் முகப்பில் இருந்தன. தபால்பெட்டியின் மேற்பகுதி விக்டோரியா மகாராணியின் கிரீட சின்னத்தையும் கொண்டிருக்கும். மெயில் பஸ்கள், மெயில் ரயில்களிலும்கூட அக்காலத்தில் தபால்பெட்டிகள் இடம்பெற்றிருந்தன.

சிவப்பு வண்ணம் மக்களது பார்வையை உடனடியாக ஈர்க்கும் சக்தி கொண்டதால் தபால்பெட்டிகளுக்கு சிவப்பு வண்ணம் பூசலாம் என பிரிட்டிஷ் அரசு அறிவுறுத்தியது. இது “போஸ்ட் ஆபீஸ் ரெட்’ (Post Office Red) என ஒரு வர்ண பெயின்டாகவே பிரபலமாயிற்று. பச்சை நிறத் தபால் பெட்டிகளும் பின்னர் அறிமுகமாயின. ஆனால் அவை மிகக் குறைந்த எண்ணிக்கையில் உள்நாட்டு தபால்களைப் போடுவதற்கு மட்டுமே பயன்படுத்தப்பட்டு வந்தன. நம் நாட்டில் பல்வேறு சமஸ்தான தபால் சேவைகளில் பச்சை நிறத் தபால் பெட்டிகளும் இருந்தன.

இந்தியாவில் பிரிட்டிஷ் மற்றும் கிழக்கிந்திய கம்பெனியின் ஆட்சி நிகழ்ந்தபோதிலும் சுமார் 82 சமஸ்தானங்கள் தங்களது தபால் சேவைகளைத் தாங்களே நிர்வகித்து வந்தனர். இந்திய தபால்சட்டம் இயற்றப்பட்ட 1837-ஆம் ஆண்டிலிருந்து பல்வேறு சமஸ்தானங்கள் படிப்படியாக பிரிட்டிஷ் அரசு சேவையின்கீழ் கொண்டுவரப்பட்டன.

இந்தியாவின் முதல் தூண் தபால்பெட்டி (டண்ப்ப்ஹழ் கங்ற்ற்ங்ழ் ஆர்ஷ்) லண்டனிலிருந்து 1855 ஆம் ஆண்டு உதகமண்டலத்திற்கு அனுப்பப்பட்டது. ஆனால் 1856-57 ஆண்டுகளில்தான் பெருவாரியான தபால்பெட்டிகள் பிரிட்டனிலிருந்து இந்தியாவிற்கு இறக்குமதி செய்யப்பட்டன. உதகமண்டலம் தபால்நிலையம் 1826 ஆம் ஆண்டு ஆரம்பிக்கப்பட்டது.

நமது நாட்டில் மரத்தினாலான தூண் தபால்பெட்டிகள் தார்வார் (ஈட்ஹழ்ஜ்ஹழ்) சமஸ்தானத்தில் எட்வர்டு அரசர் ஆட்சி காலத்தில் வைக்கப்பட்டிருந்தன.

அந்தோணி ட்ரோலோபி ஆரம்ப காலத்தில் தபால்பெட்டியை அறிமுகப்படுத்தியபோது மக்கள் தங்கள் கடிதங்கள் திருட்டுபோவதாகப் பயந்து தபால்பெட்டியைப் பயன்படுத்தத் தயங்கியது மட்டுமல்லாமல், எதிர்ப்பும் தெரிவித்தனர். ஆனால், காலப்போக்கில் தபால்பெட்டி மக்களின் நம்பிக்கைக்குரிய ஒரு சாதனமாக மாறிவிட்டது.

1913-14 ஆம் ஆண்டு வாக்கில் நம் நாட்டில் 49131 தபால்பெட்டிகள் இருந்தன. தற்போது அது சுமார் 5,91,000 ஆக உயர்ந்துள்ளது. நாட்டிலுள்ள ஒன்றரை லட்சம் தபால் நிலையங்களின் கடிதப்போக்குவரத்தை ஊக்குவிக்க தபால்பெட்டிகள் பெரும்பங்கை வகிக்கின்றன.

