Tamil News

BBC, Dinamani, Dinamalar, Maalai Malar et al

Tamil Nadu Profits by selling Electricity to Other States

Posted by Snapjudge மேல் ஓகஸ்ட் 2, 2006

வெளிமாநிலத்துக்கு மின்சாரம் விற்பதால் மின்வாரியத்துக்கு ரூ.150 கோடி லாபம்

கே.எம். சந்திரசேகரன்

சென்னை, ஆக.2: தமிழகத்தில் உபரியாக இருக்கும் மின்சாரத்தை வெளி மாநிலங்களுக்கு விற்கலாம் என்ற கொள்கை அறிவிப்பை தமிழ்நாடு அரசு வெளியிட்டுள்ளது. இதனால் தமிழ்நாடு மின்வாரியத்துக்கு ஆண்டுக்கு ரூ.150 கோடி லாபம் கிடைக்கும்.

மின் வாரியத்தின் மின் உற்பத்தி நிலையங்கள், தனியார் உற்பத்தி நிலையங்கள் என சேர்ந்து இரவு நேரத்தில் தேவைக்கும் அதிகமாகவே மின்சாரம் உற்பத்தி செய்யப்படுகிறது.

இவ்வாறு அதிகமான உற்பத்தி இருக்கும் நேரங்களில் தென்னக மின் தொகுப்பில் இருந்து எடுத்து பயன்படுத்தினால் அதற்கான விலை மிகவும் குறைவு. அந்த வகையில் ஆந்திர மாநிலம் இரவு நேரத்தில் கணிசமான மின்சாரத்தை, மின் தொகுப்பில் இருந்து பெற்று விவசாயிகளுக்கான இலவச மின்சார திட்டத்துக்குப் பயன்படுத்திக் கொள்கிறது. இதற்கு ஒரு யூனிட்டுக்கு ஆந்திரம் 60 பைசா என்ற அளவில் தான் கட்டணம் செலுத்துகிறது. எனவே, இத் திட்டத்துக்கு ஆந்திர அரசு செலவிடும் தொகை குறைகிறது.

உபரியாக உள்ள மின்சாரத்தை தமிழகமே, தேவையுள்ள வேறு மாநிலங்களுக்கு விற்றால், அது தமிழகத்தின் பயன்பாட்டுக் கணக்கில் சேர்ந்துவிடும்.

அந்த வகையில் இரவு நேரத்தில் 300 மெகாவாட் அளவுக்கு தமிழகத்திடம் இருந்து பஞ்சாப் மாநிலம் மின்சாரம் வாங்குகிறது. இதற்கு ஒரு யூனிட்டுக்கு ரூ.3.15 கட்டணம் தருகிறது. இதன்மூலம் தமிழ்நாடு மின்வாரியத்துக்கு ரூ.206.9 கோடி வருமானம் கிடைக்கும்.

இதை விற்காமல் போனால் ஆந்திர மாநிலம் இந்த மின்சாரத்தை எடுத்துக் கொண்டு, ரூ.50 கோடி தான் தரும்.

எனவே, வெளி மாநிலங்களுக்கு மின்சாரத்தை தமிழ்நாடு மின்வாரியம் விற்கலாம் என்ற முடிவால் ஆண்டுக்கு ரூ.150 கோடி லாபம் கிடைக்கும் என அதிகாரிகள் தெரிவிக்கின்றனர்.

கொள்கை முடிவு: வெளி மாநிலத்துக்கு மின்சாரத்தை விற்க வேண்டுமானால் தமிழக அரசு கொள்கை முடிவு எடுத்து அறிவிக்க வேண்டும் என மின்துறை அமைச்சர் ஆர்க்காடு வீராசாமி சமீபத்தில் நடந்த ஒரு கருத்தரங்க விழாவில் நிருபர்களிடம் தெரிவித்தார்.

இப்போது மின்சாரத்தை விற்கும் திட்டத்தை முழுமையாகச் செயல்படுத்த வசதியாக, அரசின் கொள்கை விளக்கக் குறிப்பில் இத் தகவல் இடம் பெற்றுள்ளது.

தமிழ்நாடு மின்சார ஒழுங்குமுறை ஆணையம் ஆகஸ்ட் 2005-ல் வழங்கிய ஆணைப்படி, தமிழ்நாட்டில் உற்பத்தி செய்யப்படும் மின்சாரத்தை அயலார்களுக்கு, சில நிபந்தனைகளுக்கு உள்பட்டு விற்கலாம் என கொள்கைக் குறிப்பில் தெரிவிக்கப்பட்டுள்ளது.

இதனால், இரவு நேரத்தில் தமிழகத்தில் சில மின் நிலையங்களில் உற்பத்தியை குறைவாக வைத்திருக்க வேண்டிய அவசியம் எழாது.

ஒரு பதில் -க்கு “Tamil Nadu Profits by selling Electricity to Other States”

  1. mutiny said

    Hi, It’s great to see Tamil online 😉 Do you mind sharing?
    I’m part of a team that runs ‘The Great Indian Mutiny’ (www.mutiny.in)
    I like your posts and would like to invite you to be a part of the Mutiny. If you are interested, please write to me at jacob23[at]gmail.com

    Muitny is a collection of blog posts about India. A thought terminus where all of India can meet and read each others views.

    please delete this comment once you have read it.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

 
%d bloggers like this: