Tamil News

BBC, Dinamani, Dinamalar, Maalai Malar et al

Archive for ஓகஸ்ட் 11th, 2006

Coke did not exceed EU Standards

Posted by Snapjudge மேல் ஓகஸ்ட் 11, 2006

கோக-கோலா பானங்களில் நச்சுப்பொருள் வரம்பளவு மீறப்படவில்லை: கோக் தகவல்

புதுதில்லி, ஆக. 12: ஐரோப்பிய ஒன்றியம் நிர்ணயித்துள்ள தரமுறைகளின்படி பார்த்தால் கோக-கோலா பானங்களில் நச்சுப் பொருள்களின் வரம்பளவு மீறப்படவில்லை என கோக் கூறியுள்ளது.

கோக், பெப்சி உள்ளிட்ட 14 வகையான பானங்களில் நச்சுப்பொருள்களின் அளவு அனுமதிக்கப்பட்டதை விட அதிகமாக உள்ளதாக தகவல்கள் வெளியானதை அடுத்து ராஜஸ்தான், பஞ்சாப், கர்நாடகம் உள்ளிட்ட பல மாநில அரசுகள் இந்த பானங்களுக்கு தடை விதித்தன. கேரளத்தில் உற்பத்தி, விற்பனை இரண்டுக்குமே தடை விதிக்கப்பட்டது.

இதையடுத்து கோக் நிறுவனம் வெளியிட்டுள்ள செய்திக் குறிப்பில், “ஐரோப்பிய ஒன்றிய தரநிர்ணயத்தின் படி, தனியே ஆய்வகங்களில் நடத்திய சோதனைகளில் இந்திய மென் பானங்களில் கண்டறியத்தக்க அளவு நச்சுப் பொருள்கள் இல்லை’ எனக் கூறியுள்ளது.

“பிரிட்டிஷ் அரசின் ஆய்வகமான மத்திய அறிவியல் ஆய்வகத்தில் (சிஎஸ்எல்) மென்பானங்கள் தொடர்ச்சியாகப் பரிசோதிக்கப்பட்டு உறுதிப்படுத்தப் படுகின்றன’.

“உலகம் முழுவதும் பின்பற்றுவதைப் போலவே இந்தியாவிலும் எங்களது பானங்களில் பாதுகாப்பு, தரம் விஷயத்தில் சமரசத்துக்கு இடமில்லாமல் செயல்படுவதாக’ கோக் கூறியுள்ளது.

Posted in Ban, Coca cola, Coke, Dinamani, Drink, FDA, India, Pesticide, Poison, Soft Drinks, Tamil | Leave a Comment »

Liquid Bomb Materials – Q&A

Posted by Snapjudge மேல் ஓகஸ்ட் 11, 2006

திரவ வெடி பொருட்கள்

பல வகை வெடிபொருட்கள்
பல வகை வெடிபொருட்கள்

லண்டன் விமான நிலையங்களில் இருந்து புறப்படும் விமானங்களை திரவ வெடி பொருட்களைக் கொண்டு தகர்க்க மேற்கொள்ளப்பட்ட ஒரு சதியை தாம் கண்டு பிடித்துள்ளதாக பொலிஸார் தெரிவித்துள்ளனர்.

இது இங்கு பெரும் அதிர்ச்சியை ஏற்படுத்தியுள்ளது. அதேவேளை திரவ வெடிபொருட்கள் குறித்தும் பலர் ஆர்வமாக அறிய முற்பட்டுள்ளனர்.

ஒரு விமானத்தில் வெடிக்கும் உபகரணத்தினை கடத்தி செல்ல வேண்டும் என்று நினைப்பவர்களுக்கு திரவ வடிவிலான வெடிகுண்டு ஒரு கவர்ச்சியான மாற்று வழியாகும்.

திரவ வடிவிலான வெடிகுண்டினை சுலபமாக மறைத்து விடலாம். பிளாஸ்டிக் வெடிப்பொருட்களை தேடுவதற்கு பயன்படும் மிக உயர் நுட்பம் கொண்ட இயந்திரத்தினால் கூட இவற்றை கண்டு பிடிக்க முடியாமல் போகலாம்.

நன்கு தெரிந்த திரவ வடிவிலான எரிபொருள் என்றால், அது நைட்ரோகிளிசரின் ஆகும். இது ஒரு சிறு நகர்விலும் வெடிக்க கூடிய நிறமற்ற திரவம் என்று கூறப்படுகின்றது.

நிறமற்ற தன்மையினால், விமானங்களை அழிக்க வேண்டும் என்று நினைப்பவர்களுக்கு இது ஒரு கவர்ச்சியான அம்சமாக தெரிந்தாலும், வெடிகுச்சிகள் இல்லாமல் இவை வெடிக்காது என அறிவியல் வல்லுநர்கள் தெரிவிக்கின்றனர்.

உண்மையில், பெரும்பாலான திரவ வெடிகுண்டுகளை வெடிக்க வைக்க, வெப்பம் அல்லது மின்சார உந்துதல் தேவை. ஆகவே திரவ வெடிகுண்டுகளை வெடிக்க வைக்க காமிராக்களில் இருக்கும் ஃபிளாஷ் அல்லது பேட்டரியினால் இயங்கும் உபகரணம் தேவை.

சாதாரண வீட்டில் பயன்படும் பெரும்பாலான பொருட்களில், உதாரணமாக நகப் பூச்சினை எடுக்க பயன்படும் திரவம், கேசத்திற்கு நிறம் கொடுக்கும் திரவங்கள் மற்றும் பூச்சிக்கொல்லி திரவங்களை கொண்டு கூட திரவ வெடிப்பொருளினை உருவாக்கலாம்.

ஆனால் இதில் கடினமான விடயம் என்னவென்றால், இவற்றினை சரியான விகிதத்தில் கலக்க வேண்டும். கடந்த ஆண்டு ஜுலை மாதம் ஏழாம் ஆம் திகதி தாக்குதல் நடத்திய குண்டுத்தாரிகள், வீட்டில் தயாரிக்கப்பட்ட ட்ரைஅசிடோன் ட்ரைபெராக்சைட் என்ற வெடிப்பொருளினை பயன்படுத்தியதாக லண்டனில் இருக்கும் காவல்துறையினர் நம்புகின்றனர்.

இந்த வெடிப்பொருளை கூட திரவ வடிவில் தயாரிக்க முடியும். ஆனால் சரியான விகிதத்தில் கலவையினை உருவாக்குவதற்கு நிபுணத்துவம் தேவை. இந்த பொருட்களை கொண்டு, வெடிப்பொருட்களை உருவாக்க முயலும் அனுபவம் அற்றவர்கள், பெரும்பாலும் வெடிக்குண்டு தயாரிக்கும் போது பொருட்கள் வெடித்து கொல்லப்படுகின்றனர்.

இது போன்று வெடிப்பொருளாக செயற்பட கூடிய மேலும் பல திரவங்கள் இருக்கின்றன. அவற்றில் ஒன்று நைட்ரோமீதேன் – இது மாதிரி விமானங்களில் எரிபொருளாக பயன்படுகின்றது. இது தொழிற்சாலைகளிலும் பயன்படுகின்றது.

அதே போன்று நைட்ரோ ஈதேன் மற்றும் மீதேல் நைட்ரேட்டும் இருக்கின்றது.

இந்த இரசாயன பொருட்களை பெறுவதற்கு கடினம் அல்ல, ஆனால் இவற்றை வெடிக்க வைக்க கூடிய சரியான பொருளினை கண்டுபிடிப்பதற்கு, அறிவும், அனுபவமும் தேவை.

முக்கியமாக, திரவப் வெடிப்பொருட்களால் மிகுந்த சக்தி வாய்ந்த வெடிகுண்டுகள் தயாராவதில்லை. ஆனால் விமானங்கள் என்று பார்த்தால், சக்தி வாய்ந்த குண்டுகள் தேவை இல்லை. ஏனென்றால் சிறிய வெடித்தாக்குதல் பெரிய பாதிப்பினை ஏற்படுத்த வல்லது.

காற்றழுத்தம் செய்யப்பட்ட விமானத்தின் அறைகள், வானில் உயரமாகவும், வேகமாகவும் பறக்கும் போது ஏற்படும் மாற்றங்கள் போன்றவை, ஒரு சிறிய வெடித்தாக்குதலின் பாதிப்பினை கூட பூதாகரமாக்கும், அதன் விளைவாக விமானம் முற்றாக நாசம் அடையும்.