தபால்நிலையங்களைவிட தபால்பெட்டிகளின் எண்ணிக்கை நான்கு மடங்காக உள்ளது. உலகிலேயே அதிகப்படியான தபால்பெட்டி வசதிகளைக் கொண்ட நாடு இந்தியாதான்.

தபால்பெட்டிகளில் தபால் எடுக்கப்படும் தபால் நிலையத்தின் பெயர், நேரம் இவையெல்லாம் குறிப்பிடப்பட்டிருக்கும். இவற்றைத்தவிர கடைசித் திறப்பு நேரமும் குறிப்பிடப்பட்டிருக்கும். தென் மாவட்டங்களில் உள்ள சில தபால்பெட்டிகளில் “கடைசித் திறப்பு’ (Last clearance) என்ற அறிவிப்பு வாசகம் இன்றும் வழக்கத்தில் இருந்து வருகிறது. பல ஊர்களில் தபால்பெட்டிகள் ஒரு நாளைக்குப் பலமுறை திறக்கப்படுவதும் உண்டு. கடைசித் திறப்பை அறிவிக்கும்பட்சத்தில் தபால்களை அன்றைய கட்டிலேயே சேர்ப்பிக்க முற்படுவதற்கு இந்தத் தகவல் பயன்படுகிறது.

(இன்று உலக தபால் தினம்).

Save Pozhichaloor Houses from Airport Extension Project

பொழிச்சலூர் பொதுக் கூட்டத்தில் மேதா பட்கர் இன்று பங்கேற்கிறார்

சென்னை, அக். 9: சென்னை விமான நிலைய விரிவாக்கப் பிரச்சினையால் பாதிக்கப்படும் பகுதியான பொழிச்சலூரில் திங்கள்கிழமை நடைபெறும் பொதுக்கூட்டத்தில் நர்மதா அனை திட்ட எதிர்ப்பு குழுத் தலைவி மேதாபட்கர் பங்கேற்கிறார்.

சென்னை விமான நிலைய விரிவாக்கத்துக்காக இங்குள்ள பொழிச்சலூர், கவுல்பஜார், அனகாபுத்தூர் பகுதிகளில் உள்ள குடியிருப்புப் பகுதிகளை கையகப்படுத்த திட்டமிடப்பட்டது. இதற்கு எதிர்ப்பு தெரிவித்து இப்பகுதி மக்கள் கடந்த 10 மாதங்களாக தொடர்ந்து பல்வேறு போராட்டங்களை நடத்தி வருகின்றனர்.

இதுதொடர்பாக, இங்குள்ள விமான நிலைய விரிவாக்கத்தால் பாதிக்கப்படும் மக்கள் சங்கத்தின் பிரதிநிதிகள் தில்லி சென்று மத்திய அமைச்சர்கள் மற்றும் பாஜக மூத்தத் தலைவர்கள் பலரையும் சந்தித்து மனு அளித்தனர்.

இதேபோல சென்னையிலும், மாவட்டத் தலைநகரான காஞ்சிபுரத்திலும் பல்வேறு போராட்டங்களை நடத்தினர்.

போராட்டத்துக்கு பல்வேறு மனித உரிமை அமைப்புகள் மற்றும் வாழ்வுரிமை தன்னார்வ அமைப்புகளிடம் ஆதரவு கோரினர். இவர்களின் கோரிக்கையை ஏற்று நர்மதா அனை திட்ட எதிர்ப்பு குழுத்தலைவி மேதா பட்கர் பொழிச்சலூருக்கு திங்கள்கிழமை வருகிறார்.

பொழிச்சலூர் பகுதி குடியிருப்போர் நலச்சங்கங்களின் கூட்டமைப்பினர் இக்கூட்டத்தை நடத்துகின்றனர்.

=========================================================

 சென்னை விமான நிலைய விரிவாக்கத்துக்கு பொழிச்சலூர், அனகாபுத்தூர், பம்மல் பகுதி நிலங்களை அரசு கையகப்படுத்தாது: முதல்வர்

சென்னை, மார்ச் 12: சென்னை விமான நிலைய விரிவாக்கத் திட்டத்துக்கு பொழிச்சலூர், அனகாபுத்தூர், பம்மல் பகுதியில் உள்ள நிலங்களை அரசு கையகப்படுத்தாது என்று தமிழக முதல்வர் கருணாநிதி உறுதிபடத் தெரிவித்துள்ளார்.

