Social Bookmarking – R Venkatesh
பதிந்தவர் SnapJudge மேல் செப்டம்பர் 12, 2006
புக் மார்க்கிங்கில் அடுத்த கட்டம்!
புத்தகம் படித்தாலும் சரி, பத்திரிகை படித்தாலும் சரி, பாதியில் நிறுத்திவிட்டு வரும் போது, மீண்டும் விட்ட இடத்தில் இருந்து தொடர்ந்து படிக்க ஒரு துண்டு சீட்டை வைப்போம். அதற்கு ஞாபகக் குறி (புக்மார்க்) என்று பெயர். கனமான புத்தகங்களில் பதிப்பகமே இந்த புக்மார்க்கை வைத்து அனுப்பிவிடும். மிகவும் உபயோகமான இந்த புக்மார்க் ஐடியாவை கணினியின் உலாவியிலும் பார்க்கலாம். அப்புறம் படித்துக்கொள்ளலாம் என்று நீங்கள் நினைக்கும் வலைப்பக்கங்களை புக்மார்க்கரில் சேமித்து வைத்துக்கொள்வீர்கள்.
இணையம் இன்று அபரிமிதமாக வளர்ந்தபின், படிக்கக் கிடைக்கும் விஷயங்களும் அதிகமாகி விட்டன. அவை எல்லாவற்றையும் உங்கள் உலாவியில் சேமித்து வைத்துக் கொள்ளவும் முடியாது. இங்குதான் வலை 2.0 தன் வேலையைக் காட்டுகிறது.
சுவையானது என்று பொருள்படும் ‘டெலிஷியஸ் டாட் காம்’ (http://del.icio.us/) என்ற வலைதளம் இந்த புக்மார்க்கிங் செய்வதை அடுத்த கட்டத்துக்கு எடுத்துச் சென்றுவிட்டது. இது ஒரு கூட்டு புக்மார்க்கிங் (Social Bookmarking) சேவை. அதாவது நீங்கள் படித்த, அல்லது மேலும் படிக்க வேண்டும் என்று நினைக்கும் வலைப்பக்கங்களை இங்கே சேமித்து வைப்பீர்கள். உங்களைப் போலவே இணையத்தில் உலவும் பல கோடி பயனர்களும் தங்கள் ஆர்வங்களை புக்மார்க் செய்து வைப்பார்கள்.
அவ்வளவுதான்! எது சிறந்த வலைப்பக்கம், எந்தப் பக்கம் சூப்பர் பக்கம், எந்த செய்தி அதிகம் கவனம் பெற்றது, எந்தப் பக்கம் அதிகம் பார்க்கப்பட்டது என்று எல்லா விவரங்களும் இந்த வலைதளத்தில் தெரிந்துவிடும். நமது வாசகர்களின் சுவை என்ன என்பதைச் சுலபமாகத் தெரிந்துகொள்ளும் ஒரே இடம் இதுதான்.
இதே போல் உள்ள மற்ற முக்கிய சோஷியல் புக்மார்க்கர்கள்:
1. பிலிங்க்லிஸ்ட் (http://blinklist.com)
2. ஷேடோஸ் (http://shadows.com/)
3. க்ளிப்மார்க்ஸ் (http://clipmarks.com/)
இந்த இடுகை இடப்பட்ட நாள் செப்டம்பர் 12, 2006 இல் 2:28 பிற்பகல் பின்வருமாறு பகுக்கப்பட்டுள்ளது Anandha Vikatan, Bookmarks, R Venkatesh, Social Bookmarking, Tamil, Technology, Vikadan, Web2.0, del.icio.us. You can follow any responses to this entry through the RSS 2.0 ஒடை. உங்களால் முடியும் பதிலிட்டுவிட்டுச் செல்லவும், அல்லது பின்னறியும் தடம் உங்களின் சொந்த தளத்திலிருந்து....