Posted in Aircraft, Airforce, al-Qaeda, Arms, BBC, Blast, Liquid, Tamil | Liquid Bomb Materials – Q&A அதற்கு மறுமொழிமை மூடப்பட்டது

LTTE’s Airforce starts Flight Attacks

Posted by Snapjudge மேல் ஓகஸ்ட் 11, 2006

தரவைப் பகுதியில் விமானத் தாக்குதல்

மட்டக்களப்பில் விடுதலைப்புலிகளின் கட்டுப்பாட்டுப் பகுதி
மட்டக்களப்பில் விடுதலைப்புலிகளின் கட்டுப்பாட்டுப் பகுதி

இலங்கையின் வடக்கே யாழ்குடா நாட்டில் முகமாலைப் பகுதியில் இராணுவத்தினர் ஒரு படை முன்நகர்வை மேற்கொண்டுள்ளதாகவும், தங்களின் பகுதிகளை நோக்கி கடும் பீரங்கித் தாக்குதல்களை மேற்கொண்டு வருவதாகவும், விடுதலைப் புலிகளின் இராணுவ விவகாரங்களுக்கான பேச்சாளர் இளந்திரையன் தமிழோசையிடம் தெரிவித்தார்.

இதேவேளை, மட்டக்களப்பு மாவட்டத்தில் தரவை பகுதியில் உள்ள தங்களின் முகாம் ஒன்றின் மீது இலங்கை விமானப் படை விமானங்கள் தாக்குதல் நடத்தியதாகவும் இதில் ஆட்சேதங்கள் குறித்து கூடுதலான தகவல்கள் எதுவும் கிடைக்கவில்லை எனவும் இளந்திரையன் தெரிவித்தார்.

இதேவேளை, அரச படைகள் தாமாக படை முன்நகர்வை மேற்கொண்டு தாக்குதல் நடத்தியாகக் கூறப்படுவதை மறுத்த இலங்கை அமைச்சர் கெஹலிய ரம்புக்வெல்ல தங்களுடைய படை நிலைகள் தாக்கப்பட்டதாகவும், அவற்றைப் பாதுகாக்கவே தாங்கள் பதில் தாக்குதல் நடத்தியதாகவும் தெரிவித்தார்.

தரவை மீது தாக்குதல்
தரவை மீது தாக்குதல்

படையினரின் நடவடிக்கையின் ஒட்டு மொத்த நடவடிக்கையில் குறிக்கோள் என்ன என்பதற்குப் பதிலளித்த கெஹலிய ரம்புக்வெல்ல, அவர்கள் சில பகுதிகளைத் தாக்கும் போது நாங்கள் எங்களின் பகுதிகளைப் பாதுகாக்க வேண்டும். எங்களின் படைகளின் மீது தாக்குதல் நடத்தப்படும் போது நாங்கள் வெறுமனே பார்த்துக் கொண்டிருக்க முடியாது என்றார்.

மேலும், எங்களுடைய முதலாவது நோக்கம் விடுதலைப் புலிகள் தாக்குதல் நடத்துவதை முன் கூட்டியே தவிர்ப்பது, மேலும் நிலைகளை பலப்படுத்துவது ஒரு நோக்கம் இரண்டாவது நாட்டின் இறையாண்மையைப் பாதுகாப்பது என்றார் இலங்கை அமைச்சர் கெஹலிய ரம்புக்வெல்ல.

போர் நிறுத்தக் கண்காணிப்புக் குழுவின் சார்பில் பேசவல்ல அதிகாரி ராபர்ட் நீல்சனிடம் முகமாலையில் நடந்து வரும் மோதல்கள் குறித்து கேட்ட போது, ‘இலங்கையின் வடக்கே யாழ் குடா பகுதியில் கிளாலி, முகமாலை மற்றும் நாகர் கோயில் பகுதியில் பீரங்கித் தாக்குதல் நடத்தப்படுவதாக செய்திகள் தெரிவிக்கின்றன. இதுதான் எங்களுக்கு தெரியும். அங்கு குண்டு தாக்குதல்கள் ஷெல் அடிப்பது நடக்கிறது.. இதை யார் ஆரம்பித்தது என்பது எங்களுக்கு தெரியாது. யார் இப்போது தாக்குதல் நடத்துகின்றனர் என்பதும் எங்களுக்குத் தெரியாது. பீரங்கித் தாக்குதல்கள் அப்பகுதியில் நடப்பதாக ஒரு அரை மணி நேரத்துக்கு முன்பு எங்களுக்கு தகவல் கிடைத்தது’ என்று தெரிவித்தார்.