விமான நிலைய விரிவாக்கப் பிரச்சினையில் அனைத்துக் கட்சித் தலைவர்களைக் கூட்டி பேசிய பிறகுதான் இறுதி முடிவு முடிவெடுக்கப்படும் என்றும் அவர் கூறியுள்ளார்.

இது தொடர்பாக ஞாயிற்றுக்கிழமை அரசு வெளியிட்ட செய்திக் குறிப்பு:

சென்னை விமான நிலைய விரிவாக்கத் திட்டத்தைப் பற்றி விவாதித்து எந்த முடிவுக்கும் தமிழக அரசு இன்னும் வரவில்லை. ஆனால் எந்தக் காரணத்தை முன்னிட்டும், விமான நிலைய விரிவாக்கத்தின் காரணமாக அதிக அளவில் குடிசைவாசிகள் வாழக்கூடிய இந்த பகுதிகளில் உள்ள நிலங்களை அரசு கையகப்படுத்தாது.

எந்த ஒரு விரிவாக்கத் திட்டமானாலும், மேம்பாட்டுத் திட்டமானாலும் அதனால் ஏழை எளிய மக்கள் அதிக அளவில் பாதிக்காத வகையில்தான் இடங்கள் தேர்வு செய்யப்படும்.

விதிகள் மீறப்பட்டிருந்தால் நடவடிக்கை: விதிகளை மீறி செல்வந்தர்கள் கட்டிய கட்டடமாயிருந்தாலும் நடவடிக்கை எடுக்க இந்த அரசு தயங்காது. அதேபோல ஏழைகள் வாழும் வீடுகளை அகற்ற இந்த அரசு முன்வராது. இதில் யாருக்கும் எந்தவிதமான அச்சமும் தேவையில்லை.

Christian Youth is forcefully tonsured to convert back to Hinduism in Orissa

கிறிஸ்தவ இளைஞருக்கு மொட்டை: ஒரிசா கிராமத்தில் பதற்றம்

புவனேசுவரம், அக். 9:கிறிஸ்தவ மதத்தில் சேர்ந்த இளைஞரை மீண்டும் இந்து மதத்தில் சேர்ப்பதற்காக வலுக்கட்டாயமாக மொட்டையடித்ததால் ஒரிசா கிராமத்தில் பதற்றம் நிலவுகிறது.

ஒரிசா மாநிலம் பத்ராக் மாவட்டத்தில் உள்ளது கோகுல்பூர் கிராமம். இந்தக் கிராமத்தைச் சேர்ந்தவர் ரஞ்சன் தங்குவா. இவர் கோகுல்பூரில் உள்ள பிரபாகர் பரிக் என்ற கிறிஸ்தவரின் வீட்டுக்கு அடிக்கடி போவாராம். அங்கு ஞாயிற்றுக்கிழமைகளில் நடைபெறும் பிரார்த்தனைகளில் பங்குபெறுவாராம்.

இந்நிலையில் கடந்த 2 ம் தேதி ரஞ்சனின் வீட்டுக்கு சிலர் வந்துள்ளனர். அவரை பக்கத்திலிலுள்ள கோபாலதோஹராவுக்கு வலுக்கட்டாயமாக இழுத்துச் சென்றனர். அங்கு அவரது தலையை மொட்டையடித்து இந்து மதத்தில் மீண்டும் சேர்க்கும் நிகழ்ச்சியை நடத்தியுள்ளனர்.

இதையடுத்து கோகுல்பூர் மற்றும் அதைச் சுற்றியுள்ள கிராமங்களில் பதட்டம் நிலவுகிறது.

இந்தச் சம்பவம் குறித்து பிரபாகர் பரிக் என்பவர் போலீஸில் புகார் செய்தார். அதைத் தொடர்ந்து அந்தப் பகுதிகளில் பாதுகாப்பு பலப்படுத்தப்பட்டுள்ளது என மாவட்ட போலீஸ் அதிகாரி தெரிவித்தார்.

நடந்த சம்பவம் குறித்து ரஞ்சனின் குடும்பத்தினர் எதுவும் கூற மறுத்துவிட்டனர். இளைஞர் மொட்டையடிக்கப் பட்டதற்கு இந்திய கிறிஸ்தவர்கள் சங்கம் கண்டனம் தெரிவித்துள்ளது.

Kannada Actor Sudeep to marry Tamil Actress Meena?

கன்னட நடிகர் சுதீப்புடன் மீனா காதல் திருமணமா?

சென்னை, அக். 9-

தமிழ் படங்களில் குழந்தை நட்சத்திரமாகஅறிமுகமானவர் மீனா. தமிழ், மலையாளம், தெலுங்கு, கன்னட படங்களில் முன்னணி நடிகர்களுடன் கதாநாயகியாக நடித்துள்ளார்.

ரஜினியுடன் எஜமான், வீரா, முத்து உள்ளிட்ட படங்களில் நடித்துள்ளார். முத்து படம் மூலம் ஜப்பானிலும் மீனாவுக்கு ரசிகர் வட்டாரம் சேர்ந்துள்ளது. ஜப்பானிய ரசிகர்கள் சென்னை வந்து மீனாவுடன் போட்டோ எடுத்து சென்றனர்.

அவ்வை சண்முகி, வானத்தைப்போல, பாரதி கண்ணம்மா, நாட்டாமை போன்ற “ஹிட்” படங்களிலும் நடித்துள்ளார். தற்போது டெலிவிஷன் தொடர்களில் நடிக்கிறார். மீனாவுக்கும் கன்னட நடிகர் சுதீப்புக்கும் காதல் அரும்பியுள்ளதாக பரபரப்பு தகவல் வெளியாகியுள்ளது.

சுதீப் கன்னடத்தில்முன்னணி கதாநாயகன் ஆவார். கமலஹாசன் நடித்த சிப்பிக்குள் முத்து கன்னடத்தில் எடுத்த போது சுதீப்பும் மீனாவும் ஜோடியாக நடித்தனர்.

அதன்பிறகு விஷ்ணுவர்த்தன் உள்ளிட்ட பலஹீரோக்களுடன் 10க்கும் மேற்பட்ட கன்னட படங்களில் மீனா நடித்துள்ளார். ஆட்டோ கிராப் படம் கன்னடத்தில் எடுத்தபோது மீண்டும் சுதீப்பும் மீனாவும் சேர்ந்து நடித்தனர். சினேகா கேரக்டரில் மீனா நடித்தார். அப்போது இருவரும் காதலித்ததாக கூறப்படுகிறது. இருவரும் திருமணம் செய்து கொள்ள முடிவு செய்திருப்பதாகவும், தகவல் வெளியாகியள்ளது. இவர்கள் திருமணம் விரைவில் நடைபெறும் என்றும் கூறப்படுகிறது.

இதுபற்றி மீனாவிடம் இன்று தொடர்பு கொண்டு கேட்டபோது அவர் கூறியதாவது,

சுதீப்புக்கும் எனக்கும் திருமணம் நடக்கப்போவதாக வெளியான தகவல் வியப்பளிக்கிறது. எங்களுக்குள் கல்யாண பேச்சு எதுவும் நடக்கவில்லை. காதலும் இல்லை என்று கூறினார்.

North Korea Nuclear Tests – India Condemns

வடகொரியாவுக்கு இந்தியா கண்டனம்

புதுடெல்லி, அக். 9-
வடகொரியா அணுகுண்டு சோதனை நடத்தியதற்கு இந்தியா கடும் கண்டனம் தெரிவித்துள்ளது. இதுகுறித்து வெளியுறவுத் துறை அலுவல கம் வெளியிட்டுள்ள செய்தி யில் சர்வதேச எதிர்ப்பை மீறி இந்த அணுகுண்டு சோதனை நடத்தியிருப்பது கண்டிக் கத்தக்கது. கொரிய தீப கற்ப பகுதியில் அமைதியை இது பாதிக்கும், இது மிகவும் துரதிர்ஷ்டவசமானது. இது தொடர்பாக மற்ற நாடுகளுடன் கலந்து பேசி ஆலோசனை நடத்தப்படும் என்று கூறப் பட்டுள்ளது.