Twenty-five EU leaders talk energy, rights with Putin
பதிந்தவர் SnapJudge மேல் அக்டோபர் 20, 2006
ஐரோப்பிய ஒன்றிய நாடுகளுக்கு எரிபொருள் பாதுகாப்பு தொடர்பாக மாநாடு
ஐரோப்பிய ஒன்றியத்தின் 25 நாடுகளுக்கு எதிர்காலத்தில் தேவைப்படும் எரிபொருளை உறுதிப்படுத்துவதற்கான திட்டம் ஒன்றை தயாரிப்பதற்காக 25 நாடுகளின் தலைவர்களும் பின்லாந்தில் கூடியிருக்கிறார்கள்.
ஐரோப்பிய நாடுகளுக்கு தேவையான எரிபொருளையும், எண்ணெயையும், கொடுக்கும் ரஷ்ய நாட்டின் தலைவர் விளாதிமிர் புதின் இவர்களுடன் இன்று இணைந்து கொள்கிறார்.
இன்றைய மகாநாடு ஆரம்பிக்கும் முன் பிரித்தானிய மற்றும் நெதர்லாந்து பிரதமர்கள் கருத்து வெளியிடும் போது, எரிபொருள் தேவை பற்றிய விஷயத்தில் புதிய போக்கு கடைப்பிடிக்கபட வேண்டும் என்றும், கரியமில வாயுவை மிகக்குறைவாக வெளியேற்றும் பொருளாதார திட்டத்தினை ஐரோப்பிய ஒன்றியம் கடைப்பிடித்தால் எரிபொருள் தடையின்றி கிடைப்பதை உறுதிப்படுத்த முடியூம் என்றும், பொருளாதார வளர்ச்சியை நிச்சயமாக அடைய முடியும் என்றும் தெரிவித்தார்கள்.
இது பேரழிவினை ஏற்படுத்த கூடிய காலநிலை மாற்றத்தினை தடுப்பதற்கு உதவும் என்றும் கூறினார்கள். மேலும் பேரழிவு ஏற்பட கூடிய காலநிலையினை இன்னும் பத்து அல்லது பதினைந்து ஆண்டு காலத்தில் எட்டி விடுவோம் என்றும் அவர்கள் கூறினார்கள்.