Posted in Eezham, LTTE, Tamil | LTTE’s Airforce starts Flight Attacks அதற்கு மறுமொழிமை மூடப்பட்டது

Aircraft Blast plot foiled

Posted by Snapjudge மேல் ஓகஸ்ட் 11, 2006

பாதுகாப்பு உசார் நிலை தொடருகிறது
பாதுகாப்பு உசார் நிலை தொடருகிறது

பிரிட்டன் விமான நிலையங்களில் தொடர்ந்தும் அதியுயர் உசார்நிலை

அமெரிக்காவிற்கு பறக்கும் பயணிகள் விமானங்களை தகர்ப்பதற்கு திட்டம் தீட்டியதாக இருபத்து நான்கு பேர் கைது செய்யப்பட்டுள்ளதினை அடுத்து, பிரிட்டனில் அதிகாரபூர்வமான எச்சரிக்கை அளவானது, ‘தீவிரம்’ என்பதிலே நீடிக்கும் என பிரித்தானிய உள்த்துறை அமைச்சர் ஜான் ரெய்டு தெரிவித்துள்ளார்.

முக்கியமான சந்தேக நபர்கள் அனைவரும் தங்களின் பிடியில் இருப்பதாக அதிகாரிகள் நம்பிக்கையாக இருப்பதாக செய்தியாளர் கூட்டத்தில் தெரிவித்த அவர், ஆனால் தன்னால் அதற்கு உறுதி கூற முடியாது என தெரிவித்தார்.

மேலும் இந்த விசாரணையின் போது ஒத்துழைப்பு கொடுத்த நாடுகள், குறிப்பாக பாகிஸ்தானுக்கு தனது நன்றியினையும் அவர் தெரிவித்தார்.

கைது செய்யப்பட்டவர்களில் பத்தொன்பது பேரின் நிதிச் சொத்துக்களை முடக்கியுள்ள பேங்க் ஆஃப் இங்கிலாந்து அவர்களின் பெயர்களையும் வெளியிட்டுள்ளது.

இந்த நபர்களின் வயது பதினேழு முதல் முப்பதைந்து வரையில் இருக்கின்றது. இவர்களில் பெரும்பாலனவர்கள் இருபது வயது பருவத்தினராக இருக்கின்றனர். வியாழக்கிழமையன்று கைது செய்யப்பட்ட அனைவரும் பிரித்தானியாவில் பிறந்த முஸ்லிம்கள் என பாதுகாப்பு வட்டாரங்கள் தெரிவிக்கின்றன.


பிரிட்டன் விமான நிலைய தாமதங்கள் குறைகின்றன

பல விமான நிலையங்களில் கடுமையான பாதுகாப்பு
பல விமான நிலையங்களில் கடுமையான பாதுகாப்பு

பிரிட்டனின் விமான நிலையங்களில் இயல்பு சேவையினை கொண்டு வருவதில் தாங்கள் முன்னேற்றம் கண்டு வருவதாக பிரித்தானிய போக்குவரத்துத்துறை அதிகாரிகள் தெரிவித்துள்ளனர்.

புதிய பாதுகாப்பு நடவடிக்கையினால், பிரித்தானிய விமான நிலையங்களில் விமான போக்குவரத்தில் பாதிப்பு ஏற்பட்டு இருந்தது.

விமான நிறுவனங்கள் நீண்ட தூரம் செல்ல கூடிய விமான சேவைகளை ஆரம்பித்து வருகின்றன. ஆனால் குறுகிய தூர சேவைகள் இன்னும் ரத்து செய்யப்பட்டு இருக்கின்றன.

Posted in Aircraft, BBC, Blast, Liquid, London, plot, Tamil, Terrorism, UK, US, USA | Aircraft Blast plot foiled அதற்கு மறுமொழிமை மூடப்பட்டது